01-02-2011, 16:52
|
#1 |
|
شاعرة وكاتبة
|
رَائـِحـَةُ مـَطـَر ..!
/ بسم الله الرحمن الرحيم سلامٌ ورحمة وطيب صلوات في البدايات يمتنع الحديث فنؤثر الصمت ونقبع خلف الإيماءت آلاف من الحروف تنكز بضّ الروح لتتّصل وتتحدّث عنّا ورغم هذا يبقى الصمت حليف الأرواح إن عجزت عن إتمام ماهمّت بقوله ماجيت تاخـِذني من ايـدي ونمشي ننثـــــــــــر فـتات الهمّ بِسـْكــــــيك الاوجاع أبطيت وعـْيوني من الشوق تفشي سر ٍ لفظه الصّمت ومْنَ العنا شاع  / |
|
|
|
11-02-2011, 01:26
|
#2 |
|
شاعرة وكاتبة
|
المجداف والمينا
/ تـِبـَرّج صِـبْحِي ابـْــــــــــــرَسـْمِه ومـِن رمـْشي بـِديـت ارسِم على جفـْني ضـِيـا عـَتـْمِه وأجـْمـَع ناتـِجي واقــــــــــْسِـم وأقول إقـْسـِم وأنا أقـْسـِم ونَطرح باقي القِسمه مِن اسْنين ٍ رضَت تِـقسَم تعال آبيك جنبي نِـجتمع إنـْسين ونـِنسى حولنا هالناس نـِنساهُم تعال آبـيك قـلبي يرتجف ياشين قَسم بـِالله يَصرخ دوم (تِسواهُم) وتـِسواهـُم لأنك ماعرفت اتـْبِين سِوى مرّه وْبـَعـَد مرّه واظـِنّه غيرتي جارَت على خطّ القـِضا واهِم وأنا لـَلـْحين أردد حيل تـِسواهُم وإلى بعدين بـِربّ الـنّاس ومـَن بـِالكون سوّاهـُم وساوَاهـُم تـِجي نرسم لـِنا من غيمنا جِنْحان نـِحلـّق بالفضا بِجْنون يـِنـْسينا تـِجي تـَكتِب على جَفْني أنا ولهان وأكـْتِب يالمطـَر مازلْت تـَعنيـنا تجي أنساك أبي أنساك لو نسيان ولو أنساكِ تـَبـْقى ريحتِك فينا وأبقى لـَجْلك الميـعاد والمرسى على ضفّة خفوقي قاربك يَرسى واكون اشْراع والمِجداف والمينا ولو تقسى أكون الرّوح وأضمّد خافق ٍ مـَجروح تـَعال إسمع وَعـَد لو جَدّ يكفينا قـَبـِل لآروح تعال اليوم حلمي طال ِ بي واعييت وتبّت يدّ من خان العشير ابـْيوم تعال َ أقسِم قسَم بالله بِك عنـّيت على فرقاك زاد الهم كوم اهـْموم وكمّ اهـْموم و لـِه موّال وإذا كـَل ّ الوعد يرضيني المقسوم وتبي تدري قبل لآقوم أنا طفـْلة حنـين و غالها التـّذكار تـِزمّ اشْـفاهها واشواقـَها لـَمّك خذاها الفـَقـْد بمـْهاد الألم له كار يِروّضها قبل مـَ تـْحِنّ وتـْشمّك تعال اليوم تعال وشف على ايـْديها بقايا اوكار طيور الحظ خانـَتها وجـَت يـَمّك تبيك تحلّ عقدة هيـْمَنـَه وافـكار وحال تـْضيق لامـِن عادها غمّك بدمعـَة خوف تشهق بسمَله وانكار تعال امسح على اوجانه طرف كمّك http://www.alsabahpress.com/articled...px?artid=46718 / |
|
|
|
|
11-02-2011, 01:36
|
#3 |
|
شاعرة وكاتبة
|
وطن ماشفت لي في هالمدى إنسان
[ وطن ماشفت لي في هالمدى إنسان ] وطَن ..ماشِفت لي في هالــــمـــــــدى إنسان تِــــــعــــــِــــــبـت انـــــظــر أدوّرني ولا اشــــــــــوفه وطن .. شــــاخـــــت عيوني أنتظر تِحنان أَرتّــــــــــب حلمي المـــنـــــســـــــيّ ِ بِـــــــحْــروفه عزيز ويرتـــِـــكب فـــــــيــــــني غــــــياب اوطان عمـيق وما عميـــــق إلا ظِــــــــــــمـــــــا جــوفه جِــــــفـاني ماتَـــــرك في حــــوزتي عُــــنـــوان ولا بَــــــيـــــــــــّن مَعَ الأحــلام بِـــــــــــــوصـوفه وطَن .. خاب