[سعيدالعمودي]

البارحه ريما وجرحي والغياب=تعاهدو يرمون قلبي للجحيم
ذيك الفتاه المرهفه مثل السراب=خلتني اسرح مع ترانيمه واهيم
المترفه بنت المطراخت السحاب=يزفها للبال بشويش النسيم
احتاج له تمحي تفاصيل العذاب=وتصيرللسهران واحزانه نديم
يمكن شهر واكثروانا حلمي جواب=تجيبه النسمات فالليل العتيم
الله يسامحها على هذا الخراب=خلتني اجنح للزعل وانا حليم
غريب والشاعر نسيج الاغتراب=كل الجروح اعوان للهم القديم
ومابين موت الحب وامال العتاب=صورت له نار التجافي والهشيم
وكتبت شعري للمشاوير اقتراب=وشعري اليا من فز شيطانه رجيم
يفضح شعورضاق في دفة كتاب=ويساوي البسمات بالجرح الاليم
يفتح شبابيك الفرح والضيق باب=يكشف اماني مبهمه فيني تقيم
يشرح جمودالحب قبل الانسكاب=يبني من اللاخط خطٍ مستقيم
ياخذ من الغيمه مشاريع التراب=اصعب سهل ينحاز للطرح السليم
له في متاهات الزمن رحلة اياب=ويداعب اوجان الامل مثل السديم
كم ضاقت صدورالفرح بالاكتئاب=من قبل يمشي للمسافات النعيم
هي مرحله صعبه محاذيرومصاب=نشازغنا حسها الصوت الرخيم
والا انت ياصوتي عرفتك ماتهاب=لوكبرو صهيون زيف الاورشليم
وايقنت بان الفلسفه ماهي خطاب=وان الليال المقبله مجد الغشيم
وان التواصل مسآله غيرالغياب=وان الغلا يندان للجرح الاليم

[سعيد بن مقبل الأكلبي]

صح لسانك وطاب بيانك ياسعيد
بوح جميل واداء اجمل

[راشد بن منصور]

صح لسانك يا سعيد
قصيده رائعه

[عبدالكريم بن خزيم]

صح لسانك أخي سعيد نص جزل من جزل
بارك الله فيك

تقديري ,,,,,

[سعيدالعمودي]

إقتباس الرسالة الأصلية كتبت بواسطة سعيد بن مقبل الأكلبي صح لسانك وطاب بيانك ياسعيد بوح جميل واداء اجمل

شاعرنا القدير
يشرفني حضورك الغالي

[غارم العمري]

الـبـارحــه ريــمـــا وجــرحـــي والـغــيــاب
تـعــاهــدو يــرمـــون قـلــبــي لـلـجـحـيـم

سعيد العمودي

الله عليك ... مطلع رووووووووعه جدا....

يجبرنا على ان نعرف اسباب ... قصة هذا العهد و انتهاء قلبك بالجحيم وذلك بالانتهاء الى ااااخر بيت

تقبل اعجابي ... برسم انامل فكرك

تحياااتي

[سالم بن جلعان]

يا صباح الشعر يا سعيد
نص جميل جدا ً
رقه لا بعدها ...
واحساس ولا اعذب
هذا النص كالنسيم يا سعيد
سرني جدا ً مروري

تحياتي

اخيك


سالم

[علي الأسمري]

صح لسانك ياسعيد
تحياااااااااااتي و احترااااااااااااااااااامي

[فهد اليامي]

صح لسانك ياسعيد

قصيده جزله

تقبل تحياتي