[فهد الحويماني]

السلام عليكم ورحمة الله وبركاته



اسعد الله اوقاتكم بكل خير ... محاوله للتواصل اقبلوها كما هي والعذر يسبقها




كلّ السوالف يا حزينة ( تناهيد)
... والصمت دمعٍ ما تدله كفوفي


أحسّ به بين الجفا والمواعيد
... عند المكان اللي تعب من وقوفي


ملّيت أصارح هالسهرحزن وأعيد
... قصة غيابي مع متاهة ظروفي


حتى بدا لي أقرب أصحابي : بعيد
... مدري قصر دونه مع الوقت شوفي


والضحكة اللي غيبتها التجاعيد
... ما بردت من ضيعة العمر جوفي


ياليت لاوهامي على حيلتي جيد
... ماكان زاد من المقابيل خوفي


وياليت فـ يدين الندم بالرجاء قيد
... ماكان طارت من ضلوعي شفوفي


وياليتها لا استنكرت وجهي البيد
...يغيب صوتي وتكلم كتوفي
.
.
.






يافارقه في عين شوقي عن الغيد
...انسي تعب حالي وبحة حروفي


هاتي معك من فرحة الناس بالعيد
...ودي احس بهالزمن كيف يوفي

[احمد عوض]

الله الله

فهد الحويماني

اسلوب فريد تحلق في سماء ولا يحلق معك الا ابداعك
كلّ السوالف يا حزينة ( تناهيد)
... والصمت دمعٍ ما تدله كفوفي

الف صح لسانك

والله يعلي شانك
؛
؛

[عنود]

يافارقه في عين شوقي عن الغيد
انسي تعب حالي وبحة حروفي

شاعر رائع
واحساسك مرهف جداً
ورقيق في التعبير

سجل متابعتي
وصح احساسك