[محمد بن حليلان]

اسعد الله لحظاتكم بكل خير..
متواضعه أتمنى أن تنال قدر من الاعجاب..

بين الفرح والمواجع لحظة فراق =لحظه تهز المشاعر والأحاسيس
إن جات فالله يعين القلب يشتاق=ويصبر على الهم وأنواع الهواجيس
بأسهر و محجر عيوني كل ما ذاق=النوم .. جاتك تصحيه الكوابيس
لي خافقٍ من لهيب الشوق.. خفاق=كنه أبتلى في هوى ليلى.. وأنا قيس
يضما وله.. وان ضما ياتيه الإرهاق=يجلب له الموت.. وعروقه ميابيس
إن جاء يروُق مع اهل الحب ما راق =يرسل عليه الحزن جيش الجواسيس
تسرق.. عيون الفرح من بين الأعماق=وتخلي القلب بين الشك.. وإبليس
ياللي غرامه... تجاوز كل الآفاق=وشوقه تعدى على كل المقاييس
نظرة عيونك .. ودمعك .. بين الأحداق=مدري حكاية أمل .. ولا وساويس
جزاع شوقٍ.. وصبري صبر مشتاق=ودموع عيني.. ورى جفني محابيس
فيني حنينٍ يعانق.. شمس الإشراق=وحزنٍ ترك في وسط وجهي تضاريس
القلب صحراء... ضماها حلم وأشواق=خلفك حدت عيسها .. ياحادي العيس
تحدي خطاها .. على حبك وتنساق=وتحن... لي من تقفتها النسانيس
الحال ياللي تعرف الحال قد ضاق=والقلب كنه على وخز الدبابيس
مافاد حبر القلم.. يا صدر الأوراق=وما فاد جمع الدفاتر والقراطيس
دام المحبه.. وله وأشواق وعناق=وكلمه تدق الحشا دق النواقيس
الله يصبر عليها .. كل عشاق=إن راودته.. آخر الليل الهواجيس

[محسن سبعان]

فيني حنينٍ يعانق.. شمس الإشراق
وحزنٍ ترك في وسط وجهي تضاريس

لا حزنت ، صح الله لسانك ..

إخيك.

[شيخه المرضي]

قصيده مليئة بحديث المشاعر شكرا

[محمد الدحيمي]

ياسلام يابو حليلان
نص متميز ويستحق القراءة
صح الله لسانك ملايين

[علي الأسمري]

صح لسانك يامحمد
دمت بخير

[سعيد بن مقبل الأكلبي]

الله يصبر عليها كل عشاق
ان راودته اخر الليل الهواجيس

الله الله
صح لسانك يامحمد على هذا النص الجميل

[نورة العجمي]

محظوظة الاوراق عندما يكتب عليها
من الشعر العذب
صح قلبك يامحمد

[محمد مدران اليامى]

محمد .. صح لسانك من اول حرف..الى أخر حرف..