16-06-2010, 23:10
|
#1 |
|
.
|
حادث هز الرياض شايب صدم بنت
تخيلووووووووو شايب صدم بنت موضوع كتبته من مدة شوي بعيدة وابي اشار فيه بالمسابقة ابي اخذ الجوائز كلها مرة من المرات وا نا نازل اتمشى بشارع العليا على My foot (( الثقافة زينة )) الا وذاك الموتر الكشخة (( د ستن غمارة الظاهر موديل 80 ومحمل غنم )) ويسوقه هاك الشايب ان ما خــاب ظني عمره طق المية وزود جايك يقز الشارع قز يمشي حدود 250 كلم (( شيلوووووووالصفر )) 00000000 ((الاخ شغال في المرور ابو سبيته شريط ونص وتخب عليّ )) وفجاءءءءءءءءءءءءءءءءءءءءءءءءءءءة! !! !!! !!!! !!!!!! تظهر ذيك البنت اللي ما اقد اوصفها ان قلت غزال0000000000000000 يخسى الغزال ان قلت حمامة 00000000000000000 تعقب الحمامة ان قلت قمر000000000000000000 ممكن المهم لابسه هاك اللبس الضيق والعباية اللي تحت الراس وفوق الكتوووووف والكعب تقوووووووووول تمشي على مسماااااااااااااار تفجاء الشايب منها وهووووووووووووووووو يسحب الجلنط (( خطيررررررررررررر ابو الشباب )) وهو يلقطاها براس الرفرف<<< حركة ما يسويها الا شايب فاهم سواقه يعني اني مو قاصد وهي تطيح بالشارع با قلب الصفحة ممكن وين وصلنا000000000000000 تذكرت وهي تصيح وتتالم وتسب وتلعن وتهاوش ليه ماتشوف يامال الحمى (((((( حركااااااااااااااات بنوووووووووتات ))) اقولكم سر :الشايب مو هين قاصد ويـبـي يتعرف هذي كل القصة وهو يطمرررررررررررررر من الموتررررر هاك الطمرة تذكرني بطمرتي على بيتنا اذا سكّر الباب تالي الليل وانا قاعد داج برا مع شلتي شلة المنتدى ((وهم 000000000 والا بلاش اخاف انسى احد منهم بس هم عارفين انفسهم لانهم حبايبي )) ويقولها :سلامات 000000000 سلامات (( بصووووت حنووووون وخايف )) وهو يتطمئن عليها وهو يقول هذي القصيدة في الشارع قدام خلق الله خذوو بريك واستمتعووا معنا بقراءتها والابحار في معانيها الجمة
[يا بنت و الله ما صدمتك عنـايه = والله ورب كون الكون يا بنت عود ما ميز وزلقـتـبي حذايـه = بس اسمحيلي كان انا معك خشنت مالي بذا الصدمة مقاصد وغاية = شايب ولاحب الخطاوي ماكنت شايب و مثل ابوبك شوفي عصايه = شوفي عصاي اللي عليها تمرنت اما اعذريني وامسحيلي خطايه= وقولي عن احقوقي تنازلت واعلنت والا اقلعيني يم دار الرعاية =وردي خبر اني اقبلت واعلنت ((الابيات لا اعرف صاحبها حفظا للحقوق )) وهي تعجب باسلوبه مو اسلوب شباب اليوم على طول صدمة 00و 00قصيدة وتقوله ودني المستشفى شكلي انكسر فيني شي قالها سلامتك ان شاء الله في ولا فيك بدا يغازل وهو يسندها على ذراعه وهو يركبها معه في الغمارة قالت : بس اللي انكسر هو خاطري عليك وهو ياخذ بها لفة في الفيصلية ويدخلوووووون هاك الكووووووفي شوب ويتعرفون على بعض ويعطيها بيجره وتعطيه جوووووووالها ويوديها لبيتها الشايب مو هين حبها سقط 000000000 وسط معاليق قلبه ثاني يوم وهو مصفط عند البيت طاطاطاطاطاطاطاطاطاطاطاطاطاا ويطق الباب وبفتح الباب اخوووووووها الصغير ويقوله وين ابوك (( اسلوب شايب ماعدنه وقت )) قاله داخل رد الشايب : رح قله عندنا ضيف قاله الولد : تفضل دخل الشايب بالمجلس وجاء ابوهااااااااااااا ورحب فيه و يوم جاب اخووووووها القهووووووة وصبو له فنجان رفض شايبنا شرب القهوة الا بتحقيق رغبتة (( شايب مهوووووووووي )) << مسلسل بدوي قال ابوها : طلبك جاااك بس تقهووو (( تخبرون عيب رد طلب الضيووووف مهما كان الطلب )) 000000 عادات وتقاليد قال انا رجال جاي اخطب منك بنتكم المصون والجوهرررررررر المكنوووووووون صاحبة العفة والخفة (( في العقل ههههههههههه )) واللطافة والقيافة (( صرنا عسكر وش جاب القيافة )) قال ابوهاجتك 00000000000 ابوها يبي الفكة منهااااااااا واتفقوووووووا على موعد العررررس وليلة الدخلة والناس بالقصرررر والحريم هات يا رقص وهزززززززززز حدث مالم يكن بحسبان شايبنااااا اعلانات تجارية : موسيقى سلووووو ول لافاش كيري والمراعي وبقرة ابو صويلح المبتسمة عدنا قام الشايب يصلي الفجر وقد فاته الركعة الاولى المهم رجع بعد الصلاة يبي ينام وهو يفكر كيف يكمل حلمه سامحووووني تبو ن تعرفون وش صار هين يا الضبان ملاحظة : اذا عندكم شايب لا تخلونه ينام لحاله خاصة اذا كان ياعيني وحداني ويحززن مثل صاحبنا بعد قليل الجزء الثاني |
|
|
|
16-06-2010, 23:10
|
#2 |
|
.
