[عبدالله الشغيبي]

السلام عليكم ورحمة الله وبركاته
اخواني اخواتي في شعبيات يسعدني ويشرفني ان اتواجد معكم واكون ضمن هذه الكوكبه
من النجوم واصافح حضراتكم بهذه المتواضعه عسى ان ترقى الي مستوى الذوق

وين مارحت تلقى لك صديق وعدو=صعب ترضي جميع الناس وتودهـا
يا طيور ٍعلى الماء بالخفى وردو= عكرت صافي المشروب من وردهـا
لو تبسم بوجهك فـي القفى غرّدو=ما تميّز هزيل الهرج من جدهـا
ان تقربت منهم بالمدايح شدو=من يحب المدايح ذاق من شهدهـا
وان تبعدت .. وجبتهم عليها انتدو=السنتهم هنادي شابين حدهـا
في جهنم ملوك النار كم وقّدو=وألسن الناس كبتها على خـدهـا
ليتهم بالنبي والصالحين اقتدو=زمرة ابليس طاعت شوره وصدهـا
ابعدوا عن غثاهم يالصحاح ابعدوا=الغنيمه من الامراض في بعدها
ازرعوا من غروس الطيبه واحصدوا=خلوا اهل الردى في مذهب لوحدها
حذر الدين منهم والعرب حذروا =كلمة الله فيهم صادق ٍ وعدهــا
ابتدوا وانتهو ثم انتهو وابتدوا=سعدها في الردى والا الردى سعدها
ما تهم الصقور الا عساها فدوا=عينها قاع وعيون الصقر مدها
استراحت طيور الماي والا غدو=وين طارت بهـا الجنحان ما اردهـا
وش تكـون الطيور تلجّ والا هَدو= دامها من طيور الما فلا اعدهـا
دام الافعال تجمل و الجمايل قدو=ما على من تجمل لوم من بعدهـا
ابتعد عن غثاهم ورتحل في هدوّ= خل بعض الطيور تموت في حقدها
من يحب السلامه شد شد البدو= لا امحلت كل ديره لملمت شدها
الحقايق تجلت والخوافي بدو= يا حبايب شربنا المر من يدهـا

.

[محمد الدحيمي]

مصافحة ولا اروع ياعبدالله
هلا بك والله في ملتقى النخبة شعبيات

[عبدالله الشغيبي]

سلمت ولا عدمت ياغالي

ولي الشرف بحضور شاعر كبير بحجم الدحيمي

لمتصفحي شكرا لكرم حضورك وجعلك دوم سالم


يا ابوبدر





.

[نورة العجمي]

عبدالله الشغيبي

صح فكرك
تشرفنا بانضمام شاعر جزل إلى قوافي بوح شعبيات
لاعدمنا هالحضور

[عبدالله الشغيبي]

الشاعره نوره العجمي

صح قلبك

وشكرا على حضورك الراقي واطرائك الكريم

تحيتي واحترامي






.