الأمل والحــــظّ بعده خان وظَــــــــــلّت بَســمـــــــتي من راح مقــــصوفه نِسِـــــيت إني رُميت بْجــــــعـــبة النســـــــيان وغابت فرحِتي / حَظّي نِـــــــــفَـــــث أوفه وطَن .. وين المواني مابِــــقى شطـــآن بــَحـــَـــر مَـــــــــدّ النّــظَر والروح مكـــــــــلوفه وريح ٍ تِــــعتـــــــــلج بالــــحـــــــيل كن بَه جان يِـــديـــــــــــْــن مْـــــــــكــــبــــّله بالخــوف مكــتوفه وطَن.. أدري تِخــــــــــــــــونِه هالــــليالي آن وآن ٍ يا لـــلــــــــــيـــــالي خانَـــــت اظْـــــــــروفه وطن..يِقتاتني شوقي واصيح انسان تـــــــــــــــرا شوقي وطَــن مع آه مـــــكشوفه أراه يْغـــــــيـــــــــب لامِنّــــي بغــــــــيــــــتِ ايْبان وبَحْــلامي يِتـــــــــوه وصِــــــرت ماشـــــــوفه إذا ماعاد عَـــــــطــــــــْهِ اكتابيَ اللي كان وخَــــــــلـــــــّه يخـــتِــــــم الاشواق بكْــــــفــــــوفه / |
|
|
|
|
11-02-2011, 01:38
|
#4 |
|
شاعرة وكاتبة
|
قرّبوا حبل التبنّي
/ قرّبوا حَبْلَ التّمنّي يارفاق العمر منّي .. لأمنّي النفس شوقاً وأُمنّي ..! أرسلُ الحلمَ نشيداً أتباكى وأغنّي فإليّ قرّبوه واجدلوه أو صِلوه فلعلّي بالمنى أبلغ ظنّي قرّبوا حَبلَ التّمنّي يارفاق العُمر منّي أغسل الروح وأحثوها حنيني وأنيني وعليها أبسط الآه تجنّي قرّبوهُ واقربوا منّي تعالوا يارفاق العمر أعياني طريقي حيث أنّي.. بالمنى لازلت غَرّة وبروحي عَفّةٌ تصرخ حُرّة ومعي في الوجد نفسي غيرُ أنّي لا قريبٌ ،لا رفاق يارفاق قرّبوا حبل التمنّي لأمنّي وأغنّي لأعيد الذكريات والطفولة وحنينٌ في المحاني منزوٍ طال أفوله يارفاق ، يارفاق قرّبوهُ واقربوا منّي تعالوا ففؤادي يشتكي : ربّي أعنّي / |
|
|
|
|
11-02-2011, 01:44
|
#5 |
|
شاعرة وكاتبة
|
قصيدة اجتماعية ساخرة (قال المثل )
/ قال المثل إنّ الوجع بالضرس قلت الوجع بالحال وبجيله قال الزمن غيّر معان ٍ خرس قلت الزمن ماله بنا حيله شفت الابو ضايع يبي له كورس بالتربيه ، لاهي وْ رجاجيله والام بين السوق ولا العرس ولاّ ترتّب في معاميله البنت صارت لاحكوا بالعرس تضحك وترفع بالرضا شيله واطفالنا ماحسّبوا للدرس واهمومهم مشوار هالليله والعلم ضايع ماحواه الطرس والجهل غنتنا مواويله والغرب تنخاهم عيون الفرس وحنا نغني وللهوا ميله وضرس العدا من حولنا له ضرس والود ودّه لو نعدّي له يارب قوّم طايحات الغرس والشر يالله يالولي تزيله / |
|
|
|
|
11-02-2011, 01:46
|
#6 |
|
شاعرة وكاتبة
|
خلّ التفاخر
/ ياناشدي من أيّ بيت من قصر أخلاقي أنا أخلاقي ساسي من بديت و شيّدت باحساسي البنا أرسلت شعري بلحن ليت دام الأماني ممكنه واهلي عتيبه لو بغيت إبصيتهم نلت المنى لكن اصولي ومن ربيت عيب التفاخر عندنا وهَدْيَ النّبِي وْممّا قريت قد قال عنها " منتنه " ومانيب لامنّي حكيت أقول : أبي كان هنا والخلق صيتك إن نويت تبقى وذكرك دندنه خطو الولد للخِلق صيت وخطو الولد هجر الخنا خلّ التفاخر لاسميت دام الاسامي للفنا  / |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