|
رد : حادث هز الرياض شايب صدم بنت [ مشاركة في المسابقة ]
الجزء الثاني اليكم كمالة السالفة انتم تعرفون نهاية السالفة الاولى دقوا ريوس فوق عود الشايب من الصلاة00 وحاول ينام لكن ماقدر كبرت فكرة العرس في راسه ((عررررررري = صراحة صعبة الترجمة لكلمة عري بس معروفة 00مشوووها )) وخاصة انه بعد وفاة ام عييله من خمس طعش سنة ما كلم (( مرة = حرمة = انثى )) لانه كان عايش على ذكراها (( نعنبو الحب شو بيذل )) سوى فطووره وافطر واللي علية بالخير وقعد يفكر في حلمه الجميل 00 اللي اشعل نار كانت مطفيه (( صدق عمررره 00000ا بو الشباب )) وقعد يرسم ويخطط كيف يتزوج وهو في العمر هذا فجاءة قام من مجلسه وقال اروح العقارية 0000000 لا البطحاء احسن00لالالالالالالالالا العثيم0000لالالالا شارع انكاس 00000لالالالالالالا سوق مكة اطيب 000 لالالالالا اسواق حجاب بالنسيم 000دخل دوامة عارفين ليه لانه كان ناوي نية قشرا كن ناوي يطبق الحلم 000 بكل تفاصيله المملة والدقيقة تصدقوووون طلع ارهابي على امل يكوووون حقيقة 000 راح وحمل الشبح (( دستنه الي انتم خابرينه )) كم راس من الغنم 000 كان الوقت ضحوية هوساكن بالدخل 000 قال الاقربون اولى بالشفاعة طبعا يقصد اسواق مكة000000000 راح يقز الشوارع اللي حول السوق قز على امل تقطع الشارع وحدة لكن مخططه الارهابي فشل لان السوق كان مصكوك 0000 وهو يجر هاك الوووونه 000 ذكرتني بونة مووووتري يوم خبط هاك السنة قال :خير ان الله مع الصابرين 000000 وهو يتل موتره وخرفانه وراه وعلى العقارية ونفس الشيء 00ماعندك احد قريب بالظهر وهو بالبطحاء كل الجنسيات هناك 0000 بداء ينقي تعيسة الحظ اللي يبي يصفط بهاا على الاسفلت 0 ويظهر ذاك الغزال الملفوف اللي بدء يتمخطر يبي يقطع الشارع 00000 وهو يلقم الموتر الاو ل 00 ويلحقه الثاني 00 ويوم قرب منها وهو يسحب نفس الجلنط اللي بالحلم 00 وهو يلف الطارة يمين00 (0حشى رامبوووو )) وهو يلقطها براس الرفرف الايسر الا هي فوق الكبوت 0000 والناس توقف0 0 0 تتفرج على الحادث 00المرعب 00 البنت ولا حركة ولا نفس 00 ولا شي00 ((خربت الخطة 00 الحلم يقول لازم البنت تهوش وتلعن وتسب )) قضبوه الفزيعة واهل الخير :وراك ماتشوف عود مهستر ما لك والي 00 وتجي الحكومة 00 والبنت فوق الموتر00 شايبنا ورط 000 وش السواه 00ياربي00 قام واخذ الكنوود وطلب الغوث من ابن عمه (( ابن عمه انسان مسئووول كبير في الدخل 000 )) وحطوة بسيارة الشرطة وجت الاسعاف وشالت البنية وعلى الشميسي 00 وصل اب عم الشايب للشرطة وكفل الشايب 000 وهو مايدري وش نوايا صاحبنا000 وطيران على الشميسي ومن حسن حظه فاقت البنت وطلعت سالمة 0000 وصادف انه لقى ابوها وتعذر منه وابداء اسفه وان مو قصده ( نعنبوو النصب حق الشياب ) وقعد مع ابو البنت في الاستراحة 0000 وبداء يكلمه عن نفسه وعن حاله وعن ارصدته في ا لبنوك وعن عقاراته وانه مقطوع من شقرررة (( قلب صعيدي )) تبون الصراحة ابي اشرب 0000000 نشف ريقي وانا قاعد انصب عليكم 00 لكن