[خالد المحروم]

يالرياح العاتيات الموسميّه=برّدي كبد الخلايق مع حشاها
شبّها ضيم الدهور الغنجهيّه=ولعتها والقبس يشوي لضاها
زوّدتها بالهموم السرمديّه=والبكا دمعه حرقها مادواها
والبلا امن النوايا الغطرسيّه=دمّرتها حطّمتها من قساها
ورّدتها صوب أحواض المنيّه=قتّلتها والثرى بْحضنه حواها
ياخمول الوقت والدنيا قويّه=والبشرْتركض تبي منها رضاها
ياوجودي عالليالي المخمليّه=يابري حالي عليها عن حلاها
ياليالي الصمت والهرجه الحليّه=ياحلا حس السعد ينغم غناها
روّحت والماضيه صارة خليّه=ياعساها فالنعيم وياعساها
ياجمال الذاهبه وردة عذيّه=ياربيع الدهْر ياغيمة سماها
والحياة التاليه نار وشظيّه=حربها شنّت ودمّرنا وغاها
ضيمها نشّف كبود(ن)به طريّه=عكّر العذبه ووحشنا ذراها
برّد الهمّه على مدّه رديّه=ماوفت منهو سعى يطلب عطاها
والشدايد للملك ولاّ الرعيّه=تكسر القامه مدامه ماقواها
والشواهد ثابته عند البريّه=شوفها يا ناشدي بْصحّة مداها
والحملْ ثقله على ظهر المطيّه= والبشرْ ماهي بتقوى افْحمْل ماها