04-04-2012, 01:02 | #1 |
شــاعر
|
بــلدة الــهامي!!
اليكم بعد طول غياب
انا وصوتي وحبري واثمن اقلامي=كم نحلم احلام لكن مانحققها جينا بوقتٍ تخالف فيه الافهامي=تساوت الشمس مغربها ومشرقها نبني مداين وكف الوقت هدامي=ماهمه الا على الاوراق يزهقها مكبوت والوقت يخنق بــ ايده الآمي=محروم حتى من الآهات لــ انطقها الخوف برده سرى في داخل عظامي=وعيون شعري تهيّب من مشانقها ان جيت ابنطق نطقت بحكم الاعدامي=وان جيت ابسكت غرقت بمايغرّقها يعني اموت واموت بتهمة(اقدامي)!!=ولا اموت و اكوت بكلمة (احرقها)!! يالعنة الظلم هذي (بلدة الهامي)=وابسط حقوق المشاعر في تدفقها دامك من ايام عمري خذتي احلامي=واشعلتي النار في روعة حدايقها وعن شف قلبي حجزتي رحلة اعوامي=حتى تبيّن سوادك فوق عاتقها وش جاب وجهك بهــ الساحات قدامي=خلي الشوارع وابنزف في مفارقها أكبر مكانك من الآهات بخيامي=واثمن ثوانيك من حفنة دقايقها أنتي شريفه مكانك في السما سامي=لاتجرحين الطهاره في مرافقها حواري الضنْك فيها كل شي دامي=ماباقي الا الحناجر من بنادقها هناجروح ومواجع وجهها الحامي=ينبي ضمير الحجاره عن حقايقها ودي افضفض عن ايامي على ايامي=حتى تثور الليال بوجه سارقها يغفى من الهم سبّابي على ابهامي=وانفث من الموت روح الشعر واخلقها انا صياح الضحايا وجهة الرامي=ولسان عن حالة الرعب بخنادقها وانايدين الطفارى تحت الارقامي=اللي تعالت على الناس بفنادقها وانا جفون السهارى صوب من نامي=وانا فحيح الجيوب بكف بايقها وانا رسول السواري صوب الاعلامي=أخفق بماتحتوي يمكن أخفّقها ماني بكاتم وانا في شرعي الزامي=(اصدع بماتومر) وحرّر خلايقها اخذي عن دروب بيتي خطوة اقدامي=واخذي مماليك عمري مع وثايقها راضي بسجنك ورى القضبان لو دامي=الا حروفي انا طالبك ابعتقها أواه ياوقت كبتٍ يخنق اقلامي=وخّر يدينك ترى ماعدت طايقها لوماتهز القصايد روس الاصنامي=لابارك الله في تاريخ ناطقها احمد سارح |
04-04-2012, 06:07 | #2 |
شـــاعر
|
رد : بــلدة الــهامي!!
احمد سارح ياخي اقسم بالله اني اكتب وامسح في الرد وان اصابعي ترتجف لترددها في ماسيليق بمقام هذه الشامخ احمد هذه ليست قصيده بل هي معجزه شعريه لم اصادف مثلها في طريقي الا لقلة لايتجاوزون عدد الاصابع وصدقني ان هذه في المقدمه اطالب الاداره بوضع متحفا للقصائد النادره في هذا الصرح لكي يستمر صداها ويقرأها الاجيال القادمه على مدى عمر شعبيات امد الله في عمره احمد ظلم ان اقتبس بيت واترك بيت وظلم ان اقرأها اربع مرات فقط وظلم ان اكتب هذا الرد الضعيف ام نصك المدوي ولكن لم يعد الكلام ينصف صح لسانك وبيضً الله وجهك |
04-04-2012, 09:33 | #3 |
شــاعر
|
رد : بــلدة الــهامي!!
مكبوت والوقت يخنق بـايـده الآمـي محروم حتى من الآهـات لـانطقهـا الخوف برده سرى في داخل عظامـي وعيون شعري تهيّـب مـن مشانقهـا كمية الالم كبيره جدا هنا ككبر هذا النص وثراءه وش جاب وجهك بهـالساحات قدامي خلي الشوارع وابنزف فـي مفارقهـا أكبر مكانـك مـن الآهـات بخيامـي واثمن ثوانيـك مـن حفنـة دقايقهـا كيف لك ان تقول هذا بهذه السهوله يالك من مبدع يغفى من الهم سبّابـي علـى ابهامـي وانفث من الموت روح الشعر واخلقها بيت يستحق التمجيد والتخليد رائع اخوي احمد رائع رائع |
04-04-2012, 16:44 | #4 |
شاعـر
|
رد : بــلدة الــهامي!!
صح لسانك اخوي قصيدة محكمة المبنى والمعنا قصيدة مفعمه بالاحساس تجلت بها صدق العاطفة , رائعة بكل شئ .. |
04-04-2012, 18:31 | #5 |
شـاعر
|
رد : بــلدة الــهامي!!
جاء الشعر وجاء الابداع لشاعرنا احمد سارح ينثر دررة ومعانيه الرائعه قصيدة عن مليون قصيدة خوي احمد صح لسانك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|