تحملوني وين وصلنا0000 خلاص ذكرت ابو البنت ماصدق خبرر شايب وبطران رد ابو البنت علية وقال انت بغيت تضيع علي البنت وانا ما اتنازل عنك الا بشرط انك تصلح غلطتك الفادحة 0000 و تعالجها في مستشفى خاص0000 شايبنا 0000موهين عرف ان الرجال طمع فيه قال له الا و ش رايك اتقوزها يا انكل احسن وافكك من غثاء علاجها واكلها وشربها ولبسها واحطها جوى نن عيني من جوى (( فلم مصري )) تفجاء الاب من الطلب 000000000000 |
|
|
|
|
16-06-2010, 23:11
|
#3 |
|
.
|
رد : حادث هز الرياض شايب صدم بنت [ مشاركة في المسابقة ]
الجزء الثالث تااااااااااابعو مرحبا00000 اللي اشتراكه على غلاق يفصل 00 عشان لا يدعيّ علي ّ << الناس دي اس ال لا تشيل هم طلعت قديم تدرون ياحبايبي ياشطار وين وصلنا 000000 (( اللي مايدري يرقى فوق )) والان موسيقى تصويرية + اسماء الشخصيات : شايبنا (( ابو عبيد اول مرة نعرف اسمه +ابو العروس ابو كشة + العروس مرام من الاسم اعرفووووو فصيلتها+اخو العروس لؤي + ولد عم العروس هاني (( مال00000 لامه داعي بالسالفة 00 كلمني قال بيتفرج قلت له تم )) + ولد عم الشايب الحج مرزوق + الراوي صاحب الوجه الصبووووووووحي و الابتسامة المخملية والصوت الرائع البلبل سند (( دخلنا في الغرور 00 بقووووة )) المخرج توفى قبل استلام النص 0 ما علينا منه احنا بتوع كله لا يكووووووووون نمتوا 0000000 تخبرون النهاية : تفجاء ابو البنت بطلب الشايب ابو عبيد وعرف ان ابو عبيد مو هين وقال ابو البنت: انت فاجئتني يا ابو عبيد بطلبك اللي ماهو في محله 0 البنت مصابة ابو عبيد : انا طلبت بنتك على سنة الله ورسوله مو اخذ بهاااااا لفة في الفيصلية والا في عتيقة اما رجال قل تم 0 والا مالك عندي شيء غير التعويض عن صوابها (( ياخطيرررررررررر )) ابو البنت : وتهدد بعد 000 نعنبو ها الوجه اللي تقول وجه كامري واطيته تريلات اسميت اقولك ما هو وقته وتهددني بعد(( بدء يلمح ابو البنت انه مووووووووافق 00 وهو يكلم ابو عبيد )) برد وجه ابو عبيد 000 تقوووووولون مطلع من فريزر 00000000 وبدء يتاسف ويقبل الايادي وانه مايقصد 0000000 وبعد كل ذا وذاك رضى ابو البنت على طلب ابو عبيد بعد تدخل قوووووووووي وعنيف من الحاج مرزوق بتقولون منهو الحاج مرزوق اقولكم منهو بريك اعلاني قصير 00000 ابي اخذلي نفس00 00 هذا ولد عم ابو عبيد وشخصية مهمه في حي الدخل اليكم سيرته الذاتية 1- فراش في مدرسة بنات ثانوية صباحا ويحب يطل عليهن وهن في الفسحة على قولته قــــلبه خضر0 2- وفراش مدرسة محو امية للامهات مساء 0 تخبرون يمكن تكون هناك فرص شاغرة 00 للتعارف 0 3- عضو في جمعية كيف تصيد الضبان من غير ما تشبك اللي في الشكمان 4- عضو في جمعية كيف تهّرب العمال من غير ما تحس الجوازات 5- عضو في جمعية كيف تخطف زبونك من سواقين اللوموزين وانت صاحب سيارة خصوصيي 6- عضو فعال في جمعية كيف تنشر اشاعة وتنام مرتاح البال 7- عضو متميز في نادي النصر 8- عضو فلته في نادي الهلال 9- يحضر الان رسالة الدكتوراه في