09-02-2011, 02:58
|
#1 |
|
شــاعر
|
قلبي يحب البل ولانيب مزّاح (قصه وقصيده)
قالها جدي لإمي الشاعر/مشبب بن مسامح الأكلبي الله يرحمه ايام وزعوا خطط المزارع في قريتنا في بيشه وكان ابوي عسكري في تبوك وجدي هو اللي مربي ابوي بعد ماتوفى جدي سعيد رحمة الله عليهم اجمعين المهم ارسل له الشايب يقول تعال نجث النخل ونعَمر البلاد رد عليه ابوي وقال له ان كان تبيني اجيك فبع البل وكان يدري ان مطلبه مستحيل ولكنه كان يحاول استثارة راعي البل المهم وصلت الرساله للشايب وقال هذي القصيده. يا راكبٍ من عندنا فوق ضبّاح= يجفل الا ما اومت عليه الجنايب جنايبه مثل الغرابين طفّاح= حرٍ هميمٍ من خيار الركايب منصاك منهو للمواحيل ذبّاح= ويفرح ليا ماشاف عوص النجايب مايذبح الا من المواحيل قرّاح= ويقلط عليها لو ثمنها غلايب غمرٍ ثمان سنين من ديرته راح= ومن راح صوب الشام بيتم غايب مذوقهم بيضٍ معا حب تفاح= ويسهّله بالببس عذب الشرايب يكتب بخط الحبر في زين الالواح= واللي تعلم فالقلم حِط نايب فيابو سعيد السد منه العزا باح= واللي مهيضني علومك عجايب والعين مني دمعها فالغبا فاح= ولاجيت بارقد شب فيها شبايب تقول بع البل ومن الهم ترتاح= وخلك تحضرا جوف ربعٍ قرايب فمن بيّع ابله وانثنى فالبلد طاح= هذاك جايه من وليّه عقايب خله ليا منه انتحى البرق هم لاح= نبرا لطرعات البكار الحلايب عربٍ الا ما وكدت زول ميّاح= منها حنايا الحوض راحت حطايب لاشفتها في مرتعٍ فيه طفّاح= يزداد حالي ياعطيب الضرايب فالبل هواها فالمناعير مصلاح= يرعا بها الاقفار ماهوب هايب ترى الهوى سوقة معاشير ولقاح= في عثعثٍ ماجاه كون الهبايب قلبي يحب البل ولانيب مزّاح= جرد الرقاب مذورات الربايب احب قمراً تحتها الديد ميضاح= وصفراً تشوق العين فيها جنايب كنها هنوفٍ تلعب الغي بشفاح= تهَبّد الغران والرجل غايب لانيب لاشاوي ولانيب فلاّح= ورزقي على ربٍ ينشي السحايب |
|
|
|
09-02-2011, 03:06
|
#2 |
|
متنبي الشعر الشعبي
|
رد : قلبي يحب البل ولانيب مزّاح (قصه وقصيده)
يالله يالله يالله رحمة الله عليه وعلى اموات المسلمين اجمعين اقسم بالله أحزنني الى ابعد حد وادهشني الى مالانهاية فسبحان من اعطاه هذه الشاعرية والقدرة العجيبة على الوصف قصيدة ستبقى للتاريخ ياصديقي وياليت لو تجيب لنا قصائد الشيخ مشبب بن مسامح كلها ياسعيد وبالذات اننا نسمع بطرافته في بعض قصائده وهو بلا شك ورث ورثته عنه  |
|
|
|
|
10-02-2011, 00:00
|
#3 |
|
شاعر
|
رد : قلبي يحب البل ولانيب مزّاح (قصه وقصيده)
فمن بيّع ابله وانثنى فالبلد طـاح هذاك جايه مـن وليّـه عقايـب عز الله انه صدق الله يرحمه ويسكنه فسيح جناته مع خير خلقه رسول الله صلى الله عليه وسلم الحين ما نستغرب جزالت شعرك متوارثينه امتعتني بالسالفه والقصيده الله لا يهينك |
|
|
|
|
10-02-2011, 03:24
|
#4 |
|
مشرف الرحلات البرية والسياحة
|
رد : قلبي يحب البل ولانيب مزّاح (قصه وقصيده)
الله يرحمها جميع يارب ويجمعنا بهم وبكم بدار كرامته غـمــرٍ ثـمــان سـنـيـن مـــن ديــرتــه راح ومن راح صـوب الشـام بيتـم غايـب مــذوقــهــم بـــيـــضٍ مـــعـــا حــــــب تـــفـــاح ويـسـهّـلــه بـالـبـبــس عــــــذب الــشــرايــب الله واكبر هاك الوقت هذا قمة التحضر فـالـبــل هــواهــا فالمـنـاعـيـر مــصــلاح يـرعــا بـهــا الاقــفــار مــاهــوب هــايــب تــرى الـهـوى سـوقـة معـاشـيـر ولـقــاح فــــي عـثـعــثٍ مــاجــاه كــــون الـهـبـايـب ياسلااام عز الله انه هواء لانـــيــــب لاشــــــــاوي ولانــــيــــب فــــــــلاّح ورزقــي عـلـى ربٍ ينـشـي السـحـايـب سبحانه عافاك الله يابو مقبل وعز الله انها ابيات وافيه وجزله واضم صوتي مع صوت ابو بدر ولا تبطي علينا يابو مقبل بعلومك وطرايفك |
|
|
|
|
27-02-2011, 00:39
|
#5 |
|
شــاعر
|
رد : قلبي يحب البل ولانيب مزّاح (قصه وقصيده)
ارحب يابوبدر تراحيب الحيا والله يجزاك خير يامحمد وابشر بسعدك يالقرم لالالالاعدمتك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
