31-01-2002, 11:26
|
#1 |
|
عضو شعبيات
|
تخاريف كاتب على الشعراء عاتب (2)
وكما وعتدكم هذا الجزء الثاني ================ قارئي الاعزاء تحية طيبة انا اسف اني تأخرت عليكم بالجزء الثاني لكن لظروفي الطائة سبب في ابتعادي فارجو انكم تعذروني ================ عثرات الشعراء ( الجزء الثاني ) اشراقة صباح =========== اعزائي وعزيزاتي ( ماي دير , ماي ديراتي )  احب اقول لكم قبل ابدأ المقال ان البداية ( اشراقة صباح ) مهوب يعني اني كتبتها في الصباح ( يعلمكم انه ما يقوم الا الظهر ) بس عناد حطيتها اشراقة صباح لاني احب الصبح ( يسمع فيه ولا عمره شافه ) فلذلك من باب ودريشة المعرفة حطيت ذي الملاحظة عشان ما تتوهقون ( يا موهقهم انت  )=========== هذا المقال برعاية مجلة ( انت تشخبط وحنا نوزن ) الشعبية بس قبل ابدأ اتركم مع هالفاصـ.... خلص الفاصل الاعلاني ( معليش على البربسة الي فوق ) احبائي :- شاعرنا في هذا المقال شاعر شق طريقه بالفيتامينات وصار شاعر ( أد الدنيا ) واصبح له معجبون ومبربسون مثله ومن على شاكلته حتى اشتهر ( يعني غطى علي  )لا اعلم على اي اساس اصبح شاعر فرغم ضعف قصائده مضموناً ومعنى فاستباح من الالفاظ ( قومه وقعده ) .............( وينكم يالرقابة ) وايضا رغم رداءة شعره امتلى السوق من اشرطته وفي ديوانه ( معليش تجاوزا ) الاخير المسموع سحبه من الاسواق لان الصوره ما اعجبته يمكن بعضكم عرف من هو المقصود ويمكن البعض ماعرف لجهله به وبعضكم ما يفهم بالتلميح وهذا كلام موجه للعقول السمبتكيه ( فوق مستواكم تعرفون معناها ) واليكم بعض من خنبقات شاعرنا الفاضل :- والله وبديت اشغله واطري على باله *** بديت اذوب خفوق الي مذوبني اجل بديت تشغله شي طيب والله ولا وتطري على باله من قدك يا ( حسنين ) بس كيف تشغله الله لا يشغلنا الا بطاعته مافيه شي يستاهل الاشغال في هالدنيا ومن سبب دمار الشخص اشغال الروح ( اشوفك قلبت طبيب نفسي ) نعود للموضو بعد مامسكت الردمية فيكم فاقول شطر ضعيف يعني شف لنا غيره ادري انها ما توقف معك بديت اذوب خفوق الي مذوبني الحين هو مذوبك بالكامل وانت مذوب بس خفوقه ....... صراحه مادري شلون يفسر هالبيت اذا لقيتو تفسير علموني ( كور لافة )======== ماجاء على بالي خطاك انت بالذات *** لاتعتذر يجي منك اكثر يقول ماجاء على بالي خطاك انت بالذات مسكيييين يكسر الخاطر ماتوقعت يخطي عليك بس شكل الغلط عليك واجد يعني بقفا من يشيلبس لا تحاول مهوب معتذر لك لاتعتذر يجي منك اكثر يجي منك اكثر ... انا سامع هالكلمة بس مادري وين ايه ولد جيرنا سعيدان يوم قعدت اصفق فيه من زود حبي له ( امحق حب ) قال لي : يجي منك اكثر وكنا واقفين في الشارع ( افهم يا فهيم ) شكل الرجال قاعدين باستراحة ذيك الليلة الي كتب فيها ( شخابيطه ) وغلط على واحد من الشله وقال له يجي منك اكثر قال ... يجي منك اكثر ... يجي منك اكثر ... يجي منك اكثر مطلع قصيدة رهيب ( يا سلام على الالهام ) حتى الفاظ .......... ما سلمت منه هذي بعض من مقتطفات صاحبنا وهي الفاظ مستهلكة لكن شوفوا العجب العجاب يقول صاحبنا في مطلع قصيدته ( يلعن ابو جدهن ) !!!! صراحة ما ينصدق وعندما سئل شاعرنا ( تجاوزاً ) عن السبب الي خلاه يستخدم هاللفظ قال :- انه كان يقيم امسية وانه لما خلص من الامسية وطلع من القاعة قابل 4 معجبات وقعدن يسولفن معه ويقولون انه معجبات به واكيد شاعرنا ( تجاوزاً ) لحظتها ( خرخر الزيت ) كيف الحال يابو الشباب ........... لو يفترض عني يقولون مرجوج *** قل دايم الطيب تجي فيه رجه يقول :- لو يفترض عني يقولون مرجوج هذي قضينا منها عارفين انك مرجوج الله يخلف عليك قل دايم الطيب تجي فيه رجه مالك لولا يالحبيب من قال ان الطيب مرجوج ماعمري شفت رجال شهم وطيب عليه العلم ومرجوج مهيب من صفات الرجال الرجه ...... ارفعها من المطامن فديت هالخشم هذي بعض من خنبقات شاعرنا ( تجاوزاً ) الي للاسف اسأت لأدبنا الشعبي ورسمت صورة مشوهة لما كان عليه سابقاً وكأن بحال الشعر يقول ( ارحموني يا راعين الخنبقات ) .......... الله يرحم الحال ===================================== سؤال للأذكياء :- كم مرة قلت ( تجاوزاً ) ؟ |
|
|
|
02-02-2002, 17:04
|
#2 |
|
عضو شعبيات
|
صباح الخير عذرا للتأخر في الرد للأسف في العصر ذا فيه علاقة عكسيه بين الشعر والنقد كلما قل عدد النقاد زاد عدد الشعراء والشاعر الملمح عليه اعلاه هناك بعض الشعراء مثله, اشغلتهم لزوميات الإعلام والشهره عن الشعر ذاته فهو يجدد صورته في كل عدد وكل طبعه من الديوان اكثر من تجديد معاني وافكار قصائده [ فبراير 02, 2002: تم تعديل الموضوع بواسطة : جمر الآهات ] |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