موضوع خطير للغاية ويعتبر الاول من نوعه تحت عنوان (( كيف تطعس 0000000 بدون ما تعطس )) هذا خلاف مشاركاته في كافة المحافل 000 ومن هواياته الوقوف عند اشارات المرور وقفة المعتز بنفسه وماد يده الي الامام طالبا الاحسان من المحسنين يووووووووه نسينا ابو عبييد 000000 والله اللي غدت السالفة خبيصه ايه الحمد لله 00000 وافق ابو البنت بعد تدخل العضو الفعال والداعم (( وينكم يا الاتحاادية صجيتونا عضو فاعل و عضو داعم وكلهم نصابين )) اقصد الحاج مرزوق وقرر ابو مرزوق انه يتبرع بالحفل من جيبه الخاص مساهمة منه لابو عبيد واستاجر ذيك ااستراحة وجاب الذبايح ووزع كروت الحفل 00000 وعزم 000 ابو نايف مخاوي الليل 0 0 والطقاقة احلام 00 والرقاصة فيفي عبده ورفيقتها ام الخلاقين اللبنانية مدونا (( والله اللي كملت 000خخخخخخخخخخخخخخخخخخخخخ )) وشايبنا مو مصدق خابر ان الحاج مرزوق بخيل 00 الريال اللي يطب مخباته ماعاد يشوف النور 000000 سبحان مغير الاحوال0 هنا فيه سر : مرزوق طمعان في ابو عبيد (( لا تقولون لاحد000000000خخخخ )) وتم العرس00 ويوم بدت النصة وجلس ابو عبيد جنب عروسه 00 وتذكر وش يسوي اشر له اخو العروس لؤي ارفع (( يقصد الغطاء عن وجه اخته00 اه منك يالؤي 00خربت الشايب )) ما صدق خبر 00000 وهو يشيل العروس شيل (( الاخ00000 فاهم غلط يحسب اخوها يقل شيلها )) وهات صيااح من الحريم كيف يشيل العروس قبل الزفة 0 وبداية الحفل الساهر ويدخل ابو نايف ويهدي من روعة الشايب ويصبله هاك الفنجال 00 اللي ريحته تطرح الطير من السماء 00 (( ان بعض الظن اثم 00 قهوووووووة مو شيء ثانية 000 نياتكم شينه )) وا ستئذن من ابو عبيد وبداء يغني 00 تقوى الهجر 00 تذكار00 يتيمة 00 بو صالح سرى ليلة بس غناها بو عبيد سررررررررررررررى ليلة 00 واستئذن وبارك لابو عبيد وتنازل عن كروته ((اجرته)) لابو عبيد 00 الترجمة الللي بين الاقواس اخاف يكون هناك بنقالي يقرا معنا وجاء دو ر الفنانة مادوناااااااا ومن يوم شافهاااا وهي تلووووووع كبده وهو يحذفها بالعصاة اللي انتم خابرينها و يطردها من الحفل وتطب عليهم السعلووووووووووة الست فيفي عبده 00 ودقي يامزيكا وهز ياوز انبسط شايبنا 000 وهو يرتفع 00 وهو يجدع الشماغ وهو ينسى عمررررررررررررره وهي تغني حزمني يا قدع وهو يربط الشماغ حول وسطها 0000000 ولا دراء الا هاك الكعب جاي منطلق يمه وهو يروغ عنه الا هو في راس الحاج مرزوق 0000 وهو يتذكر العروس ويوم ناظر الا الكعب كعب العروس 00 عود للكرسي وهو يدعي على مخاوي الليل وقهووووته خخخخخخخخخخخخخخخخخخخخخخخخ وتدخل احلام وتهني العروس وتبوسها وتهني العريسسسس وهو مير يجرها ويطبع هاك البوسة على جبهتها00 امحق جبهه ((( شــــــــــايب مؤدب احلام مثل بنته 00 بوسة ابويه )) وبدت تغني 00 تناظر الساعة00 لاتصدقونه 00 ياليل ياجامع 00احلى الليالي تراها وفجاءة ويصيح الشايب : بس 000000000000000000؟؟؟ ليه صاح الشايب هنا السؤال الكبير00000000؟ |
|
|
|
|
16-06-2010, 23:12
|
#4 |
|
.
