10-06-2002, 20:15
|
#1 |
|
العضوية الماسية للموقع
|
ملف الشاعر/ مصوت بالعشا
[c] ملف الشاعر/ مصوت بالعشا ( 1 ) على جـــــال النار في ليلة شتائية رائعة ، كان لهب نار الحطب يشكلُ لون وجنتيها ـــــــــــــــ لهب نار الحطب شفته شفق في وجنتك و شفاك تراوا لي مثل فـَـــــــــــــجرٍ ظهر في غير حزاته عـصافير الشـجر غَــنت ، تحسب إنه فجرها ذاك تباشـــــــر بالصباح اللي تغير وقـت طــلعـــــاته وهامَــت نسمة ٍ هَبت شمال بجمرة ٍ بلمـــــــــاك تدفــــــا من وهجـهــا الليل و دفا كل نسمــــــاته ولو بيد القمر حول من المسرى و جا و خـاواك وخــــلا دروب روحاتك وجــــــــــــــياتك مداراته يـغار الليل من رمشك ، ويخجِل شمسها محـيـاك بداياتك نهار الــعــشـــــق ، و في ليلك نهـــاياته ولو جَفت "صحارينا" ، ومرت في ثراها خطاك رحَـــل ذاك الضما كله ، وشال العشب شيــــلاته و وجهٍ بسمته غيث ٍ هـتون َربّــع بمــــــــــنشاك يموتون الــعـــــذارى موت ، ماجـــو ربع بسماته حــروفي هامت بوصفك .. تزاحم علها بطريـــاك تـَــحضر لين صارت فيك " شعرٍ" تنزف آهــاته ألا واحظ يا" غـ ... " عـــشير ٍ فاز بك و ارضاك تهنـّــا بالـعــمر يومــــه لقى بدنياك جـنــــــــــاته الشاعر / مصوت بالعشا ـــــــــــــــ - - ( 2 ) آخــــر مـــــداي ـــــــــــــــ مَــــر النسيم فـــــ بالـــــــــهـــــا ومـَـر العواصف حـــــالـــهــــــا ومــر ٍ لــهــا يــسـري الهبـــوب شــوقه .. يـــلاعب شــالــهـــــا أمــــوت مـــوت بـعـقـــــــــلــهـا ويـــذبحني ذبـــــــح هـبـالـهــــا بــنــت ٍ ولا كــل الــبــــنــــــات في هــــجــــرها و وصــالـهـــا *** ياعُـــمـــر .. واضــــناه الســؤال ويا أعــــذب انــواع الـــُمـــــــحال تــــدرين انا وش مـــنـــــيــتي ما غــيرها كلـمــة تــعــــــــــــال املك بــهـــــا معنى الــخـــلـود والارض ، واطـــــــــراف الوجود واعـيــش في عــمـــــــــري وانا في شـمــــوسها .. وظــــــــــلالها *** انتي بصـــحـــراي الجـَــــــــدي وفــرحـي ، ولحـظـات سـعَـــــدْي واللــيــــل ، وهـَـــبــــات الـنـســيم لـيــــــمـن تــــلوت بسـهَـــــــدي لا يا بــعـَــدي تـكــفــين يا آخــر مـــــــــــــــداي وشـَــفــّي و آمـــــالي و رجــــــاي لا تـتـــركيني .. و تـــــــــــغـَــــدي اصـــــــــير انا كل الـعــَـــــــــــذاب صــحـــــــرا و حاضنها الســــراب وليل ٍ ســـــواده ســـــــــــــرمدي وعــيـــــن ٍ ســــــرى هــمــــالـها في حــلـهــــــــا , وتــرحــــــــالها الشاعر / مصوت بالعشا ـــــــــــــــ - - ( 3 ) في مطعم كانت الجـَــلسه دقـايقها ثــــــــواني والـثــــواني كــنهـــا ظــبيٍ طـريد ! كانت أحـــلى .. كانت أغلى من اماني او فــــرح شاعـــــــر ببيتٍ له فــــريد جــاتـه الفكره ، وخانته المعــــاني ثـُـم فجأه .. لاح له معنى شريد ! آه .. لو تدرين عني كيف اعـــــاني لين عَـَز القاف واستعصى القصــــــيد خـَـص كانك إنتي لشعري المـواني آه .. لو تدريـن كم اكــــــتب و اعـيــد ! ********** كانت الجلسة خيال و " شكل ثاني " ! يبتـــدي مــــــنها الجديد من الجديد كل كلـمة منك تبحــر في كــــياني تسري بآمالي ، و تبعد بي بعــيــد و كل بســمـه غيمـةٍ بين المحـاني تنهمر عطر و مطر و ايام عــــــيد وينك اول .. وينك اول عن زماني يــوم وقتي وقت و عزومي حـديـد لي بغيتك .. ما أحدٍ عَـنـك حداني هــمـةٍ ماتنثني , وراسٍ عــنـيـــد !! ********** كـانت الجلسة ، ومطعـــمها أغاني و " البـيـانو " صار للعشاق سيد ! وقـمت للرقصه وكن الموت جاني ! انتشي بشعرك على صدري بديد ! وقتها " المطعم " تحول شمعداني كن شمــــعـاته تواقـــــد بالوريـــــد وكنتي اجمل من وطا هاك المكاني كن مابـه غيرك من الـغـيد غـيد ! وبين ودي ، وبين وقتي اللي عصاني واقــفٍ كني بهــــا الدنيا وحــيد !! الشاعر / مصوت بالعشا ـــــــــــــــ - - ( 4 ) حمـــــــاس ـــــــــــــــ "حــمــاس" .. سـلي بالوغـى سيف خـــالد وردي ُعــمــر يســـرج لــنــا عزنا ركـاب حماس .. وافـــراح ٍ بــقــلـبي تـــــــــــوالد واحـــلامْ و آمــال ٍ كـســت قاع و هضاب وعــقب الــمــذله شفت انا الــعــز واعِـــد وعقب الهزيـمه في يـدي ســيف و كـتـاب حــنــا هل التوحــيــــد .. والــرب واحــــد اللي نــصــر طَـــه ، وشـَـتــت بالاحـزاب وكان الــعــدو يا شـــيـــخنا اليوم حـاشــــــد أجــنــود وســـلاح ومــعــدات و اصحــاب قل عــنــدنا له من ثـــرى المــجـــد مـاجـــد حـــر ٍ يـجـي للـمـوت بـــخـطــاه ما هـــاب حــر ٍ وهـَـــب عــمــره لـــدينه .. و واعَـــد هـــَــله بجــــــنـــة من ترجـــــاه ماخـــــاب حـــــر ٍ ســطا .. وإليا ســــــطا ما يــهــاود لا ما تردد ، واشـــتــعل كـــــــنه شــــهاب ما خـــربوه اهل الــخــنى و الجـــــرايــــد وما باع عــمره يـــوم لــعــيون الاحــبــــاب تــفـــل عـلى " مدريد " وذيــك الـمــــصايـد اللي عــليــهـا يــنــعــق بـــشــره غــــــراب وقـــاوم و داوم ... وانتــخــى ثم جــاهــَــــــد وصــاح بــهــله طاب الوغى ياهلي طاب اما حــــــــيــاة ٍ فــــوق هــــــام الــفــراقـــد ولا مــمات ٍ يـغــرف عـقــول الاغـــــراب ) وقال .. وصــدق ، والحـــر لي قال عاهــَــد ماهـز قلبه خوف .. مــــــــا مَـــره ارتـــاب ورقــــــــا ، ومعه ارقا قـــلـــــوب تواقـــــد صوب الثريـا عــز و امجـــــاد و اطــيــاب هــذي ســـــوايا ســــاكنين الــمــــــساجـــد يوم ان " حسني" عــنـــد شارون بــــواب! الشاعر / مصوت بالعشا ـــــــــــــــ - - ( 5 ) في طائرة ... بين الرياض و لندن ـــــــــــــــ عــمـركم شــفــتـوا الـنجــوم السـاهـــــــره بالـضــحى ، ولا الــقـــوايـــل ظاهـــــره ؟! عــــمــركم شــفـتـوا الـــقــمــر ينثر ضيـاه بالــظـهــر ، والشــــمـس غابت غايـره ؟! عـــــمــركم شــفـــتـوا الــمـهاة بروحـــهــا بين " لندن " و " الرياض " مسافــره ؟! بــنــت ياللي صــــوبهـــا تهوي النجــوم والـعـصـافـــير لــثــراهــا