[عالي الشان]

اول مشاركه لي واتمنى ان تنال رضاكم ..





( مسرح الدنيا )




جيت .. ومعي اشياء تحكي عن اشياء
في مسرح الدنيا غريبه .. مهوله

ما جيت ابي اعجاب واجواء واضواء
وما قصدي اكسب شهرة الشعر .. جوله

هذا انا .. و اقولها للملا لاء
فصل الدناءه غير فصل .. الرجوله

يا كم .. حوى دار المسنين آباء
ويا كم بكى بابه من اللي .. لفوا له

عادي .. تشوف الام تبكي من ابناء
وعادي تشوف التجربه في .. نحوله

وعادي .. تشوف اشباه تشكي من اعياء
وتشكي من اوجاع الليالي.. كهوله

شباب .. عيشتهم على كيف وإغراء
اشياء ما ارغب لساني .. يقوله

ويا كم .. بكت مرأة على طفل ما جاء
ويا كم حوى حضن الاشاره .. طفوله

ويا كم بنات لحالها جد تستاء
حطو لها كل القفول .. مغلوله

ويا كم تحطم حلم وآمال واهواء
بسباب إهمال وتجاهل .. وصوله

اشياء تفهمها من إدراك و إحياء
واشياء تبحث في حلوله .. حلوله

ودام الألف نتاج تنهيتته هاااء
هذا الزمان اللي تمنى .. أفوله

[فهد اليامي]

صح لسانك

اسمك عالي الشان وقصيدك شانه عالي

واحب ان ارحب فيك واقول المحل محلك والمكان مكانك

تقبل تحياتي واعجابي

[عالي الشان]

فهد ..

صح بدنك ..
لاعدمتك يالغلا ..

ودي ..

[محمد الدحيمي]

ياسلااااااااااام
على الترابط والتناسق والحبك والسبك رغم صعوبة القافية
كل ماهنا شعر

[بندر الصقر]

وش نقول ياعالي الشان غير ان الشق اكبر من الرقعة ..

صح لسانك , قصيدة مميزة وحرف مميز وفكر جميل .

[عالي الشان]

محمد .. شاكر لك إطرائك واهم شي انها عجبتك


بندر .. صح بدنك فعلاً اخوي الشق اكبر من الرقعه وكل ما لها الدنيا و ورا

لا خلا و لا عدم ..

[امجد الدبيسي]

شعر ولكن ليس كمثله شعر
شكرا على كاس الجزاله
ارويت الذائقه
محبتي

[عالي الشان]

امجد ..

شكراً لك ..

ومن ذوقك يالغلا ..

لا خلا ولا عدم ..

[عادل آل زارع]

هلا با يا عالي الشان ...

الدنيا تمشي قدام والناس ترجع وراء

لكن بأمثالك لا نزال متمسكين بالأمل نحو الأفضل

صح لسانك

[عالي الشان]

عادل :: اشكرك يالغلا على إطرائك ..
والدنيا وانا اخوك باقي فيها خير ..


لا خلا و لا عدم ..