|
رد : حادث هز الرياض شايب صدم بنت [ مشاركة في المسابقة ]
الجزاء الرابع انا اقول لكم 000 تحركت مشاعر ابو عبيد بسبت اغاني ابو نايف واحلام وعرف انه مقصودة (((00 تناظر الساعة00 لاتصدقونه 00 ياليل ياجامع 00احلى الليالي تراها00تقوى الهجر 00 تذكار00 يتيمة 00 بو صالح سرى ليلة))) وعرف انه لازم ياخذ عروسته ويسري 0000 لعش الزوجية وهو يقوم ويسحب عروسه معه 000 وعلى طلعته من باب القاعة 000 الا مرزوق قدامة 000 معه ورقة ويقول له 0: وقع عليها 00 من عجلته وقع وحط الختم وعلى اقرب فندق 00 ودخلوا الفندق 000 (( شيراتون )) بس اللي في البطحاء واستقبال عاصف من الجماهير الغفيرة لابو عبيد وقام وشكرهم وقام بعقد مؤتمر صحفي حضرته انا كمندوب عن المنتدى فالقاء كلمة طويلة 0000 وختمها بعبارة ما حد بالمررررة فهمها مـنا يالحاضرين ((((قال : دعوووووونا نعمل في صمت )))00000 والله قهر كلامه كله الغاز ومن شدت قهري انتظرت 000 عند باب غرفته حتى الصباح (( الاخ حاطني 00بودي قارد )) ويوم فتح الباب لقاني في حالة مرة تحزن 000 زعل بالحيل وحلف ادخل الغرفة 000 وانا اقول No NO NO NO 000 عيب يا ابو عبيد العروس داخل وصعبة (( تبون الصراحة كان ودي ادخل 000000 )) المهم بالقوة عذرني وقلت له عند سؤال وسؤوالي هذا سبب وجودي عند باب غرفتك قال اسال علىكيفك قلت له : من غيراحراج قال : تيك اوي (( خذ راحتك 000 الاخ مثقف خريج جامعة النعيرية )) قلت له : انت البارح في المؤتمر الصحفي ختمت بعبارة مافهمناها وهي قولتك (( دعونا نعمل في صمت )) سكت00000000000 شوي و وقال : اناصادق كثر الهرووو ج مالها ثمرها 00 وانا احب ا قول لك سر ليس للنشر في منتداكم عشان انا زعلان منهم كلهم حتى ولا كلمة مبروك ما علينا انا اقصد عندي ابي عندي كم راس من الغنم ودي ابيعها تخبر صرت راعي بيت 00هذا ك قصدي 00000لا يكوون احد فهم غلط0 شووي الا مرزوق داخل علينا 000000 ومعه عسكريين واحد رقيب وواحد بشريط 00يقولون انه عقيد وقال هذا وهو 000يشر على ابو عبيد تسمحون لي اروح البقالة 000000 تخبرون الواحد يحتاج مقويات مافي مشكل وهو يصلب ابو عبيد مكانه وهو يقول عسى خير رد علية الرقيب : وقال انت ابوعبيد انت المجرم الخطير اللي ضحكت على هاالمسيكين وهو ييشر على (( مرزوق )) قال ابو عبيد : عسى ماشر يا مرزوق رد مرزوق : قال ابي فلوسي ياقدعاااااااااان <<<<< بدو ي متربي بالصعيد ابو عبيد : أي فلوووووس مالك شيء عندي ويطلع مرزوق ورقة عليها توقيع وختم ابو عبيد ومكتوب فيها انا الموقع ادناه باني متسلف من الحاج مرزوق مبلغ مليون ريال بتاريخ 45/45/14257 وفيي حالة عدم سدادي له في تاريخ 46/45/14257 من حقه الحجز على كل ممتلاكاتي المنقولة وغير المنقولة )) اخس يالمليونير ولا درينا الا ابو عبيد مطلع المسدس 00 وينتحر00 علشان يرتاح مني ومن نصباتي علية الله يرحم ابو عبيد |
|
|
|
|
16-06-2010, 23:13
|
#5 |
|
.
