12-05-2010, 15:18 | #1 |
شاعر
|
هلابك ياحزن قلبي هلابك يافجر مابان
هلابك ياحزن قلبي هلابك يافجر مابان = تفضل غطرفت لجلك مأسي منك جانيها هلابك من بعد غيبه تفضل خاطرك لهان = كتبت أبيات أهلي بك وابيك الحين توحيها هلابك كثر ماتزعل وتهجرني بلابرهان = هلابك كثر ماعيني لذيذ النوم جافيها هلابك كثر ماجيتك ضماء وأرجعتني ضميان = هلابك كثر مانفسي عفت لعيون غاليها هلابك كثر ماخانت دموعك يارفيع الشان = هلابك كثر ماتوعد وعودٍ ما توفيها هلابك كثر ما سامي كتب له بالحروف أحزان = هلابك كثر ماقطع دفاتر عشق مخفيها أمانه وينها أيامك ما مرك مركب النسيان = مامرك قال لك خله حياته وش تبي فيها تصدق قال لي نفس الكلام وقلت له للان = لأني ماقدرت انسى جروحي كنت أعانيها وجيت اليوم وش جابك تبي تسترجع اللي كان = دقيقه راجع الذكرى من أولها لتاليها تغيب شهور ثم ترجع تجيني مغرمٍ ولهان = تقول ابيك لي وحدي وباقي الناس مابيها وتروح وينقطع وصلك ولالك بالهوى عنوان = مغير أراقب حضورك سواتك من يسويها مواثيق الغلا صارت كمن يرسم على الكثبان = وإذا جاها بعد ساعه يلاقي الريح ماحيها دخيلك فضها سيره ماباقي للآلم مسكان = لأني ملت لجروحي صملت وقمت أدوايها تعال أعلمك جمله نطقها قلب قبل لسان = وأبي من حضرتك تفهم وش اللي في معانيها رذاذ الوصل ماينفع ليا صار الآلم بركان = لهيب جروح في صدري رذاذك كيف يطفيها |
13-05-2010, 01:40 | #2 |
شـــاعــر
|
رد : هلابك ياحزن قلبي هلابك يافجر مابان
صح لسانك نص جميل دام ابداعك وتوهجك |
14-05-2010, 01:40 | #3 |
شاعر
|
رد : هلابك ياحزن قلبي هلابك يافجر مابان
في البدايه احييكم بتحيه الاسلام السلام عليكم ورحمه الله وبركاته واعتذر على تأخري لأنها كما يقال سقطت مني سهواً ويشرفني أن أكون في هذا المنتدى الأدبي الشامخ منتدى شعبيات اخي عبيد البديري كم شرفني حضورك وأثلج صدري كلامك دمت كما تحب |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|