23-09-2009, 17:41 | #1 |
شــاعر
|
حلم الطين
( حلم الطين) أنا ياصاحبي متعب وخايف لايحيـن الحيـن=ولاحققـت مـن شـي تمنيـت وتمنـانـي زهقت وزهقت الخطوة تحس بميلهـا ألفيـن=أنا وش جابني لذاك المصير هنـاك ودانـي جريمة!!إي نعم واكبر جريمة ياجليب البيـن=سـراب ٍمالقيتلّـه ولوقـطـرة بوجـدانـي أنا الغلطان يومني سريته في ظـلام السيـن=احسب إن الصبح يرمـي خمـاره ويتلقانـي آلا ياحظي العاثر تنفـض واشتعـل بالطيـن=عشقت ولاعشقت إلا الثريا وهـي تعدانـي!! تراه أكبرظلـم لـوان تفكـر بـه يامسكيـن=حرام ان كنت ترجعله وتطريـه مـن ثانـي على حظ الزمان اللي وضعني بدفتر المنسين=زريت أنساه لامنه نساني..كيـف ينسانـي؟! يشمت بي ويلعني ولا املك غير أقول آميـن=أنا وش حيلتي ..صبري..غدى قيدي وسجاني قضيت ولا لقيت اللي يعزيني بدمعـة عيـن=ولوهي ذنـب أقبلها..كـفٍ تسـدل أجفانـي |
24-09-2009, 07:11 | #2 |
بقـايا حُلـم
|
رد : حلم الطين
صح احساسك قصيدة رائعة سجل اعجابي |
25-09-2009, 19:21 | #3 |
عسـ طرقي ـاااس / شــاعر
|
رد : حلم الطين
. . زهقت وزهقت الخطوة تحس بميلهـا ألفيـن زهقت وزهقت الخطوة تحس بميلهـا ألفيـن زهقت وزهقت الخطوة تحس بميلهـا ألفيـن كريم صح لسانك ونبضك |
25-09-2009, 21:26 | #4 |
شـــاعرة
|
رد : حلم الطين
أنا وش حيلتي صبري غدى قيدي وسجاني الله عليك صح قلبك ياكريم المشاعر وعيدك مبارك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|