24-09-2010, 17:16 | #1 |
شــاعر
|
:: الضيغمي الشجاع اللي تحدى الصعاب ::
بسم الله الرحمن الرحيم السلام عليكم ورحمة الله وبركاته يالله دخيلك من الماضي عساه الذهاب=نصبح مع الصاحب ونمسي نشوفه صويب بالماضي المدلهم اللي ملاه الخراب=الناس تخشى على أمواله إلى جا المغيب شبه الجزيرة يصدّر من ثراها العذاب=من قبل يأتي لها عبد العزيز العريب الضيغمي الشجاع اللي تحدى الصعاب=الفارس اللي حكمها والمهالك تريب ما مثل هدات أبو تركي سموح الجناب=وحد شريد الديار اللي أحاده تهيب أسس ودستورها سنة نبي وكتاب=دولة سقى خيرها حتى اللي عنها غريب ما وادع المملكة إلا عطاها الذياب= اللي برت جرحنا من موت أبوهم عطيب سعود وفيصل وخالد والفهد كالشهاب=اللي يدك النيازك واللزوم الصعيب والحاكم النادر اللي للمعادين ناب=عبد الله القايد اللي بالسياسة لبيب هذاك أبو متعب السمح المليك المهاب=هو خادم المسجدين اللي وطاها الحبيب وسلطان أبو خالد اللي ما لجوده حساب=إلا إذا حسبوا كم من لتر بالشعيب منه الكرم منتسب إن كانها بانتساب=من رام منه العطا ماله خفوق كريب والنايف النايب الثاني معد العذاب=للي عقوله تغذى من نتاج الغريب المرهبين الأعادي تابعين السراب=من لا يوافق هواهم يتبعونه طليب يا موطني ما يضيرك نابحات الكلاب=والنار ما تحرق إلا من وطى باللهيب يا موطني نعشقك ونحب حتى التراب=اللي سوافيه للعين العمى والشهيب نعشق جبالك بحارك والسماء والهضاب=كنك لنا أم أسقتنا لذيذ الحليب يالله يا واليٍ نشكي عليه المصاب=ترسل على دارنا من مجريات الشعيب ريحٍ على متنها شالت ثقيل السحاب=الشمس في جيته إتغاب قبل المغيب يالله ترحمني إبوقت الحشر والحساب=إليا تنكر لي اللي معتبره الصحيب إلهي تغفر ذنوبي يا شديد العقاب=من لاذ بك يا إله الكون يلقى المجيب مودتي .. اخر تعديل كان بواسطة » سالم بن جلعان في يوم » 26-09-2010 عند الساعة » 09:43. |
24-09-2010, 23:06 | #2 |
شــاعر
|
رد : :: الضيغمي الشجاع اللي تحدى الصعاب ::
ياسلام ياسلام اسامه شاعر رائع وقصيدة في وطن المحبة والسلام والشموخ جائت في وقتها فعلا لاعجمت يالقرم |
26-09-2010, 09:42 | #3 |
شــاعر
|
رد : :: الضيغمي الشجاع اللي تحدى الصعاب ::
صح لسانك يا أسامه نص جميل وقصيده تستحق الاشاده وبالنسبة للتعلق باخر القصيده فبإمكانك ارساله لأخي ابو بدر على الخاص وثق انه لن يبخل بشيء عليك او على غيرك ... موفق اخي العزيز تحياتي اخيك سالم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|