07-04-2004, 01:29
|
#1 |
|
شــــاعـــر
|
بين حايل والقصيــم ... مفترق لهجات ..!!
بسم الله .. مساكم الله بالخير .. بصراحه انا انسئلت هالسؤال .. ولاحظت ان كثير من الناس يخلطون بين اللهجتين .. لهجة اهل حايل ولهجة القصمان .. السؤال : وش الفرق بين اللهجتين ؟ طبعا بما اني انتمي لأهل حايل ولو اني بعيد عنها شوي  .. واطالب كل الحايلين بالحضور ووضع مرئياتهم حول القضيه <<-- لاحضوا مرئياتهم والله متعوب عليها وطبعا القصمان بعد لازم يجون ونشوف وش حنا عليه ... انا باتكلم حسب معرفتي باللهجتين .. ويمكن ذاكرتي يبيلها تنشيط شوي بهالخصوص ... طبعا مبدئيا نقدر نقول ان اللي يقول ان به تشابه بين اللهجتين فهو مخطي ومخطي ومخطي ولايدري وين الله حاطه ... والفرق بين لهجة اهل حايل ولهجة القصمان مثل الفرق بين الثرى والثريا .... واذا كان اساسا ً اهل حايل نفسهم تختلف لهجاتهم بين بعض .. واكبر مثال اهل صديان واهل الباديه مابينهم الا ضلع وشارع .. ومع ذلك يمكن لأي واحد يلاحظ الفرق بين اللهجتين ... وفوق هذا بعد مايتدانون وان جا طاري احد من الطرفين عند الاخر تقوم الدنيا ولا تقعد .. ..بصراحه انا استغرب من اللي يقول ان لهجة القصمان قريبه من لهجة اهل حايل والحقيقه غير كذا ... القصمان لهجتهم فيها مط للحروف غير طبيعي خصوصا حروف العله ... والمطه هذي مهي عند اهل حايل ... وبعدين اهل حايل يقولون (( وش نوحوه هاللون ؟ )) يعني وش فيه كذا ؟ بينما القصمان يقولون : (( وراااااااااوه تسذا ؟ )) واهل حايل يقولون : يابعد تسبدي .. اما القصمان يقولون : يابعد سبدي ... وملاحظه بسيطه ... القصيمي من يدزبل عليك تقول هذا قصيمي من شديدزاتوه من كثر التمطط والله ... اما الحايلي يابعد عظيماتي من يقرط لوه كلمتين تعرف هو وين به بحايل الحاره والشارع وتاريخ الميلاد بعد بعدين فيه فرق بين الحايلي اللي اختلط مع العالم والحايلي اللي من جعصتوه اموه وهو بحايل يعني حايلي على بطنوه طبعا انا اكثر ملاحظه الاحظها بين اللهجتين ان القصمان يمطون الكلمه اكثر من اللازم اما اهل حايل لا .. يعطون الكلمه حجمه الطبيعي والسالفه ام خمس دقايق بلسان الحايلي تاخذله ربع ساعه بلسان القصيمي والحق ينقال .. حنا يالحايليين نجاكر اليمانيه بسرعة حتسينا طبعا الفرق كبير كبير كبير كبير مثل ماقلت ... وذاكرتي ماتساعدني هالحين .. لكن انتظر مساعدة الحايلين باسرع وقت لانهم هم اللي يعرفون اكثر من غيرهم وش الفرق بيننا وبين القصمان . تحياتي لكل قصيمي مر من هنا ... واللي مهو قصيمي ولاهو حايلي .. اكيد عنده معلومات .. لايبخل علينا بشي والحايليين ... وينكم ؟ |
|
|
|
07-04-2004, 03:17
|
#2 | |
|
شــاعــر
|
رد : بين حايل والقصيــم ... مفترق لهجات ..!!
