20-05-2003, 12:37
|
#1 |
|
شــــاعـــر
|
متموصلات متموصله..موضوع يستحق الدراسه..
السلام عليكم وكيف الحال عساك بخير والله اني مبطي ماكتبت موضوع بس وش اسوي ماعندي شي بس بربره على غير سنع .  ..منها نزود ردودنا شوي ومنها وعطي فرصه لغيرنا يشمت وما اشبه الليل بالبارحه عندما تعمد الهلال الخروج من المربع عشان يعطي جيرانه فرصه يحققون بطوله(طبعا بطولتهم اي خساره للهلال)المهم ماعلينا نرجع .. محور حديثنا وعلى طاري محور الحديث متى يجي برنامج حليمه بولند؟؟؟؟؟؟؟ بس والله قهر وش هالعنصريه بقناتنا العزيزه يوم انه ماجابت الحلقه (اللي شافها يالربع يعلمنا فيها شي مخل):? بس انا ماقهرني انهم ماجابوها ..اللي فاقعن مرارتي انهم يجيبون منها مقطع بالبدايه كل يوووم (يعني ترانا نبي نجيبها لكم) واخر شي سحبو علينا.. بس نو بروبلم شي متعودين عليه من تلفزيوننا العزيز يعني مثل المباريات ماتدري هي بالقناه الاولى والا الثانيه والا الثالثه والا الارضيه والا(اووه صح ماعندنا الا قناتين ونص وطبعا الثانيه والرياضيه متقاطين):'( وفيه معلومه تقول ان القناه الثانيه زعلت وقالت للقناه الرياضيه خوذي قطتك وفارقي ولازالت حتى ساعته وتاريخه المشكله قائمه.. المهم يالربع انا ملاحظ اني اكتب بدون هدف مجرد خرابيط بس ان جيت للحقيقه الدنيا كلها خرابيط يعني لو تفتح مجله والا جريده وتقرا احد عواميد الكتاب تلقى فيها مطاريس لها اول مالها تالي يجيك واحد يسولف وش صار له وهو مسافر خارج المملكه <<---يعني تراني مسافر والا تجيك كاتبه تمدح رجلها وزوجي فعل وزوجي سوى طيب وش يستفيد المتلقي.................؟؟؟؟ نوثنق والا وحده تقول ولدي مخصوم عليه بماده التاريخ وخذ سوالف مالها داعي فانا ومن باب اولى اني اخربط لالي عمود ولا عمري كتبت بمجله ومن لي غير حبايبي بشعبيات يوسعون صدورهم علي.. طبعا يمر الانسان بفتره مصاله قد تطول وقد تقصر وهذا يعود الى الامعاء الدقيقه فعلى حسب طولها تستمر فتره المصاله وقد ادا البروفوسور كارلوس البرتو بيريرا عده ابحاث في هذا المجال وهو في طور وضع الاستنتاجات النهائيه لهذه الابحاث(يعني افرحوا تراني علمتكم الاستنتاجات قبل ماتنزل) ......................... مقتطفات مصاله.......................................... طبعا الموضوع برمته ( بدري على عبيص وخالد الشايع يجيبون مثلها) اصل بس شدتني مجموعه متموصلات حبيت اتميصل عليكم فيها يقول لك الحواطا غاروا من اهل الرياض يوم حطو القناه الرياضيه(يحسبونها باسم اهل الرياض) وحطوا القناه الحوطيه :'( انسان مولع المبه بغرفه مغلقه........................ وبسرعه طفاها وين يروح النور؟؟؟؟؟؟؟؟؟؟؟؟؟ :'( :face: اعتقد انه موضوع يستحق الدراسه موضوع اخر انهل عليكم به نفس الشخص اللي طفا اللمبه كان مولع المكيف وطفاه بسرعه وين راح الهوا اللي كان يطلع؟؟؟؟؟؟؟؟؟؟؟؟:'( :face: ........................... انتهى كلامه رحمه الله................................ طبعا الانسان يحتاج للمصاله وايضا يحتاج يقرا موضوع ماصل وهذا الموضوع دسم بالماده الماصليه ينصح بعدم النوم بعد قرائته :'( :face:  |
