09-03-2007, 14:20
|
#1 |
|
عضو شعبيات
|
عين فراش وعين لحاف ... وصمخة الملاس .!
بالينا ربي بمسطلحات استرجاليه صارت على كل لسان وينطق بها كل برطم  وصارت تباع في الدكاكين تقل شاري لك صرتين كزبره وينطق بها على الصدر وذا جاء الجد ماحولك احد <<< شكله ساحب عليه واحد وحمق  ولا ضارب عليه كفر بالطريق السريع ومحد جاء يعاونه  ......... ومن ضمن هالمسطلحات انا لها , ازهلها وانا اخوك الصديق عند الضيق على طاري الصديق عند الضيق اذكر اني فاهمها غلط يوم كنت ادرس بلابتدائي حيث اني طلعت من المدرسة ورحت اركب الباص الي تسنه باص نادي الاتحاد اصفر وخط اسود  وجلست في آخر الباص ويدخل واحد من ربعي ويجلس جنبي والمكان ما كان هاك المكان الي تقول انه وسيع ويزاحمني ويجلس وقلت في نفسي (ايه صدق من قال ان الصديق عند الضيق) <<< الله من زين الفهم  .......ماعلينا مرتن من المرات وانا امشي في الممرات <<< ترى العب عليكم ما كنت امشي بالممرات بس جاز لي السجع .... مرتن كشتنا للبر انا وربعي كشته يومين في حدى شعبان نجد كشتنا وطقيقنا الخيمه وعفجناها وشبينا الضوء وجلسنا جلست سمر ماهنا باحلى منها <<< جلست هذر الله العالم..!!! وركبنا الموتر الهلي 93 مهوب طفره بس انا احب المواتر القدام يقالك من (الأولات التاليات)  وحنا قاضبين الخط ونلحم في راعي سياره يوكن عوايل والله وما حلفتوني ان حنا ملحمين فيه من وراء من مفرق الطوقي الى مفرق التنهات بس لاتفهمون غلط مهوب قصدنا شي ثاني او انه محمل عوائل لا والله بس صار مشغل الشاشه الي في وسط السياراه لعياله وحاط افلام كرتون توم وجيري بس أخ يا حظنا الردي يوم جاء القطو بيصمخ الفار بالملاس الى يوم فرق راعي السياره للمحطة وفاتنا هالمشهد اخ بس ..الشاهد من الموضوع <<< الشاهد ولا المحامي بايخه عارف ....المهم معنا واحد من ربعنا اقشر ويروع ياخذ حقة بيده  منكد علي طلعتي وان تسانك ولد امك تعبث عند الضوء ولا اذا خلصت من بياله الشاهي لا تغسلها والله ان يعلقك في الطلحه ويرميك بام خمس عاد انا ماخذ احتياطاتي وحذر بالحيل من الغلطات طالع تسني صفاره من حبه لي بعد  ......وطول هالكشته وانا احاول اتصيد له كوده يغلط وامسكها عليه هالاقشر المرعب تصدقون من قشارته مرتن وهو نايم مشيت من عنده ووطيته بدون ما ادري المهم رحت ورقدت الى يوم قام وهو نايم ويوطى رجلي ويعود يرقد ...ثاني يوم من الكشته زهم علينا واحد من ربعنا الي في الرياض وقال ابسير عليكم ورد عليه هالاقشر وقال يا هلا ومسهلا الله يحيك عين فراش وعين لحاف  ....استغربت وش هالترحيب الحار هلاقشر يقول هالحستي تصدقون ان هالاقشر مرتن حكم لمباره اعتزال لاعب من حدى فرق الحواري الي بسدير وانا حاظرها وفي وسط المباراه طرد الاعب المعتزل الي كل هلاحتفال عشانه وعطاه كرت احمر لا ويحاولون فيه يابن الناس هذا التكريم لهلاعب ماطاع يرجعه يقول يطلع يعني يطلع يا انا ياهو في الملعب  الشاهد يوم جاء تالي الليل ورقدنا  قمت انا من النوم ابقضي حاجتي وطبعاً كل الشباب نايمن والتفت يوم ناظرت الاقشر الى والله منظر غريب وعجيب وافرق عيوني ابي اتأكد والتفت يمين ويمين ..