19-08-2007, 11:59 | #1 |
شــاعر
|
شــمــعـــدان !
يا صاحبي لملم اشيأك وخنا نقوم = بنغير الجو ذا ؛ إن ماتركنا المكان علوم بعض الاماكن والله انها علوم = يضيع فيها مداك وتفتقد لتّزان تُحاول إنك تفلت من قديم الهموم = لكن بعض الاماكن غارة يا فلان كُل الاماكن بكوم ؛ وذا مكانٍ بكوم = هذا علومه علومٍ يالله المُستعان اثر الحزن لو تباطا ؛ عاد وثره يدوم ! = وأنا احسب اني نسيت السالفة من زمان من بارحتنا خيالي فيه ذكرىٍ تحوم = اسرارها موجعة ونفاسها احتقان تشط بي ذاكرة ماهي تعرف السلوم = تصب لي كاسها وتقول اشرب كمان آحيه من شوحها كنها عمود السموم = كنها تأشر عليّ بعيونها والبنان رعديد منها خفوقي فاقد للعزوم = اقول له اصطلب ؛ ويقول ياخي جبان يا صاحبي ايش ننطر ياعشير القروم = ارجوك تنهض تراني مخطر بالجنان لا تقول مثل المثل " تضيق عند الرخوم " = ياخوي راعي المثل ذا ؛ عايش في امان ماتشوفني يا خويي ضايق بالهدوم ؟ = هدوم ستري فتيلة ؛ والجسد شمعدان! |
20-08-2007, 00:11 | #2 |
شــاعر
|
رد : شــمــعـــدان !
صح لساااااااااااااااااااااااااانك ملايين اتمنى تدووووووم هالقصيدة في الواجهة تشرف المنتدى والله مبدع كعادتك أستاذي محمد السالم راجع أقراك أكثر دمت بصحة وسعادة عفوا الرد مستعجل لي عودة بإذن الله |
20-08-2007, 00:22 | #3 |
! النادم ! شـــاعر
|
رد : شــمــعـــدان !
محمد السآلم / \ مرور ,, على ,, عجل وحجز ,, مقعد ,, في ,, أعآلي ,, الصفوف خلف / غآزي السعيد ,, بالتمآم محمد السآلم بروح ,, وأرجع ,, لكَ وِدي نَ |
20-08-2007, 02:05 | #4 |
شــاعر
|
رد : شــمــعـــدان !
ياسلام عليك يامحمدالسالم شاعرتجبرني لى متابعتك |
20-08-2007, 15:47 | #5 |
رجّال أجودي / شــاعر
|
رد : شــمــعـــدان !
ياسلام ياراعي الجرباء هههه صح الله لسانك ملايين متابعك وان قلت الردود دمت بود |
20-08-2007, 15:53 | #6 |
الضغط العالي
|
رد : شــمــعـــدان !
صح لسانك ملاااااااااااااااااااين جزله من شاعر جزل محمد السالم تقبل تحياتي واعجابي |
22-08-2007, 14:16 | #7 |
شـــاعــر
|
رد : شــمــعـــدان !
ماتشوفني يا خويي ضايـق بالهـدوم ؟ ..........هدوم ستري فتيلة ؛ والجسد شمعـدان! الله محمد السالم بهاء وصور في منتهى الرقي لبوحك لك كل التقدير والاحترام |
27-08-2007, 12:25 | #8 |
شــاعر
|
رد : شــمــعـــدان !
الرائع / غازي السعيد حتى عودتك كُل الجهات انتظار |
27-08-2007, 18:29 | #9 |
شـــاعر
|
رد : شــمــعـــدان !
محمد السالم أحد الأسماء التي أقرأ لها باستمرار لك اسلوب جميل وقريب .. ماتشوفني يا خويي ضايـق بالهـدوم ؟ ..........هدوم ستري فتيلة ؛ والجسد شمعـدان! لا عدمت هـ التواجد يا محمد |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|