07-10-2007, 03:49
|
#1 |
|
شــاعر
|
خميس الناوي الله يرحمه
بسم الله الرحمن الرحيم الشاعر خميس بن سيف بن محمد الناوي آل بوعينين : ولد الشـاعر خميس بن سـيف بن محمد آل بوعينين ولقبه ( الناوي ) في بلدة عينين ( الجبيل حالياً ) في سنة 1350هـ . له مجموعة قصائد من الشعر النبطي لايزال أغلبها موجوداً . وتوفي رحمه الله في 1395هـ . من قصائده هذه القصيدة التي نالت شهرة واسعة في منطقة الخليج العربي والتي نذكر منها قوله : خلي الهموم إذا بغى النوم طاح ونام وأنا لا بغيت أرقد حصل ما يجزيني تقارع هواجيس الضماير قريع حيام على جال عدٍ صوعوه الوارعيني وقلبي كما عسوٍ زوى جذعه الصرام متغانمٍ ربعٍ على الهجن مقفيني برا الحال من كثر التوجاد بري اثمام محيلٍ ولاعته اللواهيب والشيني إلى قوله : ترى ادواي حـرف الجيم والعين حدره لام قدر سـاعةٍ ليمن حصل داعج العيني سمية سهيل وعنبر الهند يا علام مع اللي مقره في غزير المياديني وسمية تورده المراكب على الدمام وتلقى سميه في كثير الدكاكيني وترى الأسـم الآخر لاضحك زحزح الظلام وغنت له الورقـا رقيق التلاحيني ورابع سمي العذب من دور عام لعام تشتت لأهـل المال عقب المقاطيني وله هذه القصيدة التي أرسلها لأحد أصحابه وفيها من الحكم والأمثال .. حيث يقول : البارحة جفني جزا النوم ما امرح ولا كن في مقلة عيوني جواريح ولا كن موقي بالقليمـي يجرح ويذر فيـه مشـكلات الذواريح سهرت لين الفجر بالنور وضح تخالفوا بين الأسواق المواريح اسهرني اللي قال فنٍ على صح يرتب المسحوب ما فيه ترجيح احلى من السـكر على الطيب والصح حقد على كبد المصـالي كما الشيح روزه ثقيلٍ بالموازين يرجح ولا تعادلـه الوزون الطلافيح مير إن بعض الناس بالهرج يفرح والهرج ما يبري القلوب المجاريح بعض العرب كالثور يضوي ويسـرح ما يفهـم إلا قيل جفٍ مع جيح ولا الشمس ما تغبي بشاش امرزح والبحر ما تلحق عليه المياييح ولا كير حدادٍ لشـعفٍ ينافح ولا بنفاض المشـبه كما الريح إن كان نهر النيل كمل وشلفح ما عاد يلقي شربةٍ راعي السيح وما أظـن حلم الليل يثبت إلى أصبح ولا نصـلةٍ تأكل صقيل اللواميح ولا عود تنباكٍ بريحان يلقح حتى ولو كثرت عليه المواديح وله من قصيدة قالـها في الشيخ سعود بن عبدالرحمن بن جاسم آل ثاني رحمه الله ، حيث قال بقصيدته : على ياهـل الكوم العلاكيم هيدوا قدر مشـرب الفنجال عوجوا حبالها ابوصي عريب الجد منكم وصيةٍ ثقالٍ معنيها خفيفٍ مشالها الى لفيتوا دار كسابة الثنا اللي إذا جافي المجالس مجالها بني ثانيٍ كسابة العز باللقا يعجز المدقق مايحسب افعالها على ماحكوا عقـال ربعي وعددوا و الاذكار والتاريخ صدق مقالها يقولون ليمن أعتلوا كل قبا صوت لهم طير السعد بمعدالها إلى قوله : ترى داركم يا شيخ هي أم جدنا ربى جدنا فيها وحنا عيالها وترانا الى منه بدا لازمٍ بنا نبرك كما تبرك دوارب جمالها وعسى ديرة الاجواد دايم مريفه تهيش الخزامى في مدامث سهالها مداهيل حياني وحيى ولا بتي وشيوخنا اللي ماضيات افعالها |
|
|
|
01-11-2007, 02:58
|
#2 |
|
شـــاعــر
|
رد : خميس الناوي الله يرحمه
. خميس الناوي شاعر غني عن التعريف كان رحمه الله مشتهر بقصائد العرضه وكانت اغلب قصائده مطلعها بـ (( قال الفتى الناوي )) ..،، الله يعطيك العافيه يا بو مبارك على امتاعنا بهذهِ المقتطفات من درره تقبل تحيتي وتقديري .. . |
|
|
|
|
01-11-2007, 22:24
|
#3 |
|
شــاعر
|
رد : خميس الناوي الله يرحمه
ما عليــك زود يالاجودي شاكر مرورك ومتابعتك... تحيتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
