[غرم البهيشي]

تنوض البروق وفي عيوني تنـوض بـروق سناهـا خـذا روح (ن) بالأخطـار محفـوفـه

بروق الحيا ناضـت وقلبـي غـدى محـروق على جادل (ن) زادت على الزين بوصوفه

عنود (ن) رمتنـي واوثقّـت قيدهـا الموثـوق خفـوقـي00 ونبضـاتـي اسـيــره ومكـتـوفـه

تولـعـت فيـهـا ولـعــة الـعـاشـق المـعـشـوق وطرفـي سهـيـر ونغـمـة الـحـزن معـزوفـه

من اول لقاء كنـت احتـري وعدهـا وآتـوق بلـهـفـة غـريــب وديـرتــه حـيــل ملـهـوفـه

غنـوج(ن) دهاهـا الحسـن مامثلهـا مخلـوق من اسبانيا للهند000 ومن اب000 للكوفه

تمخطر على قلب الشقا 000طوقتني طوق و(عنجوجتي) 00ما غير لـي جـات معسوفـه

(تحمّحـم) وتستانـس وانـا شيلـهـا ف الـمـوق (تـجـلّـجـل) وتــبـــدي( مـسـتـدّقــه) ومـالــوفــه

(لتقريبـهـا )00و(لهملجتـهـا )تـشــوف فـــروق وفـي (ضبرهـا )و(امجاجهـا) الـروح مخطوفـه

تعلقت فـي (حيزومـة) (ن) والنظـر مسـروق تـهــادى وتلحـظـنـي والاجـفــان مكـسـوفـه

عشقت المحال وجيت رأس الرجا من فوق وأنــا مـثـل مــن يمـشـي برجلـيـه لحـتـوفـه

وهاجـت شجونـي والغـلا ذا يسوقـه ســوق حداني الزمن 00 يقطعك يالدهر وصروفه

غريـب الديـار بغربـتـه لــه علـيـك حـقـوق ويكـفـيـه مـــن دنـيــاه طـيـبــه ومـعـروفــه

تنآئـت بـه الاوطـان وتـشـوف راع الـنـوق تـلاعــب بـــه الـدنـيـا والاوراق مكـشـوفـه محبكم الشاعر غرم البهيشي

[محسن سبعان]

الغربة وقود وقوت الشعر أحياناً كثيرة .. أبدعت وفتنت ياغرم .

[ساره الشهري]

ااااااااااااااالله جميل جداً هذا القاف
الف صح لسانك ياغرم البهيشي
ولاهنت

[غرم البهيشي]

محسن سبعان

الابداع في حضورك بيض الله وجهك

ولك فائق احترامي وتقديري

[سالم بن جلعان]

الله الله يا غرم

شاعر مميز يكتب ليرسم ملامح الاعجاب على محيا المتلقي
نص ولا اجمل ... فيه الكثير من التلقائيه .. والصدق

سرني جدا ً مروري

تحياتي

اخيك


سالم بن جلعان

[غرم البهيشي]

ابنة العم

صح قلبك ونبضك

اسعدني مرورك ياساره لا خلا ولا عدم

ولك تحياتي وتقديري

اخوك غرم

[غرم البهيشي]

سالم بن جلعان

التميز والابداع في مرورك

لا خلا ولا عدم

بيض الله وجهك ولا هنت اخي الكريم