17-03-2007, 20:32
|
#1 |
|
علبة ألوان
|
أحد ٍ يموت وطيّب الذكر يحييه
السلام عليكم  من اجمل القصائد التي مرت علي هالقصيده وحبيت تشاركوني روعتها وجزالتها .. يا جاهل ٍ مر الزمان وحلاته خذ هاك عقلي مانفعني ولا بيه في هالزمان الطيب اعلن وفاته الطِيب مات وكل طيّب يعزيه يرحمك ياعود ٍ حفظ لك وصاته يبيك تتبع ساقته ما تخليه علمك سيئات الزمن وإحسناته يامرك بالمعروف ليتك تماشيه الله وهبنا دين واحسن صفاته وانزل لنا التشريع واجزل معانيه الحق والباطل عرفنا جهاته وما يزرع المخلوق له يوم يجنيه أحد ٍ له الدنيا على الكيف جاته الله عطاه وكل شيٍ بـ اياديه ما ذاق لوعات الزمان وشقاته الفقر والتجويع يسمع بطاريه وأحد ٍ يدور في زمانه نجاته يبي الستر والعافيه بين اهاليه عزيز نفس ولا يبدّل عباته راضي ويدري عيشته ما تكفّيه وأحد ٍ أبد ماخذ طبايع خواته ضعيف رآي وكلمته ما تقديه وأحد ٍ لبس ثوب المراجل بذاته وا سِعد عين اللي من الضيق ناصيه وأحد ٍ صميدع يرهبك بـ إلتفاته حرٍ مطالعيه عن الناس تغنيه وأحد ٍ يضيع صيدته من عماته لا واخساره من ترجّى يعشيه وأحد ٍ زرع ما نال غير الحتاته الحظ كنه واقف ٍ له معاديه وأحد ٍ قطف ورد الزمن وإثمراته باب البخت مفتوح دايم يناديه (( وأحد ٍ تساوى في حياته مماته وأحد ٍ يموت وطيّب الذكر يحييه )) الوقت لو يومي عليك بعصاته ماهي غريبه منه هذي مماشيه يابوي هات اللي يجي منك هاته راضين باللي ماتكنه وتخفيه الشاعر : علي المساعد للإستماع للقصيده بصوت الرائع الشاعر : فهد الهويدي وأحد ٍ تساوى في حياته مماته وأحد ٍ يموت وطيّب الذكر يحييه (هذا البيت عن الف قصيده لما سمعته بكييييت )  اتمنى يعجبكم اختياري  |
|
|
|
18-03-2007, 00:19
|
#2 | |
|
عضو شعبيات
|
رد : أحد ٍ يموت وطيّب الذكر يحييه
إقتباس:
وقصيده قويه وبيت أقوى من قصايد اخت نوره الله يعطيك العافيه |
|
|
|
|
|
18-03-2007, 19:12
|
#3 | |
|
علبة ألوان
|
رد : أحد ٍ يموت وطيّب الذكر يحييه
إقتباس:
الله يعافيك اخوي مبارك .. شرفتني بالحضور شكرا ً لك |
|
|
|
|
|
18-03-2007, 23:55
|
#4 |
|
شــاعــر
|
رد : أحد ٍ يموت وطيّب الذكر يحييه
وعليكم السلام .. يسعد مساك يانورة أختيار يدل على ذائقة راقيه بصراحة أول مرة اقرأ هالقصيدة ابياتها مليئه بالحكمه أطربتني جداً مشكورة يانورة ومنورة محلك .  سلمت يمينك ويعطيك العافيه.. تقديري واحترامي |
|
|
|
|
22-03-2007, 20:04
|
#5 |
|
شـــاعر
|
رد : أحد ٍ يموت وطيّب الذكر يحييه
(( وأحد ٍ تساوى في حياته مماته ..................... وأحد ٍ يموت وطيّب الذكر يحييه )) الله الله الله من أجزل ومن أجمل الأبيات الي سمعتها نورهـ السبيعي لا زلت أقترض من متصفحاتك الشعر فـ ذائقتك مكسب .. الحقيقة هي المرة الأولى التي أقرأ بها هـ القصيدة وأضفتها كـ أحد كنوز الذائقة صح لسان شاعرها وناقلها |
|
|
|
|
05-04-2007, 05:29
|
#6 | |
|
علبة ألوان
|
رد : أحد ٍ يموت وطيّب الذكر يحييه
إقتباس:
هلا يامتعب ، والله يسلمك وان شاءالله تكون اعجبتك الابيات .. والمكان منور فيكم |
|
|
|
|
|
05-04-2007, 05:34
|
#7 | |
|
علبة ألوان
|
رد : أحد ٍ يموت وطيّب الذكر يحييه
إقتباس:
تسلم يا ثامر ، وفعلا البيت هذا مؤثر جدا جدا وحتى إلقاء فهد الهويدي " قاتل " اتذكر اني سويتها تصميم فلاش زمااان لكن للأسف ضيعته ! يعطيك العافيه ولاعدمنا حضورك |
|
|
|
|
|
07-11-2007, 01:44
|
#8 |
|
عضو شعبيات
|
رد : أحد ٍ يموت وطيّب الذكر يحييه
يعطيك العافيه نوره على هالرائعه الجميله التي تقدم لنا اجمل الحكم فهي كنز كبير لمن يقرأها واحد تساوى في حياته مماته واحد يموت وطيب الذكر يحييه صح لسان الشاعر وعشتي |
|
|
|
|
16-11-2007, 03:29
|
#9 |
|
مثل الذهب
|
رد : أحد ٍ يموت وطيّب الذكر يحييه
الحق والباطل عرفنا جهاته وما يزرع المخلوق له يوم يجنيه انا أشهد صراحه إلقاء فهد يقطع القلب نوره . . لديك ذائقه تُجبرنا على طلب المزيد لكِ من الشكر جُله . . . . . وصح الله لسان شاعرها |
|
|
|
|
09-12-2007, 20:06
|
#10 |
|
عضو فعّال
|
رد : أحد ٍ يموت وطيّب الذكر يحييه
الله لايهينك يانوره اختيار وذائقه بمرتبه شاعره .. سلمتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
