26-09-2004, 01:55
|
#1 |
|
الأسير / شاعر
|
من طرائف الشعر والشعراء
[align=center]السلام عليكم ورحمة الله وبركاته هذه مختارات من طرائف الشعر النبطي ارجو انها تنال جزء من اعجابكم
جاك المسير مالقى منك ترحيب=لاجبتله قهوه ولامن قدوعي ياليتني دورت غيرك معازيب=جيتك جويع ورحت منّك بجوعي الظاهر انك ماتعرف المواجيب=لاشك طبعك يختلف عن طبوعي حنّا لاجانا الضيف ننفض له الجيب=ونجيبله من كل شكلٍ ونوعي عاداتنا والرزق من عالم الغيب=هذا وانا ابخل واحدٍ من ربوعي :
اقدع عسى يقدع على راسك الذيب=في خايعٍ مابه من الناس دوعي متعطلٍ بالبر قبلي تناقيب= من ليلة الجمعه ليوم الربوعي ومروك ناسٍ غايب عنهم الطيب=وخلوك وحدك في مكانٍ يروعي ثم جاك ذيبٍ ماسنونه بتركيب=ذيبٍ ولد ذيبٍ وشرس قطوعي سوّى بك سواةٍ على غير ترتيب=يجزع لها قلب الشجاع البتوعي مرحوم ياعودٍ كسا راسه الشيب=هنديته تذرف عليه الدموعي :
ضيدان ماودك نشكل عصابه= نحتل بعض بنوكها والمحلات اما يجيلي ولك قدر ومهابه= والا تبيتنا بيات الشريفات والرجل ودك يشتهر في شبابه= بالطيب والا بالعلوم الرديات :
لاتحسب انّا ياسعد وسط غابه=هاللي تراوالك تراهن عمارات وموضوعك اللي جبت كله غرلبه=والظاهر انّه من سابع المستحيلات واخاف لاتنبح علينا الكلابه=ثم هات نسلم من مخاليبها هات ويابوك ماعمري دخلت النيابه=ومن العمر ماباقيٍ كثر مافات وان كان تبغى الراي قيبل ايغدابه=من واحدٍ جرب جميع الحيالات خل الحطب للي يعرف الحطابه=نهارنا شمسٍ وبالليل لمبات :
يا بو ندى ويلاه ماغير اوني=مكدتي صارت عليّه خساره اكد عبري مير هن ضيّعني= بالشارع الفرعي يمين العماره نويت الف وشفتهن واخرزنّي=اربع بنات وصاحبك بالغماره مريت ابيهن ياولد يشّرني=عيّن وانا ياخوك مامن جساره قويت قلبي مير ماهرّجني= علكت من غيض الجمر والزقاره بغيت اسولف ياخلف واسفهنّي=وطرت عبري والمناوي دشاره ياحيف شفني مابقى غير سنّي= وعكازةّ صارت عليّه عياره بدون ذنب بزينهن دودهنّي=اعدمت ضايع وموترين واشاره :
لقيت الونش يسحي موتري في ساحة الديره=ركضت وقلت:يا سواق خبرني وش الجاري انا ماخطيت بالماقف وتخطيطه وتنميره=وش اللي خصصه بالجر علمني وش الطاري خزرني بالعيون الصفر واسرع لي بتكشيره= يقول اني سحبته ياقليل العرف بخياري وقفت ارجيه كني عبده اللي طايله خيره=وهويضحك مثل مايضحك فليحان بمكاري مشى قدام وجهي مانشد عني عسى قيره= يصلّب في مكانه لين يذري فوقه الذاري دفعت اللي طلب مني وحطه بتقريره= ورجعت بموتري للسمكره لو توني شاري :
نويت استعمل بحبك نظام الحاسب الآلي= نويت ادخل برامج ملتقانا كل عصريه نظام ادخال يحفظها بلا تزوير واشكالي=على دسكٍ كما لو كان مطبوعات صوتيه حقوق الطبع تحفظ لي بالاول وانتي يالتالي=واحذّر من اعادة نسخها نسخات عاديه لاني ما قدرت اجمع حروف الحب يالغالي=خصوصاً لاتكلمتي بطريقه بهلوانيه جمعت ولاطرحت وصار ناتج قسمتي خالي=وانا نسبة نجاحي بالحساب اثنين بالميه :
باسبانيا ياما نظرنا من الزين=وين انت ياللي تو عجّة شبابه اوقف على الشارع ضحى يوم الاثنين=تشوف زينٍ ما يعدد احسابه اشكال واجناس كما شرّد العين= هاك الخشوف اللي طوالٍ ارقابه الا ومع هذا من الغدر امينين=نزيلهم كنّه من اقرب اقرابه يظهر من الغرفه ويرجع بعد حين=والله فلا تلمس مخابي اثيابه سيراتهم حلوه وهم مثل حلوين= لاتسمع الشحذه ولابه انهابه :
