22-03-2002, 09:15 | #1 |
عضو شعبيات
|
من عيونك تشتكي عيني ( القصيده والرد )
اتمنى ان تحوز القصيده والرد على اعجابكم من عيونك تشـتكي عيــــني .... بـس يكـــفي لا تــسهرها ع السهر يا كامـل الزيــني .... تغـصـب اعيوني وتجبرها من شقى شوقناً يشقيني .... لك يا اغلى الناس وخيرها يوم يلــهاني يـــجافيـــني ..... والــــعيون اشـــوق يمرها كل ليله فــيك تغــــريني ...... اوعــد اطيوفك وسامرها لين تصحى الشمس وتبيني .... والنــهار العجز يغمرها لك غلى يسري ابشرايني ....عنك نفسي كيف اصبرها مدخـــل الــلــه لا تخلــيني..... اتعب اعيوني واسهرها عبدالله السيد الهاشمي الرد من عيوني لو تبى عيني .... بس عينك ما أسهرها يا مليك الحسن والزييني ... عنك نفسي كم اصبرها من وجد شوقً سطى فييني... كم من الاشواق انهرها لك غلى داخل شرايني ... تمتلك روحي وتأمرها حبك بقلبي من سنيني .... يا أعز الناس وخيرها كل ليلة طيفك اجيني ... يسهر ابعيني ويسامرها روف بي وشعر وحس فيني... عالج اجروحي وجبرها بس يكفي لا تشقيني ... منك عيني لا تسهرها خلها تنظرك كل حيني .... انت ساكن في محاجرها انت عيني يا بعد عيني ... بس عينك ما اسهرها مطلع الشمس |
22-03-2002, 09:37 | #2 |
رحمة الله عليه
|
السلام عليكم..... أختي :Almaha ............ياهلا والله ومسهلا بك الساعه المباركه والمشاركه الأبرك جيتي وجبتي. الله يعطيك العافيه ويسلمك ... بس يكفي لا تشقيني ... منك عيني لا تسهرها خلها تنظرك كل حيني .... انت ساكن في محاجرها انت عيني يا بعد عيني ... بس عينك ما اسهرها مجارات طيبه وصح لسان الشاعرين والله يسلمك اختي [ مارس 22, 2002: تم تعديل الموضوع بواسطة : راعي العنود ] |
22-03-2002, 14:36 | #3 |
عضو شعبيات
|
المها صح لسانك وابوصالح حاجز المقعد الاول على متن هذه الرائعه تسلمين ردفي مكانه يعطيك العافيه ومزيد من التوفيق وتقبلي خالص التحيه : أحمـــــــــــــــــــــ آل حـــــــــــــــــــــــارث ــــــــــــــــــــد. |
22-03-2002, 19:11 | #4 |
عضو شعبيات
|
راعي العنود& المدار. مرحبا الساع مليون تو ما نور الموضوع بوجودكم الصراحه اتعودة اني القى اسمك يا راعي العنود وانته يا المدار في ما اطتب من موضوعات في فسم الشعر ... اظني لو جاء يوم ما كتبتوا رد ليه بفتقد حضوركم... الله يعطيكم العافيه على هذا التشجيع |
22-03-2002, 20:15 | #5 |
شـــــاعــــــر
|
Almaha صح لسانك اختي وصح لسان الشاعرين ابيات جميله وكان للعيون فيها نصيب الاسد اشكرك واتمنى استمرارك وحضورك يضفي لهذا المجلس لمسه شاعريه من النغم الاماراتي الجميل فدائما تكتبين لنا منه ما يروق لك ولما تتمتعين به من ذائقة شعرية جميله كان هذا الامر اشكرك واحييك اخوك ابونوت [ مارس 22, 2002: تم تعديل الموضوع بواسطة : ابونوت ] |
22-03-2002, 23:59 | #6 |
عضو شعبيات
|
ابونوت تسلم على هذا الكلام الجميل ,, وانتم والله تستحقون الافضل وانا ما احب اكتب الا لما اشوف ان القصيده روعه وتستاهلون انكم تقرونها لاني اقدركم اكثير وعذورنا لو قصرنا |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|