[يزيد بن غشيّان]

السلام عليكم .

دايركت :


مرحبا يا فهد لا هنت اقرب و هات ,,, من قصيدك بيوت ٍ ما وجد عيبها
مهرتك طيّبه بس تعثر في حصاة ,,, لا انكسر ظهرك فما ينفعك طيبها

[فهد اليامي]

البقا بس هاذي ياولد كيف جات=ودي ان المعزب جاب ترحيبها
يايزيد المعاني صارت امواصلات=وانت دايم توديها ولا تجيبها

[يزيد بن غشيّان]

يا ولد فيه شاعر داخلك بس مات ,,, ودي انك لحقتـه قبل يسري بها
سابقك والمعاني صايره طايرات ,,, وانت دايم تنيشنها ولا تصيبها

[فهد اليامي]

داخلي شاعرٍ عينه ماتقدر تبات=كل ماصاد له صيده يماري بها
كان شفنا بوسط اصحونك امفطحات=والله اني ماحط اليد في جيبها

[يزيد بن غشيّان]

ايه اجل يمكن الشاعر غرق في سبات ... والوعد في الشعيب ان سالت شعيبها
كم ملينا الصحون و انت اكلك,, نبات ... جيت اباشر عليك و قلت ماااا لي بها

[فهد اليامي]

انت هرجك حسين ونيتك في شمات=بس انا كل هضبه عارفٍ ذيبها
ياحسافه ماشفت الا ثلاث ابقرات=عندكم يايزيد ومنقطع صيبها

[يزيد بن غشيّان]

انت ظاهرك جدّي بس باطنك " شات " ... تنقل الهرجه و تجهل تلابيبها
كيف تذكر ثلاث و هن ّ عدة ميات ... جبتك تشوفها من باب تدريبها

[نايف سعود]

الله الله سجلوني متابع الى الأخير

بس وراكم كلكم على فهد الله يعينه

تري بصفك يا ضنا يام وقريب

[تأبط شعرا]

متابع لي كم ٍ يوم !
ومع يزيد قلبا ً وقالبا ً ولا يهون فهد


كم ملينا الصحون و انت اكلك,, نبات ... جيت اباشر عليك و قلت ماااا لي بها

سلام .. سلالام

[سعد]

نحن علا فهد لانه اكبر الشعار الذين هنا ولا نريد ان احد يزعل منا والحقيقه ماينزعل منها
ولكي نتقوا منه والشاعر فهد شاعر كبير ورزين وعاقل
ولو اتكلم الى بكره لا استطيع ان امدحه لانه اكبر من ذالك
ولكم خالص تحياتي اخوكم كاتم الاحزان
ســــــــــــعـــــــــــد

[صالح العجلاني]

صح الله لسان الشعار