|
رد : حادث هز الرياض شايب صدم بنت [ مشاركة في المسابقة ]
الجزء الخامس ترى ابو عبيد زعلان بالحيل منكم كلكم000 الرجال صوب عمره صباحية عرسه وراح فيه لولا الله ستر عليه 000 ولا منكم الي زاره وتطمئن علية0000 لا يكون السبب 000 000000 ابوك يالنذالة الرجال لحقوا عليه هو بالعناية المركزة المهم دخلت غرفة العناية المتمركزة 000 وهو يحذفني بعصاته 00 وانا اقوله تعوذ من اخوك 000 ياابو عبيد وراك معصب وزعلان هو يعدل جلسته 000 واطلبه عصير كوكتيل و واحد بيتزا (( عمر امه ما اكلتها )) 00 واقعد قبالته 00 واولع له غليونه في احد مايعرف الغليون ماعلينا اقول انا ودي اتفلسف عليكم شوي : الغليون : في الاصل كان عظم جاف يوضع فيه الدخان الاخضر (( للمدمنين فقط )) ومع الزمن قلت العظام وفكر ابو عبيد وعلى من شاكلته من المعجعجين في تطوير اسلوب العظم فصنعووووو ا الغليون 000 مافهمتووووووووو شيء 000000 اصرف (( يعني اني فاهم 0000خخخخخخخخخخخخخخخخخخ )) و يوم حشا الغليون بالكيف وهو يطلب كبريت وهو يشب في غليونه وهو يصك هاك البيت ويقول شرابت الدخان عندهم سعة بال000 واللي طويل شاربه يقصرونه بصراحة خفت يهدد 000000 وانا شاربي توني مربية ومودية للحلاق ومزينة ومخلية على سنقة عشرة 000 اعلان ((وش معنى سنقة عشرة 00 ان كان فيكم صعيدي يعلمنا )) قلت له : ابو عبيد سلامات و ان شاء الله طيب ابو عبيد : الله مير يسلمك ياولدي سند : وراك بغيت تذبح عمرك يوم صباحيتك وهو يجر له نفس وش كبره من غليونه ويكتمه بصدره (( حشاش قديم )) ويلحقاها بذيك الونه ويرد علي : مقهوووووووووووور يا سند قلت له : الله يقهر اللي يقهرك قال : تخبر الحج مرزوق رفيقي وامون عليه قلت : نعم قال : غبني ليلة العرس 000 الله لا يعيده من عرس خلاني اوقع على ورقة ومن ثقتي فيه ماقريت وش فيها تخبرون ملقوووووووووووف وانا اقاطعه قلت : الا صحيح وش فيها بو عبييد من جد وش فيها الله يخليك وش فيها قال : والله المشفوح ابي اعلمك 0000 بس انطم وعلى شحم (( يحترمني 00000000 امحق احترام )) قمت وتربعت وتكتفت واحط يدي على فمي (( ولد مؤدب 000 وين الادب ذا من زمن )) قال ابوعبيد : انت خابرررر ان مرزوق تكفل بالحفل كامل من قصر للعشاءء للفنانين 000 حتى انه تكفل بتوصيل الشغالات اللي بالقصر وهو ياخذله نفس بس اقل من اللي قبل وهو يكمل كلامه: وانا رجال ربي معطيني خير وحساباتي كلها بالخارج 00 والتعليم سادسة ابتدائي من ((0000)) 00000 لا تعليق والورقة كاتب فيها انه يطلبني 000 (( خمسة ملايين ريال 000 واجبه السداد قبل العرس بليلة )) حسيت انه يطبخ من القهر000000 قلت له ممكن تاخذ شفطة وتعطيني شفووووووووووـــــــــطة من غليونك000 وهو يعبي الغليون مرة ثانية وهو يولع فيه وهو يقول لي بعد ما مد الغليون : مساء الخيررررررررررر مساء التماسي يا ورد قاعد علىى الكراسي بصراحة حمر وصفر وخضر وجهي < صرت اشارة مرورررررر كني حسيت انه يغازلني على باله اني منهم كخخخخخخخخخخخخخخخخخخخخخخخخ وانا اعظلكم الغليون و اسحب لي هاك النفس 000 من الشميسي شفت 000000 الفيصلية من قوة السحبة <<<ياحشاش يارايق وانا ادوخ 0000 وتجي الممرضة ماري وهي تسمي عليّ وتسدحني جنب ابو عبيد 00000 شوووووووووووي وانا اقوم والجو صافي 000 لا غبرة لا غيوم كل اللي قدامي ابيض في ابيض وتاخذني النخوة واقوله : ابشرررر بسعدك يا ياطنط ابو عبيد 000 انا ولدك 00 وابشر انا اللي ابي انقذك من هاللورطة قال : يارب انك تحفظه وتاقاه 00 وتخليه لعين امويته وابويه قلت : الرجال يبي ينصب عليك بخمسة ملايين 