<<< تحسبوني بقول يسار ادور المويه اغسل وجهي كود الي شفته مهوب صدتز الى والله نفس المنظر منظر ما اقدر اوصفه لكم تقل مجسم ضلعين جنب بعض وسط الخيمه وش ذا واناظر وتأكد اثر طلع ابو الشباب الاقشر نايم بدون صروال على قولته حر وتاركها تنفه  يوم حامت تسبدي والله ما ردني الى الملاس باغين امسطه به بس تذكرت انه اقشر وهونت قلت يا ولد لاتهور..!! يوم اصبحنا وجيت وسألته قلت يالاقشر وش انت قايل امس ميد خوينا الي بيسير علينا هنا قال وش انا قايل قلت فيه جمله قلتها واعجبتني قال اخلص علي وش انا قايل لا ارنك كف اخليك تنسى اسمك اربع ساعات قلت عد حكمه الترحيب الي قلتها قال أنا قايل حياك الله عين فراش وعين لحاف قلت اسمع الله يسلمك أنت استر ماخوذك هالحين بعدين رح وزع حكم وخلاقين على الناس قال عين لحاف قال وما وعيت الى وانا في البيت مرقد توني طالع من المستشفى عقب ما صفقني بالملاس  وقلت في نفسي يامن شراله من حلاله عله كنت اتمنى أشوف لقطه القطو يوم بغى يخم الفار بالملاس بس للأسف شفتها فيني هالخمه  .!وبها الصقعه هاذي شفنا حلقة توم جيري كامله وتوبه أن لحمت في راعي يوكن مرتن ثانيه بدون ما أكمل الحلقه معه مهوب ناقصني خمعات على الراس  ..!! <<< لـــوح للأبد  تحياتي..!! |
|
|
|
10-03-2007, 19:38
|
#2 |
|
من كبار العيارين
|
رد : عين فراش وعين لحاف ... وصمخة الملاس .!
خخخخخخخخخخخخخخخخـ والله ياعليك خوي :d توحفة وراه اقشر ؟ اللي قاهرني ,, انه اقشر ,, واستغرب كلمة عينن فراشن وعينن لحاف مدري وشوو ,, بس اللمخة على الراس حلوة ,, انت خبل ,, المفروض متغدين به قبل يتعشى بك :d ابو طوقي ,, تسلم على الهبال اللي كاتبه فوق :d |
|
|
|
|
11-03-2007, 13:23
|
#3 | |
|
مدري
|
رد : عين فراش وعين لحاف ... وصمخة الملاس .!
حياك الله يبو طوق ولا تقاطع !!ط إقتباس:
|
|
|
|
|
|
13-03-2007, 09:39
|
#4 | |
|
عضو شعبيات
|
رد : عين فراش وعين لحاف ... وصمخة الملاس .!
الجني الازرق إقتباس:
منتب صاحي!!! تعال اخليك تشوفه همن ورنا مشيك بالصروال وبعدين انا ما احب اتحرش في الناس وامسك اعصابي يعني الى ترجعنا للإجرام والسجون مره ثانيه <<< ايه صدقت طراه يخاف من القطو وخصوصاً اذا كان لونه إسود الجني الأزرق تواجد واحد مثلك على موضوعي أسعدني تحياتي لك وخذ هالورده ولا تعلم احد  |
|
|
|
|
|
13-03-2007, 09:44
|
#5 | |
|
عضو شعبيات
|
رد : عين فراش وعين لحاف ... وصمخة الملاس .!
سعد القوي إقتباس:
مثل الفرق بين مفرق الرويضه ومفرق عبيثران سعد اكتب لك بالمقلوب علامه الحب بالقلوب عاد ولا عليك أمر امسك الشاشه واقلبها عشان يضبط المثل صح تحياتي لك أسعد وسعدني مرورك منتب مصدق اني مستانس من مرورك ييزي انك مشرف |
|
|
|
|
|
15-03-2007, 16:31
|
#6 |
|
عضو شعبيات
|
رد : عين فراش وعين لحاف ... وصمخة الملاس .!
ههههههههه كان صورت الأقشر بالبلوتوث وهددته خخخخخ |
|
|
|
|
18-03-2007, 15:04
|
#7 | |
|
عضو شعبيات
|
رد : عين فراش وعين لحاف ... وصمخة الملاس .!
مبارك ابو بطين إقتباس:
والله وانا اخوك ماصورتها بلوتوث لسببين اول شي الخوف وانا اخوك لان الرجال يروع الشي الثاني من زينها هالحين عشان اصورها الله اكبر هالحين يا ******** برتني على العازه ترى النقط الي فوق هذي كلمه محذوفه الرقابه عاوزه كدا مالي ذنب <<< لاحد يفتح الكلمه الأخيره اسعدني تواجدك اخوي مبارك تحياتي لك ..!! |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
