27-12-2008, 05:27 | #1 |
شاعر
|
قصيدة + شيلة (مليت أنا)
بسم الله الرحمن الرحيم السلام عليكم ورحمة الله وبركاته جديدي القديم هذه القصيدة التي اقدمها لكم لأول مرة بأداء الأخ المنشد / ابو نايف http://up.stop55.com/upfiles/5Jk91377.jpg
جهز لنا الشاص يا أحمد بعد تلبيقـه=مليت أنا جلستـي دوري ومقطانـي نبي نسج الخـلا ضاقـت معاليقـه=و القلب عيا يوالف بيـض جدرانـي والدار ما لي بها و أسعـى بتطليقـه=خله لأهل قيل قالوا قاصـي ودانـي شفي هواي و منايـا سهـل تحقيقـه=سخر لنا البر ربـي عالـي الشانـي لا يا بعد جو طنجا هـي وخربيقـه=مع جو الاردن معه لبنان وعمانـي البر حبي و أنا تـر مـن مشافيقـه=ما به علي لومة وهذا الدهـرفانـي في فيضة(ن) ما رشقها الديـم ترشيقـه=عله سحـاب(ن) تـرادم فوقهـا سانـي خذنا لها و العلامـه هـي زماليقـه=و اشعل لنا النار يومه جوها زانـي النار ريحه يصحي الراس ويفيقـه=نار(ن) حطبها سمر و السمـر نيرانـي و أجذب لنا كيف بالي حـل ترويقـه=بن اليمن يا بعـد مـن قـال دخانـي وأسعى على حمسها من دون تحريقه=ثم دقها وسـط نجـر(ن) دن الالحانـي ثم أطبخه ثم زلـه ثـم مـن ريقـه=أحلى الفناجيل سقها لواحـد عانـي و النار خله و قـرب يمـه أبريقـه=و أضبط حلاته و خل الشاي سيلاني البر حبي يابو هاجـس و لا أطيقـه=أجيه كلي فـرح و أعـود بأحزانـي و أتلى كلامي نصيحة أبـد تطبيقـه=من واحـد(ن) عمـره بدنيـاه عقدانـي خذها نصيحة من اللـي زاد تفليقـه=دنياه خلـت شبابـه شيـب شيبانـي بعض العلاقات فعل الخيـر تمزيقـه=لو هي علاقة قريب(ن) بعـدألاخوانـي من ربك أقرب و بعد عـن مخاليقـه=في وقتنا اللي هشم طلقين الايمانـي عليك روس المشارف حزت الضيقه=تجلي همومك و تشفي عل الابدانـي في وقتنا اللي كثـر زيفـه و تلفيقـه=ياما رفع فـي مقامـه كـل فقرانـي لاش(ن) ولد لاش ما هـو مـن مطاليقـه=من حسبة رجال تقري ضيفها العاني حظه جعل له مسيح(ن) فـي مشاريقـه=بوقت(ن) به الشيخ حظه صـار تلفانـي لا يا تلف روح روحـي لا وتفتيقـه=لشوف الحرار الذي تأسر وتنهانـي والبوم لأعلى المراقـب زاد تحليقـه=من بعد صيد الخشاش وصيد جرذاني ربي عليك أتكالي شـي مـا أطيقـه=اشفه غليلي تراهـا زادت أحزانـي هذا و أنا أكملت شعري في طواريقه=جبت الذي بالمحاني هـز وجدانـي وصلوا على اللي أمرنا الرب تصديقه=شفيع الأمة من الأنسي ليـا الجانـي شعر / عبدالله الشمري أداء / ابونايف السديراوي لتحميل المقطع اضغط هنا http://www.islamup.com/view.php?file=d5f6e6e610 |
28-12-2008, 07:42 | #2 |
شــاعر
|
رد : قصيدة + شيلة (مليت أنا)
الله الله عبدالله صح لسانك ملاييين قصيدة اجواء ممطرة رائعه بروعه شاعرها لاتحرمنا جديدك |
31-12-2008, 15:20 | #3 |
شاعر
|
رد : قصيدة + شيلة (مليت أنا)
صح بدنك اخوي فيصل لا هنت على المرور الغالي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|