|
|
|
20-05-2003, 21:00
|
#2 |
|
شــاعــر
|
الله اني قايل لضاري نبي منتدى للماصله بس كان رافض  بس الضاهر اني ابرسل له نسخه من هالموضوع عشان اوثق مطالبي بالحجه  . . اعتقد انه من تأثير الجو هالايام وبما ان الدعوه مصاله بمصاله يعني محد شاره (مهيب شاره الكابتنيه ). على طاري اللي قالت ليش يخصمون على ولدها من ماده التاريخ يقول استاذ التاريخ ياليتني داخل المعهد المهني ولاطحت بهالنشبه (مابقى الا تصدر مجله باسم الماده) . . بس تدري ان هذولا يهونون عندي خاصه اللي سافر للخارج ويحكي قصته تحس انه محروم واول مره يطلع لذلك لاتشره عليه خله يسولف بس البلا الطحاطيح (المطخطخين) اللي يسولفون عن حياة الشقا وايام الكفاح وقصه الفول والكبده بشارع عسير وانهم مره طقوها رجليه من منفوحه الى حي البحر الاحمر(الملز حاليا )يعني ترى حياتنا شقا ولو اجيب له صحن كبده الحين كان جاه تسمم اجل لو اعطيه ددسني اسبوع يداوم عليه وش يبي يقول . . وعلى طاري نادي الهلال وش حجة جيرانهم هالسنه تحكيم والا رشوه <<<----احس انهم انحجروا حجره بس هالسنهوالموضوع يطول دام الدعوى مصاله والمشكله ان علي اختبار الصبح واخاف اتميصل زياده تعورني رجلي <<<---داري مالها دخل بس دام الموضوع مصاله وسع صدرك الا يابو سعود وش رايك فيني بصراحه وبدون مجامله طبعا تبي تقول اني جنتل و و و بس تكفى ابي شي جديد مليت من الرتابه (عساك تعرف معناها بس) . . . وعلى طاري المصاله اللي بالاخير طرى علي سؤال الحين الشيشه الواحد يسحب هوى لكن المويه يطلع منها فقاعات وشلون؟؟ . وعشان ماتحتار يالماصل باسئلتك راح اجاوب عليك جواب علمي مع اني داري انك ماراح تفهم بس يالله يمكن يجي غيرك ويفهم بخصوص اللمبه ياحبيب قلبي هذي اللي يسلمك اشعاعات تصدر وفتواجه جسم يمتص جميع الالوان ويعكس لون معين مثال جدار الغرفه لونه ابيض فالجدار هذا يمتص جميع الوان الطيف الخارجه من اللمبه ويعكس اللون الابيض وهكذا واذا طفت اللمبه مايصير فيه شي ينعكس طبعا تبي تقول لي واللي انعكس وين راح بس راح اكون اذكى منك واجاب عليك قبل ماتسأل انت يابعدي كنت فاتح الدريشه شوي وعشان كذا طلع اللون ولو تسكر الدريشه زين كان لقين اللون موجود اما سؤالك الثاني فهو يعتمد على قوه الدفع اللي يدفع فيها المكيف الهواء ومثلك عارف (مع اني اشك انك تعرف شي بس يالله) ان اي جسم يتحرك بتجاه معين يواجه قوه احتكاك وطبقا لقانون نيوتن لكل فعل رده فعل مساويه لها بالمقدار ومعاكسه لها بالاتجاه فاذا طفا المكيف مايصير فيه قوه دافعه فالهواء يتعرض لقوه مضاده هي قوه الاحتكاك تجعله يتساوى مع الهواء الموجود بالغرفه (حاله توازن او تعادل) اتمنى ان كلامي ماراح سدى مع اني منيب راعي تخصص بس قاعد اتفلسف عليك وهذي فرصه لقيت واحد مع جنبها يسأل والكلام يطول والمواضيع واجد عشان كذا وخر شوي وقل لعبييص ترى رسالتك اللي الضحى قدييييييييييييييييييييييمه كح كح ولابغيت اكسر خاطرك |
|
|
|
|
27-05-2003, 09:18
