13-09-2011, 18:05 | #1 |
شــاعر
|
يسعد صباح الحزن
يسعد صباح الحزن بعيـون الاحبـاب=مـادام عيـنـك للمحبـيـن غـابـه من طيب حزنك صار معشوق الاهداب=دمع (ن) ذرف لجل الهقـاوي تهابـه ياسالفة ليل (ن) خذانـي علـى بـاب=مـن كثـر ماحبـه كرهـت الرتابـه ودي اسولف لك عـن همـوم غيـاب=لو اني ادري فـي خفوقـك سحابـه لكـن تحملنـي علـى شـان ماهـاب=هذا الغموض اللـي ذبحنـي سرابـه مليت انا اكتب في بعيديـن واقـراب=حتى كرهتنـي مـن عطـاي الكتابـه وتعبت ارتب حـزن الايـام واسبـاب=طعن السهـر للنـوم باقسـى حرابـه ماعاش في ذكراي ياكـود الاغـراب=ولا طـاح الا مـن صميـم القرابـه سولفت لا (هذريت) والحزن ماسـاب=شي(ن) اسولف بـه يكـود الخرابـه |
14-09-2011, 21:38 | #2 |
أبو تركي / شاعـر
|
رد : يسعد صباح الحزن
الله الله يا ماااانع سلم قلبك النابض بكل جميل |
15-09-2011, 04:33 | #3 |
متنبي الشعر الشعبي
|
رد : يسعد صباح الحزن
يسعد صباحك انت يامانع سالفة ابداع ومبدع انت كذلك وهذا شيء مفروغ منه لكن تخوفنا احيان من الرد عليك اخاف ماعاد ترجع ترد علينا لاتعاقبنا بغيابك ونحن احبابك ايها العذب النقي صح فكرك على هذه الباذخه |
03-10-2011, 11:33 | #4 |
شــاعر
|
رد : يسعد صباح الحزن
على التركي هلا وغلا كل التقدير لحضورك الشامخ |
03-10-2011, 11:34 | #5 |
شــاعر
|
رد : يسعد صباح الحزن
محمد الدحيمي هلا وغلا حضورك له كل التقدير واعتذر عن تأخري |
03-10-2011, 12:23 | #6 |
شاعـرة
|
رد : يسعد صباح الحزن
يسعد صباح الحزن؟ لا بالله يسعد صباح الشعر .. المطر .. العطر .. كل الإحترام .. |
03-10-2011, 15:59 | #7 |
شــاعرة
|
رد : يسعد صباح الحزن
غـــرس شعري كامل النضوج .. مورق لذائقة مانع العياده شكراً كما ينبغي لنبضك ..تحيتي |
05-10-2011, 12:47 | #8 |
شـاعر
|
رد : يسعد صباح الحزن
صح لسانك خوي الشاعرمانع العيادة ولكن لاتحرمنا من منهلك العذب اتت قصيدتك بصورة راقيه وشاعريه متناهيه وعذوبه ابداعيه فــــــــــــــــــــــــــــذة تقبل متصفحي ومروري امام هذه الجميله اخوك موسى ابومشهور |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|