000 وانا باصير لك محامي 0 لازم تقدر اتعابي لو فكيتك من الورطة قال :تكفيك مية الف قلت :اللي يجي منك بركة (( بصراحة000 يحزن 000 غبي )) قال : ان فكيتني من الورطة هذي ابي اشغلك عندي مدير اعمالي السرية (((000 بصراحة يوم قال اعمالي السرية 000 خفت وجاني مغص)) قلت وانا اتنافض ومسوي شجاع : سرية 00 ولا اغير سرية انا عصاك اللي ما تعصاك قال : وش طلباتك قلت : تكتب لي توكيل بالدفاع عنك قال ابشر بالتوكيل والوظيفة 00 وهو يدخل يده بمخباته ويصفعني بشيك بعشرين الف << ا حلى صفعة في حيااااااااااتي وانا اودعه واطمر لسوق العمال اللي في البديعة تعرفونه اللي عند الاشارة اللي على طول حمراء كل ماجيت عندها000000 والقى خمسة صعايدة واثلاثة افغان وبنقالي قلت لهم عندي مشكلة وابي فزعتكم رد البنقالي : انا مافي روح مشكل والافغان انحاشوووووووو<< على بالهم من الجوازات الصعايدة قالو ا : انت عوز ايه بالزيط 00 دحنا بتوعك يابيه قلت لهم واحد ضحك على ابوي وخلاه يوقع على ورقة 00 بيع بيتنا وهذا مايرضي الله ولا خلقه 0000 واسوي اني ابكي000 وامسح دموعي والصعايدة تخبرون في مثل هذي المواقف ما يحتاج قالوا : ولايهمك يابيه ما تعيطش احنا بتوعك قلت : اتفقنا انا ابيكم لا رحنا للرجال تمسكونه حيل لين القى الورقة واخذها منه و اذا مالقيتها معه 00 تعذبونه حتى يعطينا الورقة قالوا: ابشر طال عمرك بس انت عارف الحال قلت :ابشرو بالخير00 انقل كفالتكم عليّ واعطي كل واحد الف ريال كويس ولا دريت الا الصعايدة يرقصووون ويغنون الليلة عيد الليلة على الدنيا سعيد تصدقون حسيت انه عيد ويقولون : ياللله بسرعة نجيب الورقة واركبهم معي في دستن ابو عبيد وعلى بيت مرزوق 00 واطق الباب ويفتح مرزوق الباب وهو يقول خير : قلت له نبيك في شغل دراهمه واجد 00 وهو يطمع ويدخلنا بالملحق ويوم دخلنا الملحق واحد من الصعايدة يصك الباب ويمسكونه هاك المسكه تذكرت اندر تايكر المصارع وهو ماسك هوقن وهو يصيح00 وش تبون قلت له : شو ف ان كنت تخاف على عمرك 00 طلع الورقة قال : أي ورقة 00 قلت : ورقة ابو عبيد ابووي كفين 00 بوكسين 00 شلوتين من الصعايدة و ينفضونه 00 ويطلعون كل اللي معه ونلقى الورقة000 ونكتفه 000 وين درب الباب وعلى ابو عبيد طيررررررررررررران واعطيه الورقة وتوني واصل من عنده 000 وهو يسلم عليكم ويقووول انتبهووووا ل سند وفوووووووووووووووووووووووووزوه ازين لكم اتنمى اكون موفق في زرع ابتسامة على شفاه الجميع |
|
|
|
|
17-06-2010, 10:19
|
#6 |
|
عضو متميز
|
رد : حادث هز الرياض شايب صدم بنت [ مشاركة في المسابقة ]
 إقتباس  تخيلووووووووو شايب صدم بنت   إقتباسموضوع كتبته من مدة شوي بعيدة وابي اشار فيه بالمسابقة ابي اخذ الجوائز كلها ^ ^ وفالك الفوز  إقتباسبا قلب الصفحة ممكن ^ ^ من جد حمااااس أقلب الصفحة بسرعه <<---تسمع بالأكشن إقتباساقولكم سر :الشايب مو هين قاصد ويـبـي يتعرف هذي كل القصة إقتباس^ ^ حتى الشياب  إقتباسوهو ياخذ بها لفة في الفيصلية ويدخلوووووون هاك الكووووووفي شوب إقتباسويتعرفون على بعض ويعطيها بيجره وتعطيه جوووووووالها ويوديها لبيتها الشايب مو هين حبها سقط 000000000 وسط معاليق قلبه ثاني يوم ^ ^ يقول لك أخطر شي على الرجل الحب إذا جا على كبر ياهو شين ! إقتباساعلانات تجارية : موسيقى سلووووو ول إقتباسلافاش كيري والمراعي وبقرة ابو صويلح المبتسمة ^ ^ من جد مسلسل . . إقتباسكن ناوي يطبق الحلم 000 بكل تفاصيله المملة والدقيقة إقتباستصدقوووون طلع ارهابي ^ ^ ماعنده وقت هالشايب ! إقتباسوالناس توقف0 0 0 تتفرج