إقتباس:
انت الشاذ الذي اثبت القاعده اما الفرق الحايلي لو يتكلم فرنسي دريت انه حايلي لااا واعلمك هو قراوي والا من الديره اول شي طبقه الصوت عاليه شوي وبعدين فيه ميزه بالحايلي اللي بقراطيسه غالبا تلقاها فيه هي حرف الجيم ...... لهم طريقه نطق مميزه ما اقدر اشرحها هي تقريبا مائله لحرف القاف واللي عنده شريط لفنانين حايل فهد عبدالمحسن والا السلامه يلاحظ هالحرف يمكن التشابه اللي بنا الناس عليه انهم نفس اللهجه هي طريقه المخاطبه للمؤنث اهل حايل والقصيم يحذفون الالف مثل كلمه وينها ينطقونه وينه الخ وطبعا مايتفقون بكل شي بخصوص المؤنث مثلا كلمه وينك للمخاطب المؤنث ينطقها احل حايل وينت /يقلبون الكاف تاء واهل القصيم وينس/يقلبون الكاف سين والاختلافات كثر التراب بس مشوار نعدد اخر تعديل كان بواسطة » خالد الشايع في يوم » 07-04-2004 عند الساعة » 03:34. |
|
|
|
|
|
07-04-2004, 16:54
|
#3 |
|
Guest
|
رد : بين حايل والقصيــم ... مفترق لهجات ..!!
ابا ارجع يانواف |
|
|
|
10-04-2004, 23:01
|
#4 |
|
عضو شعبيات
|
رد : بين حايل والقصيــم ... مفترق لهجات ..!!
اولاً يشرفني ارحب بالجميع بعد طول غيابي لكن ستجدوني معكم من اليوم بالنسبه للموضوع حلو ونا عندي اضافه هالحين القصيمي لادقيت عليه تلفون تبيه قالوا لك اهله : فلان به مير نيم = الرجال نايم لكن حنا يهل حايل نقول : فلان نيم .............. واذكر موقف لواحد من اخوياي دق يبيني على البيت طبعاً قديمه السالفه مابه جوالات فردت اختي الصغيره فارس نيم ، من بكره قابلته قال اخص اختك تتكلم انقليزي بغيت اقولها اسمي محمد هههههههههههههه |
|
|
|
|
11-04-2004, 03:06
|
#5 |
|
شــاعــر
|
رد : بين حايل والقصيــم ... مفترق لهجات ..!!
مسيك با الخير يا نواف انا بصراحه من الناس الي مايدرون وين الله حاطهم فيه  بس اعتقد والله اعلم ان الهجتين قريبات من بعض لا تقول لي وشلون فيه بعض التشابهه بحاول اجيبه بشي من التفصيل بس انا حبيت اعلق على حاجه معني ماني من اطراف النقاش بس الحياه جمعتنا با اخوانا من كل مناطق المملكه <<-- مهوب عاقل الشايب :white: المهم انا الي اعرفه انكم ما تقولون يابعد تسبدي والا سبدي اخبركم تقولون يا بعد حيي ولي عودة إن شاء الله ويعطيك العافيه على فكرة الموضوع الرائعه |
|
|
|
|
21-04-2004, 15:47
|
#6 |
|
شــــاعـــر
|
رد : بين حايل والقصيــم ... مفترق لهجات ..!!
هلا والله ياابو شايع .. ماقصرت ياغالي .. وازيدك بعد .. اهل حايل يقلبون الالف والتاء في جمع المؤنث السالم الى الف وياء وهاء يعني مثل / سيارات / بنات / عمارات / تصير ,,, سيارايه / بنايه / عمارايه .. طبعا بتسكين الياء والهاء .. ومثل ماقال خالد .. قلبت الجيم قاف .. مهي تقريبا قاف .. الا قاف منبطحه على بطنه .. وفيه كلمات كثير ومصطلحات تختلف من حايل للقصيم .. مثل ادغفوه ( من يدغف ) .. اتنوه ( من يتنا ) ... وبصراحه مااعرف وش مرادفها بالقصيمي ولا ّ كان شرحته .. |
|
|
|
|
21-04-2004, 16:16
|
#7 |
|
شاعر
|
رد : بين حايل والقصيــم ... مفترق لهجات ..!!
