30-10-2010, 00:48
|
#1 |
|
شــاعر
|
عاطفة من الأرشيف ..((مغاتير الولـــــه))
الليـل يالـون العنـا والغرابيـل=وش حيلتي والصبح عيـا يبينـي اسحب من طروق المثايل مواويل=وارعى مجاهيم السهر في جبينـي لاجدي لاقمـرا ولانجمـة سهيـل=والليل يسهرنـي وعينـه بعينـي ماهي ضلوعي ذي شموع وقناديل=تصلي الفـواد ولاتبيـن ونينـي ون جيت ادور لي عن الحال تعليل=مرت مغاتيـر الولـه والحنينـي معذور لو عيني تسـح الهماليـل=الشوق جاير والدقايـق سنينـي بصبر ولو ليلي عـذاب وبهاذيـل=والعمر سيور ان تـردى يزينـي كله على شان الذي عـدل الميـل=أوميل عـدول الموازيـن فينـي عسـاه يبقـى لليـال المقابيـل=عن برد غيمات النوى يحتوينـي واعيش احبه حيل ويحبني حيـل=اسكن عيونه وسكنه فـي وتينـي واذا دعيته يالغـلا نافـل الجيـل=يمكن اجي يمي قبـل لا يجينـي أسمع صدى صوتي بسمعه ولاخيل=وليـا تباطيتـه تنشـدت وينـي اليـن يشبحنـي بسـودٍ مظاليـل=واذكر ذنوبٍ قد مضت ياعوينـي واقول زدني ياغلا منـت ببخيـل=نظراتك اجود من كرم مكرمينـي اشد من ضرب الرهاف المصاقيـل=لكنها تـروي خضـار البطينـي مضنون عيني لا غدا دمعها سيـل=أخاف ملحـه يحرقـك ياضنينـي والضيم يتعب والكبر يضعف الحيل=والموت حق وله مع العمر حينـي ماخفت منها بس للخوف تأويـل=اخاف ياتيك التعب وانـت فينـي هذي خفايـا ماعرفهـا المهابيـل=روايـة الاثنيـن بينـي وبينـي عساك تبقـا بالسنيـن المقابيـل=تفرش لي عيونك وترقـد بعينـي |
|
|
|
30-10-2010, 01:22
|
#2 |
|
شــاعر
|
رد : عاطفة من الأرشيف ..((مغاتير الولـــــه))
الله الله رائعة بحق مورقة كلون الخلفية وللخلفية حدود ولا حدود لهذا الجمال ابو دهااااااام صح لسااااااانك |
|
|
|
|
30-10-2010, 07:46
|
#3 |
|
شـاعر
|
رد : عاطفة من الأرشيف ..((مغاتير الولـــــه))
لغالي ناصر صح السانك ولاهنت دمت بود |
|
|
|
|
31-10-2010, 16:47
|
#4 | |
|
شــاعر
|
رد : عاطفة من الأرشيف ..((مغاتير الولـــــه))
إقتباس:
تسلم يالغالي وبيض الله وجهك اشكرك على الاشاده ولك كل احترامي |
|
|
|
|
|
31-10-2010, 16:48
|
#5 |
|
شــاعر
|
رد : عاطفة من الأرشيف ..((مغاتير الولـــــه))
فهد الغبين صح بدنك ولاهنت على المرور والمشاركه |
|
|
|
|
31-10-2010, 22:38
|
#6 |
|
شــــاعر
|
رد : عاطفة من الأرشيف ..((مغاتير الولـــــه))
الليـل يالـون العنـا والغرابيـل وش حيلتي والصبح عيـا يبينـي اسحب من طروق المثايل مواويل وارعى مجاهيم السهر في جبيني لاجدي لاقمـرا ولانجمـة سهيـل والليل يسهرنـي وعينـه بعينـي ماهي ضلوعي ذي شموع وقناديل تصلي الفـواد ولاتبيـن ونينـي ون جيت ادور لي عن الحال تعليل مرت مغاتيـر الولـه والحنينـي الله مفعمة بالشعووووور ناصر أبودهام صح كلك دمت بخير ,, |
|
|
|
|
25-04-2011, 22:17
|
#7 | |
|
شــاعر
|
رد : عاطفة من الأرشيف ..((مغاتير الولـــــه))
إقتباس:
صح بدنك وشكرا جزيلا على الرد الراقي دمت بود ولك اجزل التحايا |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
