23-10-2004, 15:27 | #1 |
عضو شعبيات
|
الشاعر : مرشد البذال وامير قبيلة العجمان
هذه قصيدة للشاعر المعروف : مرشد البذال - رحمه الله وقصتها كان جيران للشاعر الكبير مرشد البذال فى الكويت شافهم يشغلون سياراتهم فى الصبح فسألهم وين رايحين قالوا بنروح نسلم على الشيخ وامير قبيلة العجمان : راكان بن ضيدان ال حثلين فى ضيافة الشيخ : جابر العلى الصباح حيث انه عازمه فى قصره فقال مرشد انا خويكم ابى اشوف الشيخ راكان واتعرف عليه حيث انه لكم وله مكانه كبيره عندى ولما راحوا وسلموا عليه اعجب فيه الشاعر مرشد البذال وقال هذه القصيده وابو ضيدان من الامراء الذين اشتهروا بالفطنة وبالطيب والجود خلال عصر السبيعنات والستنينات... : اليوم انا مريت لى ربع عجمـان = مستانسيـن وبالخبـر مستهميـن ربع لنا بالعون ماهـم بقشـران = وافين فى كل المعانـى وذربيـن قلت الخبر قالوا نبى الشيخ راكان = اميرنا وابـن الفهـود المسميـن مشيت معهم مستهـم وعجـلان = حق على زيارتى لابـن حثليـن لقيت لى رجل من العقل مليـان = رجل من فهود الرجال الذكييـن الرجل يأهل المعرفه قلب ولسان = وبشارة تبقى على العسر والليـن وان كان فى راكان طابن الاظنان = ما هو كثير مسنع بيـن جديـن هذى زيارة خير يا نسل ضيدان = اقولها مسرور من خاطر زيـن اقولهـا ماهـوب زور وبهتـان = الرجل له عند اهل العرف تثمين امير يام مهديـة كـل شيطـان = زينيين للصاحب وللقوم شينييـن من فضل ربى كل ابونا بميـزان = الله يثبتنا علـى الحـق والديـن فى فضل ابو سالم هلا يا قهيدان = اللى حمانا من جميع الشياطيـن فى نعمة عشنا شبـاب وشيبـان = نشدى لزرع ناعم فـى بساتيـن من قال له قول على غير وكدان = يفشل الى منه حكى فى الدواوين وانا حكيت الحق والحق وجـدان = الشاهـد الله والمخاليـق داريـن وتقلبوا سلامي واشواقي الخويطري |
25-10-2004, 04:52 | #2 |
عضو شعبيات
|
رد : الشاعر : مرشد البذال وامير قبيلة العجمان
وان كان فى راكان طابن الاظنان = ما هو كثير مسنع بيـن جديـن هذى زيارة خير يا نسل ضيدان = اقولها مسرور من خاطر زيـن اقولهـا ماهـوب زور وبهتـان = الرجل له عند اهل العرف تثمين وفاء رائع ووالله وغير مستغرب من الشاعر الكبير مرشد البذال لاهنت يالخويطري وجعلك سالم وغانم ولاعدمناك تقبل سلاااااامي |
27-10-2004, 15:15 | #3 |
الأسير / شاعر
|
رد : الشاعر : مرشد البذال وامير قبيلة العجمان
تسلم والله يالخويطري على الاختيار الجميل وراكان بن حثلين يشتاهل اكثر من كذا عموما مشكوووور كل الشكر اخوك الاسير |
29-10-2004, 07:16 | #4 |
عضو شعبيات
|
رد : الشاعر : مرشد البذال وامير قبيلة العجمان
حيـاك الله يـ ساقي الضمايا وولاهنت ويامرحبا بك وبردك وتعقيبك ومرورك الكريم وشكرا لك تقبل سلامي واشواقي الخويطري |
29-10-2004, 07:19 | #5 |
عضو شعبيات
|
رد : الشاعر : مرشد البذال وامير قبيلة العجمان
حيـاك الله يـ الاسير وولاهنت ويامرحبا بك وبردك وتعقيبك ومرورك الكريم والشكر تستحقه يالغالي تقبل سلامي واشواقي الخويطري |
09-12-2004, 12:34 | #6 |
شـــاعــر
|
رد : الشاعر : مرشد البذال وامير قبيلة العجمان
قصيده رائعه للامير يستاهلهاااا صح السان قايلهاااا وناقلهاااا تسلم عزيزي الخويطري على هذاااا الاختيار دمت بخير |
09-12-2004, 17:19 | #7 |
عضو شعبيات
|
رد : الشاعر : مرشد البذال وامير قبيلة العجمان
حياك الله يــ سهوم الغدر وولاهنتي ويامرحبا بك وبردك وتعقيبك ومرورك ووجودك الطيب وتستاهلين الطيب والمسك والعنبر تقبلي سلامي واشواقي الخويطري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|