على الحادث 00المرعب 00 البنت ولا حركة ولا نفس 00 ولا شي00 ((خربت الخطة 00 الحلم يقول لازم البنت تهوش وتلعن وتسب )) إقتباس^ ^ والله ذاكرة الشايب ماعليها  . . إقتباسبريك اعلاني قصير 00000 ابي اخذلي نفس00 00 ^ ^ مدري ليه حسيت إنك ماسك خط سباق الضاحية وهات ياجري . . إقتباسهذا ولد عم ابو عبيد وشخصية مهمه في حي الدخل اليكم سيرته الذاتية إقتباس1- فراش في مدرسة بنات ثانوية صباحا ويحب يطل عليهن وهن في الفسحة على قولته قــــلبه خضر0 2- وفراش مدرسة محو امية للامهات مساء 0 تخبرون يمكن تكون هناك فرص شاغرة 00 للتعارف 0 3- عضو في جمعية كيف تصيد الضبان من غير ما تشبك اللي في الشكمان 4- عضو في جمعية كيف تهّرب العمال من غير ما تحس الجوازات 5- عضو في جمعية كيف تخطف زبونك من سواقين اللوموزين وانت صاحب سيارة خصوصيي 6- عضو فعال في جمعية كيف تنشر اشاعة وتنام مرتاح البال 7- عضو متميز في نادي النصر 8- عضو فلته في نادي الهلال 9- يحضر الان رسالة الدكتوراه في موضوع خطير للغاية ويعتبر الاول من نوعه تحت عنوان (( كيف تطعس 0000000 بدون ما تعطس )) ^ ^ وش هاشهادات المشرفة لو يسمعون عنه وكالة ناسا حطوه مشرف ولا مراقب عام إقتباسوتدخل احلام وتهني العروس وتبوسها وتهني العريسسسس وهو مير يجرها ويطبع هاك البوسة على جبهتها00 امحق جبهه إقتباس((( شــــــــــايب مؤدب احلام مثل بنته 00 بوسة ابويه )) ^ ^ هههههههههه عاد أحلام أعتقد هجدت مادونا وفوفا <<دلع فيفي إقتباسليه صاح الشايب هنا السؤال الكبير00000000؟ ^ ^ إيه صح ليش صاح شكله توهق . . إقتباس0000 وختمها بعبارة ما حد بالمررررة فهمها مـنا يالحاضرين ((((قال : دعوووووونا نعمل في صمت )))00000 والله قهر كلامه كله الغاز إقتباس^ ^ إقتباسيرتاح مني ومن نصباتي علية إقتباسالله يرحم ابو عبيد ^ ^ ههههههههههههه . . يالبى قلبه مات ماتهنى بالعرس . . إقتباسفي احد مايعرف الغليون ^ ^ يوووووووه الغليون نسمع به مانشوفه بس أعتقد إنه كان قبل إختراع السجائر إقتباس((وش معنى سنقة عشرة 00 ان كان فيكم صعيدي يعلمنا )) ^ يعني نمرة واحد بس وش هي السنقة للحين ماندري ! إقتباسوهو يصيح00 وش تبون قلت له : شو ف ان كنت تخاف على عمرك 00 طلع الورقة إقتباسقال : أي ورقة 00 قلت : ورقة ابو عبيد ابووي كفين 00 بوكسين 00 شلوتين من الصعايدة و ينفضونه 00 ويطلعون كل اللي معه ^ ^ احسن يستاهل النصاب الكذاب أجل بيآخذ من الضعيف خمسه ملايين <<--دخلت جو مع القوصة إقتباسوتوني واصل من عنده 000 وهو يسلم عليكم ويقووول إقتباسانتبهووووا ل سند وفوووووووووووووووووووووووووزوه ازين لكم ^ ^ عليك وعليه السلام بصراحه رجال أجودي أبو عبيد ذا تكفى سلم لنا عليه . . . يعطيك العافية أخ سند ..أضحكت سني على أبو عبيد بس لو إن القصة طالت شوي وجاب عيال وبنات وتزوجو وصار مسلسل تركي أحسن .. . . يعطيك العافية وفالك الفوز  اخر تعديل كان بواسطة » سمـا خير في يوم » 17-06-2010 عند الساعة » 10:27. |
|
|
|
|
18-06-2010, 09:05
|
#7 |
|
.
|
رد : حادث هز الرياض شايب صدم بنت [ مشاركة في المسابقة ]
سما المنتج قضت دراهمه والازمة الاقتصادية كل مالها تخنق الناس وابو عبيد اعتزل التمثيل يبي يعطي فرصة للشباب الوهوب سما شاكر لك التواجد والاقتباسات |
|
|
|
|
21-06-2010, 09:17
|
#8 |
|
.
|
رد : حادث هز الرياض شايب صدم بنت [ مشاركة في المسابقة ]
ادارة شعبيات اتمنى استبعاد موضوع من المسابقة فضلا لا امرا متنميا للجميع التوفيق والسداد |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
