05-10-2005, 08:28
|
#1 |
|
وريث الرمل / شــاعــر وأديب
|
تذكَّرتك ..!!
 ذكرتك ليلة البارح وأنا سارح سمعتك تسألين الليلْ ..: وداعة ( يا بْعَدي ) وين إنتْ ..؟ بعد ماكنتْ مسافة ليلي الباقي و( نجمة ) ( حلم ) لأشواقي .... سمعتك وانتثر دمعي .. شهقت وقلت : صحيحْ تهمِّك أحوالي .. أنا لحالي ..؟! كثير اللي يهمونكْ كثير اللي مشوا في سكة عيونكْ ( وانا واحد .. من اللي كلهم واحدْ على بابي وقف ماردْ وقال انت علاء الدينْ وأنا ماني علاء الدينْ أنا سموني الشاعرْ .. وخبَّوا لفظة المسكينْ ..!! ) *** ذكرتك ليلة البارحْ وأنا وحدي فتحت كتابك الوردي قعدت أقرا وسالت دمعة الذكرى وشمَّيتَ العطر ( باقي ) بكيت لرجفة أشواقي .. وقلت احزنْ وقلت ابكي .. ولا تشكي ترى دمع الحزنْ يمكن يسلي قلبك المجروح ويقرا سطرك المبحوح سمعتك وقتها تبكين تقوليلي ( زمانك وين ) ؟ وأنا مسكينْ ( أنا ماني علاء الدين أنا واحد من اللي كلهم واحدْ أنا سمَّوني الشاعر وخبَّوا لفظة المسكينْ ) *** نثرت أوراقي البارح لقيت الحرفْ ما يبلى لقيتك ( حسرتي بفاتنْ ) وطعم الوقت في ( ليلى ) وجيتيني سألتك يا ( بعد عمري تحبيني ..؟!! ) وقلتيلي .. ترى منتَ علاء الدين انت أوهى من الأحلام والتخمين وقلت أدري .. أنا من يوم ماشفتك وأنا عمري وهم ساجدْ .. إيه أدري ( أنا واحد من اللي كلهم واحد على بابي وقف مارد وقال انت علاء الدين وأنا ماني علاء الدين أنا سموني الشاعر وخبَّوا لفظة المسكين .......!!!!! ) |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
