31-07-2011, 00:29
|
#1 |
|
شــاعر
|
مــــن فــوقــه دريــخــان يـفْــتــل الاشـانــيــب
ابيات طريفه للإستاذ الشاعر/حمد السحيمي صاحب مجموعة النداوي الأدبية ومجاراتي لها  الشيول اللي باعنية المقيطيب = صلحت فيه وباقي فيه سيلات يقول عبدالله سليم العذاريب = قم دق سلفه وانحر ابه الطويلات واليوم عاشر يابو احمد وانا أجيب = قطع غياره من جميع المحلات (اختر ) مجنني بكثر الأكاذيب = والكهربائي يخترع له حيالات اد يتره فور ويحتاج نوضيب = تلاوح اسلاكه جداد وقديمات واليوم حمّلته وقدمه على الجيب = وصار الزعل من رابع المستحيلات ومن شريتي كسبت رجل المواجيب = راع العلوم الطيبات الجزيلات الشيول اللي باعكيه المقيطيب=راحت سنينه في ضهور التريلات كم كتْ له وادي وكم سنّد شْعيب=وكم هد له كبري وهدّم بنايات شوف البكت كنّه بقاله على سيب=طاحت سنونه من حديد العمارات من فوقه دريخان يفْتل الاشانيب=لااحتر راسه قام يضْرب مقصات لاقال له عمّه.... دريخان يالذيب=جته الحميّه والسطر والمروّات طمر من الشيول بدون اي ترتيب=ونشْبت هموله في حديد المرايات خذا شويٍ فالهوا وضْعه مْريب=وحوّل على راسه وابشرْك... ما مات لكن خذا شهرين عن وعْيه يْغيب=وقعد ثلاث سنين بين العيادات باعوا لك الشيول وهو وضْعه صْعيب=والله يعينك ياحمد فالخسارات من عقْب عصر العولمه والحواسيب=صارت حياتك في ثقيل المعدّات |
|
|
|
31-07-2011, 11:50
|
#2 |
|
أبو تركي / شاعـر
|
رد : مــــن فــوقــه دريــخــان يـفْــتــل الاشـانــيــب
هههههههههههه ابو مقبل والله شكل الشيول جديد  و ما قصرتوا أنت وحمد من مراجعة قطع الغيار للعيادات صح لسانك ولسانه على الشعر الجميل |
|
|
|
|
31-07-2011, 16:53
|
#3 |
|
أنثى إستثنائية
|
رد : مــــن فــوقــه دريــخــان يـفْــتــل الاشـانــيــب
ههههههههههههههههههههه مابعد الونشاااات والتريلات وهالشيول الهلكان اللي أكل عليه الدهر وشرب خله يجرب التكسيااات !!!   وصح كلك يابو مقبل على روعة الآبيااات |
|
|
|
|
02-08-2011, 02:07
|
#4 |
|
عبداللطيف العمري / شاعر
|
رد : مــــن فــوقــه دريــخــان يـفْــتــل الاشـانــيــب
معلمي وأستاذي الكبير مشاااء الله عليك صح الله لسانك فلا غرابه دائماً مبدع حتى في القصائد الفكاهيه وهذا إن دل على شيء فإنما يدل على التمكن والخبره كثير من الشعراء يعجز ولا يجيد هذا الفن . لك مني اجود التحايا وخير الدعاء . |
|
|
|
|
02-08-2011, 16:06
|
#5 |
|
مشرف الرحلات البرية والسياحة
|
رد : مــــن فــوقــه دريــخــان يـفْــتــل الاشـانــيــب
ههههههههههههههههههههه اجل ابو حمد نوا التجاره عسى الله يرزقنا وياه صح لسانك ياابو مقبل انت وابو حمد وتراك ظلمت هالكات بلر عز الله ان وقفته وقفة شيخ صح ان اسنان الصخين مركب لها طقم ذهب وغادي تسنها هالمملوح  وعز الله انا مبطين ياابو مقبل عن المستطرف وابو حمد والكات كله خير وبركه الا خلنا نشوف هالزين |
|
|
|
|
04-08-2011, 01:53
|
#6 |
|
شــاعر
|
رد : مــــن فــوقــه دريــخــان يـفْــتــل الاشـانــيــب
ارحب يابوتركي صدقت الشيول والله شكله نظيف لكن راعيه يعذربه قلت خلني اوديه تشليح هههههه |
|
|
|
|
04-08-2011, 01:55
|
#7 |
|
شــاعر
|
رد : مــــن فــوقــه دريــخــان يـفْــتــل الاشـانــيــب
هههههههه هلابك وبمرورك ياجلنار |
|
|
|
|
04-08-2011, 01:58
|
#8 |
|
شــاعر
|
رد : مــــن فــوقــه دريــخــان يـفْــتــل الاشـانــيــب
ارحب يابوسعد ولاعدم هذا المرور والكلام الرائع |
|
|
|
|
04-08-2011, 02:04
|
#9 |
|
شــاعر
|
رد : مــــن فــوقــه دريــخــان يـفْــتــل الاشـانــيــب
ارحب يابوسعد وانا اشهد ان الكاتبلر وقفته وقفه لكن ابي اعذربه باي شكل ههههه وماشاء الله على ملاحظتك على اسنانه اما الشيخ قصدي محل المجوهرات المتحرك هذا فحكايته حكايهاعجبني الطقم بقوه وودي اهديه لواحد على بالي لاعدمتك |
|
|
|
|
15-08-2011, 19:41
|
#10 | |
|
عضو شعبيات
|
رد : مــــن فــوقــه دريــخــان يـفْــتــل الاشـانــيــب
إقتباس:
لاقـال لــه عـمّـه.... دريـخـان يالـذيـب جــتــه الـحـمـيّـه والـسـطــر والــمـــروّات طمـر مــن الشـيـول بــدون اي ترتـيـب ونشْـبـت همـولـه فــي حـديـد الـمـرايـات خـــذا شـــويٍ فـالـهـوا وضْــعــه مْــريــب وحوّل على راسه وابشرْك... ما مـات لكـن خـذا شهـريـن عــن وعْـيـه يْغـيـب وقـعــد ثـــلاث سـنـيـن بــيــن الـعـيــادات |
|
|
|
|
 |
| عدد المتواجدون في هذا الموضوع » 2 , عدد الأعضاء » 0 , عدد الزوار » 2 | |
|
|
|
|