|
#3 |
|
عضو شعبيات
|
نواف الشمري , خالد الشايع : هههههههههههههههههههههههههههه الله يرجكم من جد ماصلييييييييييين و فاصلييييييييين بعد ومالكم علاج واحب ان اشكر لكم مصالتكم الغير طبيعيه في وجهة نظري المتواضعه و رجاء لاحد يتميصل علي لاني لم ادرس مادة المصاله و لست اجيدها و انا معكم قلبا و قالبا في انشاء منتدى خاص باالمصاله تحت اسم ( منتدى المصاله ) ( للماصلين فقط ) وباالله التوفيق .... والله من وراء القصد |
|
|
|
|
27-05-2003, 13:06
|
#4 |
|
عضو شعبيات
|
نواف الشمري لا حول ولا قوة الله بالله ابك انت وشتقول ؟؟؟؟؟ انت انهبلت ؟؟؟؟ كاتب النص الاصلي نواف الشمري ((المهم يالربع انا ملاحظ اني اكتب بدون هدف مجرد خرابيط بس ان جيت للحقيقه الدنيا كلها خرابيط)) منو العوض وعليه العوض الولد ماسخ خالص يا قماعه  انا كشفت عليه لقيته منتهي ،،، الدنيا كلها خرابيط يا شيخ خاف الله اجل حنا وش قاعدين نسوي ؟؟؟؟؟؟؟ لا يا عبد الله انت جبت الرجال هنا صاغ سليم ترجعه لاهله صاغ سليم  الوسيم الي صاير دفش وما يعرف يمزح |
|
|
|
|
27-05-2003, 15:33
|
#5 |
|
شاعر
|
ياناس أنا كل ماأدخل على مواضيع هالآدمي هذا ..!! ماأطلع منها بوللا شي ليييييييييييييييييه !! ماأعرف الا أنه ذاب علي ..!!؟ والله حرام كذا .. حتى وهو يخثرق يذب علي .. يعني وش اسوي ياناس وش اسوي أبي أعرف !! أشوه روحي ..؟ أنتف حواجبي ..؟ أووووف !؟ <== مسوي عصبي الحين .. ياشيخ طيييييييييييييييييييييير .. |
|
|
|
|
30-05-2003, 08:55
|
#6 |
|
شــاعر
|
يعني لو تفتح مجله والا جريده وتقرا احد عواميد الكتاب تلقى فيها مطاريس لها اول مالها تالي يجيك واحد يسولف وش صار له وهو مسافر خارج المملكه <<---يعني تراني مسافر يعني لو تفتح مجله والا جريده وتقرا احد عواميد الكتاب تلقى فيها مطاريس لها اول مالها تالي يجيك واحد يسولف وش صار له وهو مسافر خارج المملكه <<---يعني تراني مسافر اقول يا عبيص كن رفيقنا يقصدني وموهه وحطها مجله والا جريده؟ علمني تراني ناويه محاوره ===== قال محاوره قال ممكن العب معه محاوره بالمصري وله يا نواف انتا بتقول ايه يعني تقصدني والا ازايش نواف موضوعك هذا والله انك قلت حكمه وحكمه قويه يا حكيم الحكمه هنا تعال وراي ---- بس ان جيت للحقيقه الدنيا كلها خرابيط --- انا اشهد وعلى طاري الخرابيط وش رايك نفتح منتدى نسميه خرابيط وسيقان ونحطك انت وعبيص عليه ؟ اسم موسيقي خرابيط - ترامس - سيقان والاجر على الله اسم شي وبعدين وبعد ما تتطورون ويوفقكم الله تبيعون طواقي مشخله وشراريب صيني وش رايك ؟. |
|
|
|
|
16-02-2007, 16:45
|
#7 |
|
عضو مفهي بقوه
|
رد : متموصلات متموصله..موضوع يستحق الدراسه..
المصاله شي جميل .. والى كل من يحملها بقت ورد مع قلب احمررررر .. في داخل كل منا مصاله فلنبحث عنا ونفيض بها هنا انا اطالب وبشده وبما انني بطريقي للاشراف ابي قسم مصاله وانا بصير على راسه.. والي براسه حرش يجي ..( فيس يتلفت وبيهج ) |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
