[زياد الجهني]

عودة بعد الغيـاب ..
لكل الأحباب الذين إفتقدتهم أهدي هذا النص المتواضع

.



.

قلق مدري أرق مدري تعب والا بقايا هم = سهر والا قهر والا حنينٍ طيّر رقادي
على هالحال لي فترة وجفني مايبي يلتم = وليلي كلّه اتقلب وفكري مصدر إجهادي
تعبت ارجي من الواقع اماني في رجاها كم = صبرت ومدري ان كان الفرج للي صبر بادي
ظروفي لو بقي في وجهها ذرة حياء او دم = ماكان تعري الحال وتجي في صف حسادي
جروح الوقت في صدري تجور وجورها بي جم = وجور الوقت لا من زار طبعه بالأسى سادي
أحاول قد ما اقدر الملم نفسي واسلم = والاقي ناس من حولي تحب الجور وتعادي
تعبت استعطف قلوب البشر فرح والاقي غم = وانا ماني بناقص غمّ فيني غم متمادي
وزوّد طينتي بله رحيل اللي غيابه سم = حناياي وترك فيني حنين وشوق مو عادي
بحور غيابه أعيتني وانا مقدر اواجه يم = من الأشواق يلعب بي ويخلف طبعي الهادي
على الله والولي الله وراضي دام حكمه تم = ابصبر لين ماتفرج وترجع راحة رقادي

[علي الأسمري]

صح لسانك يازياد
دمت بخير

[سعيد بن مقبل الأكلبي]

مرحبا بك يازياد
وصح لسانك وطاب بيانك

[موسى ابومشهور]

روعه روعه يازياد انت تسكب العذوبه على صفحه
من ذهب واهنيك بهذا النص العبق الراقي في ثناياه
على عسى اللا تحرمنا من ابداعتك الرائعه تحاياي
تقبل متصفحي هذا اخوك موسى ابومشهور