15-11-2001, 05:01 | #1 |
عضو شعبيات
|
مساجله للسديري محمد
اسعد الله مساكم بكل خير استاذنك يا سعادة المشرف فيه مساجله تستحق ان نتذكرها للشاعر الامير المرحوم محمد السديري مع المرحوم زبن بن عمير ياعمير كانك نايم فانهض الراس & وان كان قاعد يابن الاجواد قم لي ياعمير انا اخترتك على جملة الناس & ابيك في بعض الامور تحشم لي اللي شربت بكاس حبه بلا قياس & ياعمير جذ البعد شمله وشملي متى نشوفه عقب الاقفا والايّاس & ومتى السعد عقب الفراق يخطملي ان غاب تهت بغبّة مابها اوناس & وابرى ليا شفته وعمره سلم لي يكبر عناي ليا اسلمت عنه الارماس & ويضحك زماني وان مشى بالقدم لي دايم يباريني من الود هوجاس & اما سرى مسراي والاّ جهم لي باب الموده لي ينادي بالاجراس & والحب عن كل الخلايق قسم لي بالليل ياقف لي عن النوم حراس & وكثير الهموم الموجعه ترتدم لي ويهب لي من واعي الحب نسناس & من شاف حالي بالشتا ينهضم لي وان قلت لي ياعمير لا باس لاباس & اقول انا ياعمير ياثقل حملي ياعمير قلبي والمعاليق يبّاس & قل للشريعه بالقصاص تحكم لي وهذا رد عمير بن زبن حيّ الجواب اللي لفاني بقرطاس & خطّ جميل وكل مافيه جملي خط الامير معرب الجد والساس & اللي شكى ظيم الهموم وزهم لي اهلا عدد رمل الزباير والاطعاس & ومالاح برق من سحاب يهملى جاني وقمت اضرب اخماس واسداس& بالفكر مامضمون خطٍ رسم لي وبانت معاني خط ابو زيد لا باس & صابه مرض قلب من الود مملي خلّى فواده تقل يصلى بمحماس & واصبح على ماقيل به بيت نملي والود اصاويبه ولا فيه وسواس & وفهمت مضمونه مثل مافهم لي وانا لما يأمر على العين والراس & من شانه اصبر للعتب واستحملي اقوم بالواجب جماله ونوماس & حقٍ مثل ما شال همي وحملي الرفقه اللي مالها بالوفا ساس & وش ينبغي فيها لياخاب الاملي لعل دارٍ بعّدت عنه الاوناس & اوناس مضنونه عساها تهملي |
15-11-2001, 05:46 | #2 |
سيـــف الســـيــف
|
الاخ/ منطقي جدا يالله انك تحييه وتحيي ماجاب الطيب مايجيب الا طيب والجزل دايم مدته جزله اخوي الله يرحم شعارنا الاثنين اللي كانوا من رموز الشعر في الجزيره العربيه ومازالت قصائدهم يتداولها المحبين لهذا التراث اخوي يعطيك الف عافيه لك تحياتي |
15-11-2001, 11:26 | #3 |
عضو شعبيات
|
<font face="Tahoma">اخوي منطقي جدا : الله يبيض وجهك على ذا الاختيار وعزالله انا بحاجة لقراءة مثل هذى الدرر اعتقد يا خوي - وانت ابخص - ان المحاورة بين الامير السديري وبين عمير ولد زبن بن عمير ! انا معي علم والا لا ؟ الله يرحم الميتين ويستر احوال الحيين . اخوك // جزاء</font> |
17-11-2001, 08:18 | #4 |
شـــــاعــــــر
|
اخوي منطقي صح لسانك من راوي ورحم الله الميت من الشاعرين ويتم نعمته على الحي منهم ابيات من الشعر الجزل الأصيل الذي يدل على تمكن الأولين من ناصية الشعر ولي تسائل بسيط ذكرت في المقدمة ان الأمير محمد السديري اسندها على الشاعر زبن بن عمير وبعدها قلت وهذا رد الشاعر عمير بن زبن ارجو التكرم بألإيضاح شاكرا لك خدمة الأدب الشعبي وتقبل فائق التقدير والإحترام . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|