[ابراهيم بن عبدالمحسن]

السلام عليكم ورحمة الله وبركاته

أخوتي في قوافي البوح أعود لكم بقصيدة جديدة ((كتبت هذه الليلة))


مازلت أحبك ألين اليوم يابكره
وكل المحاني لحضن الوصل منتظره

مازلت أحبك وقلبي نبضته أسمك
مازلت أحبك وقربك دنيتي مهره

ومازال قلبي يشوف العمر بعيونك
والعمر مابه جدى لو غابت النظره

احب فيك الحلا الي ماخلق مثله
وأحب فيك الحيا الي فيك بالفطره

وأحب وقت الوصل لي لهفة عيونك
واومن بأن المحبه فيك منحصره

وأكره طويل المسافه لاغدت غربه
خطواتها دمعتي وأميالها الحسره

وأكره الا جا الوصل جفوتك وصدودك
وأدري كلامً تحبسه يشتعل جمره

رضاك عني رضا الي راضيه أمه
وبكاك لجلي ينبّت بالصدر زهره

ومشقاي لجلك شقى المشتاق للجنه
يحط فيها بعينك همه و وزره

صوتك أغاني محبه ساكنه قلبي
كم مال منها خفوقً ما انقوى كسره

عسى الليالي تجود بشوفة عيونك
ان كان ماهو بتسعه في شهر عشره

اليوم اصومك وأنت الزاد والعيشة
وأن لاح طيفك غديتي للفكر تمره

وبكره أعيّد بشوفك يا اجمل أعيادي
وألقاك ياديمةً هلت على قفرى




وسلامتكم وكل عام وأنتم بخير

[أحمدعلي الويمني]

تصفيق حار من أعماق قلبي ..... يابو خليل قصيدة متماسكة متناسقة ..جداً رائعة ..
للتوضيح خطأ مطبعي في آخرر كلمة من القصيدة (قفري) والصحيح قفرة