. إقهر يامال العرتس انت وياه .. ! وشنوحكم ماتجيبونن بالســــــــالفـــــــة ؟ والله ياتسنوه نواف مرتبش من هالقصمـــــان الواجد بالمنتدى نواف .. إنفهك .. وأنا أخوك .. ! والله إن يكرفتونــــــــــك ومار تطلع متليش .. ! هلودع .. غديك تقضب أرض بس .. كل هاللاتيني اللي فوق هذا .. وتقولي زي القصمــــان ؟ . |
|
|
|
|
03-05-2004, 07:30
|
#8 |
|
قلــم فعّــال
|
رد : بين حايل والقصيــم ... مفترق لهجات ..!!
هلا وسهلا حياك الله نواف <<<<< يعنني قصيمي مريت من هنا نواف من قال انها تتشابه انا اتفق معك تختلف اختلاف جذري حتى القصيم لوحدها فيها كذا لهجه ودوم اسئل نفسي ليش هالتنوع باللهجـات ؟ شرأيك هل هذا نوع من اثبات الذات والا ايش بالضبط ... !!! ادخل على الله ما اعــلم الف شكر لك من القصيمي عادل |
|
|
|
|
03-05-2004, 13:47
|
#9 |
|
شاعر
|
رد : بين حايل والقصيــم ... مفترق لهجات ..!!
اقول نواااااافوووووه لعنبو بليس انت ما تستحي على هالحتسي .. رجال وبنات شواربهم ماليه وجيههم ههههههههههههه وتقول ادغفوه بس عاد ( عمارايه ) هذي ماله حل .. ليه يا عمي مقطوع سرك بـ المهندسين .. يا شيخ انقلع انت وهالموضوع الماسخ ومن زين الطبايع البكر يقول لين ما علمتونننننننننننننننننننن معلمينك سورة الاخلاص عاد اقول حلالاة لو بيدي سلطه اني لا ارضك انت وموضوعك لين تصير عيونك مثل عيون عمار الشريعي على طاري عمار الشريعي يقولون ان ملعب الشرائع اللي بمكه يصير لهم .. شف انا فاضي الحين وودي احكي مع اني مانمت من امس على طاري امس تصدق انه كان اقل من 24 ساعه يقولون عشان مرور مذنـّب الدراري من فوق اسيا وهذا على ذمة واحد من العيال يدرس فلك في كلية الشريعه بجامعة عين شمس .. كواكب هوى .. كلعب الدوى الله والله اني تذكرت هاللعبه يوم كنا صغار واحلامنا ائد الدني .. كان بذاك الوقت نلعب لعبة السكين على الرمل لعبه ما يلعبه الا الحونشيه بس عاد كنا نلعبه تبيني اعلمك وشلون تلعبه ههههههههه قرب لا بعد قرب مررررره ههههههههههههههههههههههههههههههه هههههههههههههه ابقولك سر هههههههههه ههههههههههههههههه اقول خل اضف وجهي احسن باي حبي نوفو |
|
|
|
|
08-05-2004, 13:03
|
#10 |
|
موقوف
|
رد : بين حايل والقصيــم ... مفترق لهجات ..!!
يا اخوي يا نواف الفرق تسبير بلحيل بس يمكن الشي الوحيد المشترك هو الكسرِ هِ باخر الحتسي بس من الكلمايه الي يقولونه اهل حايل ( ايتونا =تعلو لنا , ثوور او ثر =قم وقف ,بهُ =فيه ,نهج =راح اوذهب هلودعُه نيم=علشان كذا نايم,هلوّن =كِذاء,واحياناْ بينُه =وينُه ) وغيره كثير بُه ناس مثلاْ يقولون نبي نروح لم النفود غدينا نطعس (نُريد ان نذهب الى النفود لكى نطعس ) الباب مصكوك =الباب مسكر الدريشه منكصمه =النافذه مكسوره نبي نروح لرزفه =نريد ان نذهب الى حفله وغير هاالحتسي واجد تقبلو تحياتي اختكم البرواز |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
