27-02-2010, 00:19 | #1 |
شــاعر
|
((ياخاينـه........))
يا خاينه كل المواثيـق وش صـار=من علمك فـن الخيانـه وجـراك من هو لعب لك لعبة القط والفـار=حتى دنى راسك ودنسـك واغـواك ما عاد لك يابنت حشمه ومقدار=مغروره بحسنـك وضعتي بدنياك قلبك شقق للي يـدور لـه ايجـار=حسيبك الله خافـي النـار تصـلاك نظرة عيونك كلها خبث واسرار=يا الحيه الرقطى كشفنا نواياك يا الخاينه ما اقبـل خداعك والاعذار=ماهو كلام الناس بالعين شفناك اليوم قلبي منك عايف وعذار =خلاص عفتك ما اتـشرف بـشرواك ما عاد لك بالقلب طـاري وتذكـار=ينداس قلبي لويجي بيوم طرياك كانت دموعك لا تباطيت مدرار=واقول يا دمع التماسيح مقواك اهديت لك من هاجس الود اشعار= واهديت لك قلبن يحبك ويهواك وغرست بستان الهوى ورد وازهار=واحرقتي ازهاره بكيفك وبرضاك ياما على شانك تحـديت الاخطار=وياماعلى شانك تخطيت الاشـواك وياما على حيك تعنّيت مشوار=اشفق على شوفتك واسعد بلاماك جيتك في الميدان فارس ومغوار=بالغدرجرّيتي في القلب شلفاك جيتك خبير العوم فارس وبحار=اثرك شبيه الموج مفقود من جاك يابنت عيب اللي تسوينه وعار=لا صنتي احبابك ولا شخص ربـاك جنون حبك غطّت الشمس بستار=واليوم عن عيني تجلت خطاياك ابقي على ذا الطبع والوقت دوار=لابد ما تبكي ندم من سواياك واللي حصل كبوة جواد ٍ بمضمار=لو صرت يابحر الهوى من ضحاياك ماني بندمـان ٍ على بعد الاشرار=الله يعوضـني ويـاسعـد فـرقـاك لان الخيانه طبع في كل غـدار=قلبــه معَ هــذا وعينه على ذاك |
27-02-2010, 00:34 | #2 |
شــاعر
|
رد : ((ياخاينـه........))
يستاهل الخوان ماجاه وصح لسانك ياعبدالله على هذه القصيدة الغاضبه |
27-02-2010, 00:44 | #3 |
شاعرة
|
رد : ((ياخاينـه........))
قصيده جميله ولاهنت |
27-02-2010, 22:54 | #4 |
شــاعر
|
رد : ((ياخاينـه........))
صح بدنك اخي سعيد وتشرفت بمرورك العطر تحيتي واحترامي . |
27-02-2010, 22:55 | #5 |
شــاعر
|
رد : ((ياخاينـه........))
ولا تهونين ي الغناويه شكرا لمرورك العطر . |
28-02-2010, 11:27 | #6 |
شــاعر
|
رد : ((ياخاينـه........))
صح لسانك يا الشعيبي نصك جميل ومميز ثائر يا عبدالله في هذا النص ولكنها (القصيده) معبره وكل بيت له دوره ومعناه الصدق يسهل وصول الاحساس للمتلقي وهذا ما وجدته ... سرني مروري هنا كثيرا ً تحياتي اخي سالم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|