امس العصر كان الامل يشكي الياس= في ملعب الاحزان داخل فؤادي صارت فعاليّات واصبحت انا الكاس= والظاهر ان الياس اقوى النوادي يوم العبوا في ملعبٍ كله امواس= الياس يلعب والامل حيل هادي والياس سجل قوول والضد محتاس=من كورةٍ مخطوفةٍ بانفرادي :
فوق الشبح ياسعود حطت ايديها= وانته وانا يا خوك نكشخ ابنيسان انا اشهد ان الوقت مرهي عليها=ماهو بمثلك في هوى الدين غرقان وانا ادري ان دنياك بلشان فيها=لاوفيت ديّان تذكرت ديّان ارجو ان تنال اعجابكم اخوكم الاسير اخر تعديل كان بواسطة » غازي العوني في يوم » 05-01-2005 عند الساعة » 21:47. |
|
|
|
26-09-2004, 06:42
|
#2 |
|
شـــــاعــــــر
|
رد : من طرائف الشعر والشعراء
شكرا جزيلا لهذا الجهد الرائع اخي الاسير اختيار موفق وذائقة جميلة شكرا لك على اتحافنا بهذه المقتطفات تحياتي وصادق مودتي اخوك ابونوت |
|
|
|
|
26-09-2004, 06:51
|
#3 |
|
عضو شعبيات
|
رد : من طرائف الشعر والشعراء
شكرا لك مليون يـــ الاسير مقتطفات ومنوعات شعرية رائعه جدا وجميلة جدا مساجلات ( رديّات ) ضيدان بن صبحان العجمي و سعد بن عبدالله ال حسين الهتلاني العجمي ومشهورين جدا بالكويت والخليج العربي وكونوا ثنائي رائع وجميل جدا , عسا الله يرحم سعد ويطول بعمر ضيدان وايضا اختيارت رائعه كصاحبها وخصوصا اللويحان  ودائما ننتظرك في الخيمة وتقبل سلامي واشواقي الخويطري |
|
|
|
|
27-09-2004, 12:51
|
#4 |
|
عضو شعبيات
|
رد : من طرائف الشعر والشعراء
لاهنت يالاسير ابيات وقصيدة واختيار جزل بيض الله وجهك تقبل سلامي |
|
|
|
|
27-09-2004, 14:25
|
#5 |
|
شــاعــره
|
رد : من طرائف الشعر والشعراء
الف شكر يالاسيـر على هالموضوع المتعوب عليه والتسلسل الممتـع .. وابيات جزلــه وطريــفـه .. تحياتي .. ضــوى |
|
|
|
|
04-10-2004, 21:45
|
#6 |
|
الأسير / شاعر
|
رد : من طرائف الشعر والشعراء
الاخ العزيز ابو نوت كم اسعدني كثيرا مرورك الكريم وكلماتك التي اعتز فيها كثيرا ايضا اشكرك كل الشكر على مرورك وتوجيهاتك انت الرجل المناسب في المكان المناسب |
|
|
|
|
04-10-2004, 23:58
|
#7 |
|
عضو شعبيات
|
رد : من طرائف الشعر والشعراء
 |
|
|
|
|
18-10-2004, 17:37
|
#8 |
|
الأسير / شاعر
|
رد : من طرائف الشعر والشعراء
الخويطري مشكور على مرورك الكريم وتعريفك للشاعرين سعد العجمي وضيدان العجمي وكلماتك الطيبه الخويطري مشكور على مرورك |
|
|
|
|
18-10-2004, 20:31
|
#9 |
|
شـــاعــر
|
رد : من طرائف الشعر والشعراء
الاسير ..... كل عام وانت بخير .. لا هنت والله على هذا الطرح اللي يشبه قلبك تسلم والله تسلم بس زود وكثر من هالمواضيع ونبي منك انت من كلامك .. اللي اكيد انه زين دام هذا اختيارك . مع التحيه دم الغدددددددددددددر |
|
|
|
|
21-10-2004, 17:14
|
#10 |
|
الأسير / شاعر
|
رد : من طرائف الشعر والشعراء
ساقي الضمايا مشكور على مرورك الكريم وكلماتك الطيبه |
|
|
|
|
21-10-2004, 17:17
|
#11 |
|
الأسير / شاعر
|
رد : من طرائف الشعر والشعراء
ضوى العتيبي الف شكر على مرورك وتشريفك لصفحتي وياهلا وغلا |
|
|
|
|
26-10-2004, 01:51
|
#12 |
|
الأسير / شاعر
|
رد : من طرائف الشعر والشعراء
الخويطري مشكور على وضع لوحة موضوع مميز على مشاركتي ومشكور على جهدك الطيب اخوي العزيز دم الغدر على مكحول مشكووور على مرورك ويسلم ذوقك يالغالي ولا تحرمنا من مشاركاتك اخوك الاسير |
|
|
|
|
06-01-2005, 17:52
|
#13 |
|
الأسير / شاعر
|
رد : من طرائف الشعر والشعراء
دم الغدر مشكوووووووور على مرووووورك الكريم وكلماتك الطيبه اخوك الاسير |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
