25-12-2003, 08:01
|
#1 |
|
شـــاعر العثمــانيـــات
|
عقد الالماس
[poet font="Simplified Arabic,4,white,normal,normal" bkcolor="darkblue" bkimage="" border="none,4,gray" type=0 line=200% align=center use=ex length=0 char="" num="0,black" filter=""] خـاب الامل والفكـر لا زال محتاس = من بعد ما بان الجفا والصدودي كنت احسب إنّ الحبّ للحبّ حسّـاس= واثري أعيش بوهم ماله حدودي ومن حـرّ مابي سرت بالحزن والياس = طفـلٍ يتيمٍ تاه وسط النفـودي صدفه وانا اضرب هاجسي فوق الارماس = طاح النظر في عين ظبي شرودي حـوريّة لا هـي من الجـنّ والنـاس= ترسل عذابي مع ورود الخدودي قـلت التحيّة .. ردّت بعقـد الالمـاس= وطيّر بقـايا العقـل زمّ النهودي قـالت من انت وقلت انا عـالي الساس = دمّي بحرف الضاد ينبض وجودي قـالت تفيخر وانت من خسّ الاجنـاس = لانتاب لا امريكي ولا انته يهودي روس العرب معروفه ابكثر الانعـاس = طبع التبطّح عنـدها والرقودي لا شكّ راسك مثلهـا قـالب الطـاس = لا من صحى اقبل وانتبه للشهودي قـلت الغلـط خـلّيه محْتـاج هوجاس= حنّـا نتبطح لا نوينـا الأسودي الحرب خـدعه وكل حرب لهـا الباس = ولباسنا بالحرب برقر وكودي قـالت تنكّت .. قـلت من لاهب الواس = لا من سمعت اخبارها والسجودي هـذا حصان صـاده اليـوم نسنـاس = وهذا رمى سيفه وخان العهودي وهذا يطـارد ذا .. وذا صـار بـلاّس = والكل دايـخ للحـريقه وقـودي من وهجهـا بـوشٍ نتف كل قـرناس = واوراقنـا المتلخبطه في صعودي اللـي براسه عقـل مخطـر بوسواس = والرابح اللي ما درى بالوجودي يـالله تعـدّلهـا علـى كـل مقيـاس = والا تميّلهـا ببرق ورعـودي [/poet] |
|
|
|
25-12-2003, 08:16
|
#2 |
|
شــاعــر
|
. . .. شاعر الحدث .. عثمان العبد الله . . . نسأل الله أن يديم نعمة الأمن والأمان على كافة بلاد المسلمين .. وأن يعزً كل مسلم وأن يعلي من شأنه وذلك ليس على الله بعزيز .. تحياتي لك أخوك ----------- عبد الله الجزلاني ------------- |
|
|
|
|
25-12-2003, 17:14
|
#3 |
|
شــاعـر
|
السلام عليكم اخوي عثمان العبدالله تحيه خاصه تحمل كل احترام وتقدير ازفها لك من كل قلبي صح لساااااااااااااااااااااااانك يا ,,, (( مجدد)) لااااااااااااااااااهنت على كل حرف في هالقصيده انا بنتظار جديدك تقبل تحياتي اخوك : صالح الحربي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
