21-03-2005, 18:44 | #1 |
عضو شعبيات
|
((تبكيك حايل))
انا اشهد انه كايده يابو نواف=اعظم مصيبه في وجيه الطنايا فقيدتك اعظم فقيده بالاشراف=عقب الرسل من فقد كل البرايا راح الجسد تحت الثرى لف بلحاف=روحك بقا بقلوبنا له مرايا ولد الجنايز صاحب السمو والقاف=يفرقه عن غيره صدوق النوايا طلال راح ولايفيد التحساف=يد القدر ماهي يديك ويدايا لاشك املنا في شبيهه بالاوصاف=متعلق(ن) في شبل ذيب السرايا اغرس لنا طلال يالله بنواف=نفس الطباع ونفس ذيك المزايا نواف ابوك برغم تشتيت الاصناف=الضد مع ضده بحبه سوايا ابوك مضرب للمثل عبر الاسلاف=اجبر عدوه له يسوق الهدايا وليا انتسب بعض العرب يصيبه ارجاف=يذكر زمان(ن) ساق فيه الجزايا جنايز(ن) فيكم عن الناس مشراف=ضياغم(ن) من روس عبده طنايا طلال وينك عقبك الشعر ينعاف=طلال تسأل عنك حتى الزوايا طلال عقبك كل من حج او طاف=يدعيلك الله كان عندك خطايا محد(ن) سمع او قيل او ذكر او شاف=منك الخطا ياجزل مد العطايا الطير في حبك رسم اجمل غلاف=طيرك عقب موتك خذته المنايا نبكي ونبكي ونذرف الدمع باسراف=ومن يعرفك ملزوم يبكي معايا نبكي على شيخ(ن) فرض نفسه وناف=مبدع فكر ناجح بكل المزايا تبكيك حايل يانسل خير سياف=عبد العزيز اللي عليه الحكايا عبد العزيز الضيغمي مابه خلاف=انه هو اعظم فارس(ن) بالروايا هرج(ن) اقوله مايبي كثرة احلاف=معروف مايحتاج بث الدعايا لو مانشر لافي فواصل ولا اصداف=تاريخ حافل بالرجال القوايا اقوله واهدي قصيدي لنواف=الحزن احيان(ن) يقدم هدايا يالله ياللي امره بنون مع كاف=مع النبي تحشره سيد البرايا وتسكنه في جنة الخلد ويطاف=عليه ممالذ زين العطايا = اخر تعديل كان بواسطة » خالد بن هديني في يوم » 21-03-2005 عند الساعة » 18:50. |
21-03-2005, 21:58 | #2 |
موقوف
|
رد : ((تبكيك حايل))
. . طلال وينك عقبك الشعر ينعاف طلال تسأل عنك حتى الزوايا طلال عقبك كل من حج او طاف يدعيلك الله كان عندك خطايا محد(ن) سمع او قيل او ذكر او شاف منك الخطا ياجزل مد العطايا الطير في حبك رسم اجمل غلاف طيرك عقب موتك خذته المنايا نبكي ونبكي ونذرف الدمع باسراف ومن يعرفك ملزوم يبكي معايا نبكي على شيخ(ن) فرض نفسه وناف مبدع فكر ناجح بكل المزايا اللهم أرحم عبدك / طلال الرشيـــد وأغفر له وأرحمه اللهم وسع مدخله واطرح في قبره النور والبهجة والسرور اللهم جازه بالإحسان أحسانا وبالسيئات عفوا وغفرانا اللهم أنقله من ضيق اللحود ومراتع الدود إلى جنات الخلود في سدر مخضود وطلح منضود وماء مسكوب وظل ممدود وفاكهة كثيره لامقطوعة ولا ممنوعة ... اللهم آميــــن سيبقى في قلوبنــا .. رغم الغياب والبركة في نواف وعبدالعزيز واللي خلف مامات اغرس لنا طلال يالله بنواف نفس الطباع ونفس ذيك المزايا نواف ابوك برغم تشتيت الاصناف الضد مع ضده بحبه سوايا ابوك مضرب للمثل عبر الاسلاف اجبر عدوه له يسوق الهدايا خـالد بن هديني // صــح لسانك ملايين ولاهنت شكراً لهذه المرثية الطاغية بالحزن ولكن .. ليست حائل فقط من تبكيه وإنما .. كل الديـــــار ؟؟!! يالله ياللي امره بنون مع كاف مع النبي تحشره سيد البرايا وتسكنه في جنة الخلد ويطاف عليه ممالذ زين العطايـــــا اللهم آميــــــــن خالص تحياتي // الريــــــــم اخر تعديل كان بواسطة » الريـــــم في يوم » 21-03-2005 عند الساعة » 22:16. |
