05-11-2001, 00:11 | #1 |
عضو شعبيات
|
تفضـل يا عكاشـــه جاك ذا لحــني وموالي
ســـلامي عد ما برقــه لماء والسـيل سيــالي 000 عسـل يا نـوب الا جبــالي تفـضـل يا عكاشــه جاك ذا لحــني وموالي 000 عسـل يا نـوب الا جبــالي |
05-11-2001, 01:16 | #2 |
سيـــف الســـيــف
|
ارررحب يابو سلطان واستلم طال عمرك هلابك ياهلابك يارفيق(ن) عندنا غالي$$$ عسل يانوب الاجبالي تقدمت ولقيتك مخلف الموال من تالي $$$ عسل يانوب الاجبالي +*+*+*+*+*+*+*+*+*+*+*+*+*+* اخوي ابو سلطان طبعا كلنا يعرف الاختلاف في اللهجات المحليه واذا مافيه مانع ودي اعرف معنى كلمة((نــوب)) وهذا بس علشان الفايده وعلشان اعرف اسوق القاف اللي قبلها عليها بطريقه مناسبه وايضا علشان الاخوان اللي ماعرفوا معناها واللي انا اولهم لك تحياتي |
05-11-2001, 02:14 | #3 |
عضو شعبيات
|
هلا والله بمعزبنا يالجـودي مهما أختلفت الهجات إلا إن كلمة نــوب لايختلف عليها إثنان فلو رجعت لاسـماء النحل لوجدت الاجابه على سؤالك أرجو إن أكون قد وفقت في شرح ماتعني كلمة نوب 0000 وسـتلم طال عمرك أنا الموال عندي ظابطه ياطيب الفالـي 000 عسـل يانوب الاجبـالي وعندي هاجسي وقت الطلب ياتي بالامثالـي 000 عسل يا نوب الاجبالي |
05-11-2001, 03:00 | #4 |
سيـــف الســـيــف
|
هلا ابو سلطان مشكور واللي فهمته انه اسم من اسامي النحل صحيح؟؟ لاتلومني ابو سلطان النحل والله اسمع فيه بس ولابعد شفته خل عاد اعرف اسمائه انا طال عمرك في نجد وينها ووين النحل مافيها الا القشع والثمام والعوشز ولو تجيب خليه للنحل شفت انواع الانتحار الجماعي للنحل واستلم طال عمرك انا اشوفك على ربعك تكبر والله الوالي $$$عسل يانوب الاجبالي 0 وانا ماودي انك تفقد المقدار وتلالي $$$ عسل يانوب الاجبالي |
05-11-2001, 11:29 | #5 |
عضو شعبيات
|
صـــحيح هومن أسماء النحل أســـتلم لاهنت حشاء يالجودي ماشلت أنامن الكّبر مثقالي 000 عـسـل يانوب الاجبـالي وقدري عارفه واعرف لمخراجي ومدخــالي 000 عـسـل يانوب الاجبـالي |
05-11-2001, 16:51 | #6 |
سيـــف الســـيــف
|
استلم طال عمرك انا لاجيت ابا انشد حضرتك صديت ياخالي $$$ عسل يانوب الاجبالي 0 ترى فيّ الضحى يالصيعري لابد ميالي $$$ عسل يانوب الاجبالي |
07-11-2001, 02:49 | #7 |
عضو شعبيات
|
أنالك راسي(ن) مرسى طويق وحيده العالي 000 عـسـل يا نوب الاجبالي وفيات الضـحى لاميلت لاخــرى تــهيـالي 000 عـسـل يانوب الاجبـالي |
07-11-2001, 03:16 | #8 |
سيـــف الســـيــف
|
استلم يابو سلطان عرفتك ماعليك اقصور لايطري وتحتالي $$$عسل يانوب الاجبالي 0 وانا قد قلت خلك في مسيرك دوم تبرالي$$$ عسل يانوب الاجبالي |
07-11-2001, 09:38 | #9 |
عضو شعبيات
|
والله القاف اللي يربش صح لسانك يا صيعري وصح لسانك يا سعادة المشرف المتوهج عكاشه |
07-11-2001, 13:22 | #10 |
عضو شعبيات
|
اررررررررحب يا منطقي يا الله حيه هذي والله الساعة المباركة أللي شرفتنا فيها عكاشه أستلم لاهنت تراء الدنيا تجارب وانت عارف كل الاحوالي 000 عـسل يا نوب الاجبالي ورجـل(ن) مـرتكا للكايده ماهــو بـرجـالي 000 عـسل يا نوب الاجبالي |
07-11-2001, 17:33 | #11 |
سيـــف الســـيــف
|
هلا حيا الله اخوي/ منطقي جدا ومشكور على الزياره استلم ياخوي / ربيش ومن عندي شهادة حق هرجك هرج عقالي $$$ عسل يانوب الاجبالي 0 صدوف الوقت خانت ياعميل ابكل الاجيالي $$$ عسل يانوب الاجبالي |
09-11-2001, 01:40 | #12 |
عضو شعبيات
|
أخوي عكاشه آآسـف علىالتأخير وســتلم لاهنت أشوف الذيب جاء يعوي يبي هوشات وقتالي 000 عـسـل يانوب الاجبالي عـجب والله عجب وين المخـوة والتبهلالـي 000 عـسـل يانوب الاجبالي |
09-11-2001, 02:43 | #13 |
سيـــف الســـيــف
|
هلا ابو سلطان والتاخير ماهوب مشكله المشكله الاستعجال استلم طال عمرك ولابه ذيب يارجال يبدي مبدى الانذالي$$$ عسل يانوب الاجبالي 0 انا اشوف ان في الرجال حقد(ن) يشعل اشعالي$$$ عسل يانوب الاجبالي |
09-11-2001, 07:46 | #14 |
سيـــف الســـيــف
|
الاخ/ ربيش الصيعري صح لسانك اخوي وبيض الله وجهك 000 وصدقني انك شاعر يستفاد من الاحتكاك معه 000 واتمنى اني اشوفك في محاوره قادمه 00 اخوي مشكور على تواصلك ولك اطيب تحياتي |
عدد المتواجدون في هذا الموضوع » 4 , عدد الأعضاء » 0 , عدد الزوار » 4 | |
|
|
|