مـهـاجــــــــــره وَيـمـّـــها تــــســري الــنــسايم و الهبوب تــلـــثــم شفــــاها ، وتــرجـــع عاطـــــره في عــــيــونك للــهـــوى بــــعـــــدٍ غريب لو ســـهـــرت الــعــمر ما الحَــق آخـــــره وبابتسامــاتك مــــــــواويل و هـــــــــديل تــــســـكـــر مــتـــون الليــالي السامــــره وفي مــعــــاني لـفـتــــتـك عـشق و غــرام ذبحـَـت المـفـتـون .. لو هي عـــــــــابره ! وبــنــطـلـون " الجنز " كـنـه لك عــشـيق الــتــصق ، وانتي جــبـــرتي بخاطـــــره ! و " الــبـروش " اللي تــعـَــلّق بـالــنحــــر هــــو يــــزينك ، او جــمـــالك غـامـــــره ؟! آه .. ياللي كـــلـــها مـــــــــوت ٍ وكــــــــــاد وفي مــعـــانــيــهــا الـمـنايـــــا ســــــافره ! الــقـصـيـــــده من عـيـونك صـــغــــتــهـــــــا ما كــتــبــت الشعر ، إنـتـي الشـــــاعـره !! الشاعر / مصوت بالعشا ـــــــــــــــ - - - ( 6 ) الجمال عندما يغتاله ببطء الزمن ! ـــــــــــــــ " كانت غاية في الجمال . وبعد سنين ، رأيتها وقد أتى الزمن على ذلك الجمال الرائع !" شفتها تضحك ، وهي تبكي العـــذاب لفها الحــرمان ، و اضـــــناها التعب الأمــــــــــــل في وجهها عود سراب مثل طيفٍ مَــــر ، وابعَـد ، واحتـجب وعاسمت أرض الشقا مزن السحاب وهاجــــرت ريضانها طيور الـطـرب ما يعود زينـــــــها غــال الــثــــيــاب لو توشــــى بالجواهــــر و الذهـَـــب وين هــــاك الزين .. يا وين الشبـاب والعيــون اللي شــكـت ثقل الهَـــــدب والــتــدلل ، والتـغــلي ، كيـــــف ذاب وراســها الـمـــــرفوع وشلون أنقلب آه .. كم قـَــلب ٍ تعلق و استــصـــــاب وكم قصيد ٍ قـــيل فيها و انكـتـــــــــب وكم تلوى في شـفـــــــاياها الضباب وانتشى كـنـــه على الـــكاس الحَبب مير عمر الكــــــــون كله للخــــــراب و المــصــــــــــــير المر ما منه هـرب الشاعر / مصوت بالعشا ـــــــــــــــ - - - [/c] |
|
|
|
11-06-2002, 06:56
|
#2 |
|
شـــاعــر / صــحفـي
|
النادرة / نادرة اسمحي أكون أول من يصافح هذا الملف الجميل دائما تدهشين باختياراتك لك التقدير |
|
|
|
|
12-06-2002, 01:01
|
#3 |
|
عضو شعبيات
|
الله يعطيكم العافيه هذي اول مشاركاتي في هذا المنتدى اود ان اشكر نادره على هالقصيده طبعا مااعتقد ان محد يعرف ابن مهيد مصوت بالعشا الله يعطيكم العافيه طبعا للجميع وارجو ان تقبلوني عضو جديد . لكم جزيل الشكر |
|
|
|
|
12-06-2002, 03:29
|
#4 |
|
عضو شعبيات
|
[c]سلامي لكم العزيزه النادره ارجو ان لاتضعي لهذا الشاعر مكان واحد لقصائده فهذا الشاعر نستلذ بالبحث عن قصائده في جنبات المنتدى وتزداد حلاوتها عندما نجدها.. لك الشكر على ماتبذلينه وله التقدير على مايتحفنا به وتقبلوا تحياتي[/c] |
|
|
|
|
12-06-2002, 15:21
|
#5 |
|
العضوية الماسية للموقع
|
محمد البريكي لي الشرف ان تكون أول من يصافح هذا الملف الف شكر على هذا التشجيع لك مني مليون شكر الله لا يعدمنا وجودك 0 |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
