02-07-2008, 05:51 | #1 |
شــاعر
|
جيب لكزس .....
طرى للشعر طاري عقب بعض لقوالـي=قدحهـا الفكـر ليـن شعشـع بـنـوره تقـوده طوارّيـه على ضـرب الامثالـي=على الطرق الاول في مناهيـج دستـوره فقـم يانديبـي فـوق جيـبٍ ورد تالـي=من الشرق صِدر والتصاميـم مغـروره من العبقـري دقـة تفاصيـل الاشكالـي=عقب تكتكة وأسلوب من هو خذا شـوره على جيب لكزس طلتـه تشـرح البالـي=ومـن دون تشييكـه وتختيـم فـاتـوره ضمانه صنيعـه لنُـه قهـار الاهوالـي=بعيد الهقـاوي يطـوي الخـط ويثـوره الى من قبض قار السفر صابـه اهبالـي=كما طير شيهـانٍ قبـض راس مذعـوره تّولم على الطرقه ها ثم هـاك مرسالـي=وخلك فطينٍ يعرف الـدرب واخطـوره ومن الساحل الشرقي على نجد طوالـي=وملفاك قـرمٍ ينحـر الطيـب باسبـوره وعُطـه الكتـاب اللـي هاجسـي نالـي=وقله خفايـا الخـط بالـزرف محفـوره فلا يا بن صالح طيـب الجـد والخالـي=عرفت السبب يوم الزحازيـح مشهـوره عسى الله يزينها علـى كـل الاحوالـي=رحـاة الزمـن دارت وتلعبنـا الـدوره صدوفٍ تعّـدت غفـوة الدالـه السالـي=على الله على الله والسنا مـا بـدا نـوره نعّـدل ميـول الحـظ والوقـت ميالـي=زمـانٍ يخلـي عـزة القـرم مقهـوره فلا ياصقر ماكرُك في المرقـب العالـي=تجّنـب ردي العـرف لا يخدعـك زوره تشـل الثقيلـه وانـت للحمٌـل محتالـي=على العز دربـك والمطاليـق مخبـوره عرفنا وجربّنـا عقـب زيـف الآمالـي=وعرق الردى يضرى على الكذب والبوره هذا فلان عذالـي وهـذا فـلان دجالـي=شماميت تضحك في قفا الرجل مثبـوره حزام الرخا راخي على المُـر والحالـي=وكف البخيل مـن العطـا دوم مبتـوره والاجواد مدتهـا مـن سمـان وجزالـي=وغب الشلي يا خوك ما جفـت بحـوره وعرف النشامى كنز يـا طيـب الفالـي=والاجـواد تِعـرف والمثابيـر مدحـوره |
02-07-2008, 09:41 | #2 |
رجّال أجودي / شــاعر
|
رد : جيب لكزس .....
وعرف النشامى كنز يـا طيـب الفالـي والاجـواد تِعـرف والمثابيـر مدحـوره ياسلام يامهدي سمعته منك وعز الله انها قصيدة صح لسانك وعلا شانك دمت بخير |
03-07-2008, 03:38 | #3 |
شــاعر
|
رد : جيب لكزس .....
أن لم يكتب الشعر بأناملك فلست أعده شعرا" صح ألسانك يامهدي ملايييين من يوم عرفتك والشموخ يسيطر على شخصيتك فعش شامخا" فأنا من جمهورك لله درك من شاعر تشرفني معرفته دمت بود |
10-07-2008, 05:27 | #4 | |
شــاعر
|
رد : جيب لكزس .....
إقتباس:
مرحبا يابوجارالله صح بدنك شرفني مرورك العذب |
|
12-07-2008, 19:15 | #5 |
شـــاعرة
|
رد : جيب لكزس .....
حزام الرخا راخي على المُـر والحالـي وكف البخيل مـن العطـا دوم مبتـوره مهدي ال صليع صح لسانك ابيات حكيمه من شاعر رائع نحرص عليه خالص الاحترام |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|