04-07-2012, 07:16 | #1 |
شاعر
|
يالدحيمي وين أوجه دفته وشراعه
يا محمد وأنت مزبانَ ليا شاكيته لا تلوم اللي حداه الوقت بأخر ساعه جيت في نفسي حشر من زمرة حاكيته لا سقاها الله من غربه ليا مطلاعه هذا وأنا من قبل لا أذمه ولا زكيته وابتلاني يالله الخيره صدى مذياعه زمرة همه على همي قبل عكيته والوهن ياكل بجسمي لو دفنت اوجاعه احتوتني لوم وبعمري فلا ضكيته وارتهنت لحربها ولا نهيت صراعه ارتهنت لحربها و الحظر ما فكيته يالدحيمي وين أوجه دفته وشراعه ود ودي لا حكوا على قفى حكيته مخمسَ تاصل علومه قبل صوت طراعه مستحي من قولةَ بالرجل قد دكيته والبنادم ما له إلا كود حدب أضلاعه ما غبطت إلا الذي ينقل معه باكيته لا دهاه الضيق قال أعطوني الولاعه لا استثاره شيء جابه من بطن جاكيته أو طرف مخباه ينهي به ظروف صداعه |
12-07-2012, 11:47 | #2 |
شـــاعــر
|
رد : يالدحيمي وين أوجه دفته وشراعه
صح لسانك ودمت بخير |
15-07-2012, 13:43 | #3 |
شــاعر
|
رد : يالدحيمي وين أوجه دفته وشراعه
صح لسانك يالشلاقي جزل ومسندها على جزل ننتظر رد ابو بدر وبيض الله وجهك اخيك سالم |
16-07-2012, 16:24 | #4 |
متنبي الشعر الشعبي
|
رد : يالدحيمي وين أوجه دفته وشراعه
الله ما اروعك وما انقاك ياصديقي من اجمل القصائد التي تشرفت بها وموجهة لي ثق ياعبدالله انك الأجمل والأنقى ولنفسك عليك حق ايضاً وشكراً لك اعفائك لي من الرد لخصوصيتها |
23-07-2012, 10:04 | #5 |
شاعر
|
رد : يالدحيمي وين أوجه دفته وشراعه
صحت ابدانكم جميع لا هنتوا , ابوخالد ..لا هنت بالذات وعلى وجه الخصوص ولا سندت عليك بغية ردك وانت وأنا عارفين بعضنا ..ولكن صار بالخاطر شيء مال عليك ليلتها ؟ |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|