22-03-2005, 02:38 | #3 |
الطــربة
|
رد : ((تبكيك حايل))
أنا حسبتها في زامل براهيم السبهان صح لسانك الله يرحم موتا المسلمين جميعاً |
06-04-2005, 14:50 | #4 |
عضو شعبيات
|
رد : ((تبكيك حايل))
الشكر يالريم . بالفعل من بكى على طلال ليس حايل فقط الان عرفت بان نضرتي للاشيا قصيره اٍٍٍٍسسسسسسسسسسسسسسف |
06-04-2005, 14:59 | #5 |
عضو شعبيات
|
رد : ((تبكيك حايل))
وما علاقة المرثيه باالسبهان يانجود |
06-04-2005, 15:23 | #6 |
الطــربة
|
رد : ((تبكيك حايل))
خالد بن هديني قصيدتك مالها علاقه بزامل لكن يوم تضع القصيده بالمنتدى كان نفس يوم وفاة زامل البراهيم السبهان وكان أيام عزاه وتوقعت انك كتبت عنه ,,طلال آل رشيد من زمان متوفي . أذا حايل بكت أحد أظن زامل حزنت حايل عليه اكثر من طلال واسفه اذا قلت شي مب بمحله وصح لسانك على القصيده. |
08-04-2005, 16:28 | #7 |
عضو شعبيات
|
رد : ((تبكيك حايل))
يانجود اذا المأخذ في تأخير القصيده فموت طلال كأنه البارح فهو حديث الناس وسيبقى وليس كل من مات طـــــــلال. دخولك بهذه الطريقه ينرفز . وخصوصا المقارنه بين طلال وخاله فهم وجهان لعمله واحده . مع تقديري واحترامي |
09-04-2005, 09:28 | #8 |
الطــربة
|
رد : ((تبكيك حايل))
خالد بن هديني.. الماخذ لم يكن على تاخيرك للقصيده,, الماخذ من وجهة نظري كانت على كلمة تبكيك حايل طلال آل رشيد اعطى الكثير للشعر وابدع كثيراً ,, لكن مااعطى شي لحايل..حتى ماكان له عزا بحايل حايل لوبتبكي أحد بتبكي رجاجيل فدوها بدمهم ولتصحيح معلومه عندك فقط خوال طلال عبدالعزيز الرشيد البندر السبهان أما براهيم السبهان عيال عمهم واتمنى تتقبل كلامي بصدر رحب قصيدتك ماانتقدتها,, كذا مره قلت لك انها اعجبتني لكن إللي مااعجبني كلمة تبكيك حايل وأذا ماراح تتقبل كلامي اوعدك بمسح كل ردودي من متصفحك |
10-04-2005, 01:10 | #9 |
عضو شعبيات
|
رد : ((تبكيك حايل))
كل مااريده من اشتراكي في شعبيات هو الوقوف على مستواي الشعري بغض النضر عن الاشكالات الاخرا عموما انا ديمقراطي والاختلاف لايفسد قضيه من جهت انك تريد مسح ردوداك . الزعل مرفوض تماما فانا بعادتي اتبع وارتاح لمن ينتقدني ويزعجني المدح فعندما اقرا نقد لي اضحك وكاني اقرا نكته خفيفت دم . الف شكر على سعة الصدر والتواصل |
10-04-2005, 16:53 | #10 |
الطــربة
|
رد : ((تبكيك حايل))
خالد بن هديني.. اشكرك على تقبل لقافتي. بس حائل تعني لي الكثير ,, وسعيده جداً كلامي السابق ماسبب لك مضايقه. وتحياتي لـ أخلاقك العاليه. |
11-04-2005, 03:19 | #11 |
عضو شعبيات
|
رد : ((تبكيك حايل))
اقول خل عنك الاخلاق العاليه عندك . وهذي بيتين من قصيده لي في حايل.على طاري حايل تعني لك الشي الكثير ياوجودي لا طرت حايل وانا باارض الهفوف @@@@@ ياوجوي كل مالاح برق(ن) باالشمال ياوجودي على دار الكرم والضيـوف @@@@@ الديار الي لها شمر تشد الرحـال حايل العز يوم العز لمع السيــوف@@@@@ حايل الطيب رمزله وميل العقال اهدا خاص لك وليس وحدك من تعني له حايل الشي الكثير. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|