[عبدالرحمن الربيّع]

الشاعر القطري محمد الذيب كانت لديه استضافه في برنامج اذاعي في الامارات وكان الشخص المرافق له شاعر اماراتي اسمه جراح وبعد ما انتهت الاستضافه قام الشاعر الاماراتي جراح ودعا الشاعر ابن الذيب للعشاء ، ولبى ابن الذيب الدعوة لكنه لما ذهبوا للمكان وجد أن المكان عباره عن مرقص ولأن المكان لا يتناسب مع اخلاقيات ابن الذيب فقد جاء الاعتذار منه للمضيف وخرج ابن الذيب وتوجه لغرفته في الفندق وبعدها بفترة قصيره إذا بأحد موظفي الفندق يأتيه برساله من الشاعر جراح متضمنة أبيات يقول فيها



مرقص دبي اللّي له القلب يرتاح

...................حتى سلاطين الجزيره تدلّه

لاصار ما في شربة البن مصلاح

..................غرشه من الويسكي بفنجال دلّه

وان كان يابن الذيب منته بمزاح

...................فانا عقدت الحبل وانته تحلّه

هذي بداية معرفتكم بجراح

...................إما شربت الكاس والا فخلّه


رد عليه ابن الذيب بقصيدة رائعة يقول فيها



ماهوب صح الله لسانك ياجراح

....................يكفي من العلّه ثلاثين علّه

أنته وحكامك هل الكاس لا لاح

....................والا سلاطين الجزيره لا بلّه

حكام نجد اللّي ورا هضبة رماح

....................ظلالهم مثل الجبال المظـلّه

صغيرهم يلعب بكم لعب مسباح

...................ويسد فاه أهل القلوب المغلّه

إن مد كف الطيب ماهوب شحاح

...................والى تعزوا دولةٍ مستقله

مانيب أزكيهم من جا ومن راح

...................يمكن يجي في صفة القوم خلّه

وان كان هرجك لي ولا انته بمزاح

..................ياما حلا بعض الحكي في محلّه

ما نشرب إلا البن الأشقر إلى فاح

.................والا حليب بكار في وسط ملّه

رجل وطموحي من ورا النجم لا لاح

..................أكبر من اني أشتهر في المجله

يكفيني من المعرفه والتمداح

..................إني إلى ضاقت علي قلت : يالله

الوضع ذا مزعجي ولا نيب مرتاح

....................بروح واخلي لك دبي كلّه

منقووووووووووووووووووول .

[سعود الخويطري]

وان كان هرجك لي ولا انته بمزاح

..................ياما حلا بعض الحكي في محلّه

ما نشرب إلا البن الأشقر إلى فاح

.................والا حليب بكار في وسط ملّه



الله الله


قصه وقصيده رائعه جدا

ورد جزل من ابن الذيب

ولاهنت مليون يـــ عبدالرحمن الربيع

وسلمت وسلمت يمناك يالغالي

دائما ننتظرك في الخيمه

وتقبل سلامي

الخويطري

[محمد العريني]

ابو رياض..



يعطيك العافيه ..



انا اشهد انه ما قصر..


بيض الله وجهه..

[مرزوق بن فيحان]

هلا عبدالرحمن


حسب معلوماتي ان ابن الذيب شاعر قطري مميز جدا ً



اسمه محمد ابن الذيب



شاكر لك اخوي عبدالرحمن



تقبل تحياتييييي مرزوق بن فيحان

[علي مكحول]

والله من زين الطبايع عازم الرجال في مرقص ... والله ويخسي ويقطع

((((من ذا فاله الله يحرمه عياله))))

يستاهل الرد اللي جاه واكثر وبيض الله وجه ابن الذيب والنعم فيه والسبعة انعام والله ..





مع التحيه
دم الغددددددددددددددددددر

[عبدالرحمن الربيّع]

الخويطري


هلا بك يالغالي والف شكر لا عدمتك ..


صح بدنك ..

تحياتي .

[عبدالرحمن الربيّع]

محمد الحراب


هلا وغلا يابو عبدالله ..


سلمت يالغالي وهذا من طيبك ..



تحياتي .

[عبدالرحمن الربيّع]

مرزوق بن فيحان


هلا بك يالغالي ..


والف شكر على التنويه والعتب على الإيميل اللي جاني ..

وكنت اسمع به ولا اعرف جنسيته ..


تدري اني بالصدفة قبل اسبوع شفت له مقابلة في تلفزيون دبي واسمع المذيعة تقول الشاعر القطري وقلت عز الله اني جبت العيد هههههههههههه


ونسيت اعدل الموضوع ولكن عموما انا عدلت الموضوع الحين وشكرا لك ومتابعتك ..


تحياتي لك ولك كل التقدير ..


اخوك .

[عبدالرحمن الربيّع]

دم الغدر


هلا بك وهلا بحضور ك ..



تحياتي يابعدي .

[ساقي الضمايا]

لاهنت مليون ياعبدالرحمن الربيع


وجعلك سالم على القصيده والاختيار الجزل


ومعروف شاعر قطر : محمد بن الذيب العجمي


ولاعدمناك


تقبل سلاااااامي