[فايز البراهيم]

بسم الله الرحمن الرحيم
السلام عليكم ورحمة الله وبركاته

أول حظور لي ها هُنا

قال منهو يا تهيض مايقول الا الثمين=وما يجيب من القصيد الا الزهور النافيه
لاتغنى في قصيده هز كل الحاضرين=وعطر اللي يسمعونه بالبيوت الكافيه
القصايد كان ماله معجبين وطالبين=عيباً الشاعر يقوله او يقول القافيه
والعقل لولا العقل ماكان به رجلا رزين=والسوالف طيبها برجاله اللي تافيه
وعقبها لك يا غرام(ن) جدد الجرح الدفين=جيت ابسئل والجواب بكلمتين(ن) دافيه
خبريني ليه كـنتي في خيالك تختفين=وليه عقب الوقت هذا تشعلين الطافيه
ألله أكبر لا ذكرت أيامننا أللي تذكرين=يوم أنا والليل وإنتي والمشاعر دافيه
أتذكر كيف كنتي تقربين وتبعدين=وأتذكر كيف كنتي في غموضك كافيه
وجيتي الليله وقصدك توقظين وتغـرزين=الخناجر وسط خفاقاً جروحه سافيه
يا حياة الذكريات الجارحة ، يا الطعنتين=أحتفي بي وأحتفي بك ، يا الجروح الجافيه
يا حياة الأمنيات الفاتنة ، يا الضحكتين=يا غيوما(ن) ما وراه ألا. الآمال السافيه
يا حياة الأبتهاجات ، أرجعي لا تُقبلين=ما بقى في وسط قلبي . لك مساحه كافيه
يا وجودي وجد منهو لا سعيد ولا حزين=بين ذي وذيك ضايع وأقرب اهلة نافيه
ويا وجودي وجد منهو دونه أقفال وسجين=في زلازل بوش أسير وينتظر وش قافيه
ويا وجودي وجد منهو ما يذوق الزاد زين=حالته خطرة وميؤسه ولا هي عافيه
ويا وجودي وجد منهو فارق أهله له سنين=ومن هله وديار ربعة ما تجيه اللا فيه
ويا وجودي وجد منهو شاف جور الدين دين=السعادة والوناسة .. من حياتة طافيه
ويا وجودي وجد غزه وأهل الاقصى العاجزين=من عبث جيش اليهود ودعم منهو رافيه
في زماناً به رأينا كيف ذل الأمتين=والملوك اللي تخضع والدلايل وافيه
ويا وجودي وجد من يضحك وهو قلبه حزين=لوعت به هاالليالي والحظوظ الغافيه
ويا وجودي وجد بغداد وشعوب الرافدين=يوم ضحوا فجر الأضحى في زعيم(ن) شافيه
من شموخة حدروه وصار في وضع(ن) مهين=عقب ماهو رمز شعب . اصبح ورجله حافيه
ويا وجودي وجد شعباً قتلوه الحاقدين=وصدورا نفطه وخيرة والغنايم ضافيه
جعل منهو لام قلبي .. يوم عود للانين= ينكسر حظه وحيله .. ياعساه الهافيه
أنتهت والخافي أعظم بس الأفضل مايبين=والقصايد ماتطيب الا بجزل القافيه

لكم خالص تقديري

لــ فايز الشمري

[غرم البهيشي]

فايز الشمري

الله عليك ياشاعر

قصيده رائعه وقافيه جميله وبحر رائع

يعطيك العافية ولك تحياتي

[احمد عوض]

الله الله على هذا الحضور

أتذكـر كيـف كنتـي تقربيـن وتبعـديـن وأتذكر كيف كنتـي فـي غموضـك كافيـه

وجيتي الليله وقصـدك توقظيـن وتغرزيـن الخناجـر وسـط خفاقـاً جروحـه سافيـه

يا حياة الذكريات الجارحـة ، يـا الطعنتيـن أحتفي بي وأحتفي بك ، يا الجروح الجافيـه

يا حياة الأمنيات الفاتنـة ، يـا الضحكتيـن يا غيوما(ن) مـا وراه ألا. الآمـال السافيـه

يا حيـاة الأبتهاجـات ، أرجعـي لا تُقبليـن ما بقى في وسط قلبي . لك مساحـه كافيـه

ياسلام عليك

الف صح لسانك

والله يعلي شانك

شاعر جميل ويشرفنا انضمامك عزيزي

هذي الساعة المباركة


كل التقدير
،
،

[سالم بن جلعان]

هلا يا فايز وصح لسانك
نص جميل جدا ً من شاعر
مميز يصيغ القوافي بشكل مميز
القصيده جزله وطولها قد يغفر التكرار
في بعض القوافي ولكن يبقى على الشاعر
ان يحاول قدر المستطاع عدم تكرار القافيه

عموما النص جميل وسرني جدا ً مروري هنا


لك تحياتي وتقديري

اخيك


سالم

[نورة العجمي]

فايز البراهيم
صح لسانك
وطاب حضورك
وياهلا بك في شعبيات

[تركي]

وجيتي الليله

وقصـدك توقظيـن
وتغرزيـن الخناجـر

صح لسانك
قصيدة رائعه انغرزت في صميمنا

تحياتي

[الجازي]

طابت لنا قراءاتك يافايز ..
بالقصيد وجزالة المعاني ..

المكان يضيء بك ..
أعذب تحية ..