[محمد بن دوحان]

بسم الله الرحمن الرحيم

مساء الخير / أٍسأل الله أن يبلغنا رمضان الكريم و أن يجعلنا من قوامه وصوامه إيمانا و إحتسابا .. اللهم آمين

وش مشغلك عني ترى خاطري ضاق=إما تجي والأ أنا الليّ بأجي لك
يسكرك قلب ّ ليته امن الهوى فاق=كثرك حرام ّ دام يسكر قليلك
وش عذر ليلك قبل ينبان الإشراق=وأنا ونجم الليل نتبع دليلك
إرحم خفوق اللي تعذبه الأشواق=لو يطلبك حق ّ بيغدي قبيلك
تعال شوف القلب في الصدر خفاق=كم من سنه في وسط حضنه يشيلك
لا تقطع أعروق المحبه بالفراق=تكفى دخيلك أيه تكفى دخيلك
كنت الخريف اللي نثر في الأوراق=وأجمع شتاتي فيك وأشفي غليلك
كنت الشتا و أشب الأضلاع مشتاق=و أحطب معاليقي و أدّفي شليلك
أجي وفا , وألقى الجفا ليل الأحداق=وأقول يا حبي لسهرات ليلك
وأراقب ألوان الشفق بين الأفاق=يالله عسى نور الوصل ينتحي لك
ترهي طعونك و أنت للجرح ترياق=يا رحمة الله ما تداوي عليلك
ألقاك ضامي و أهتني بل الأرياق=من شط حبك من فراتك و نيلك
ماني بحي الله ولكن الأعماق=تذعن لحكم الحب في مستحيلك
أجيك نسمة شوق للوصل تواق=لا تنشغل عني تراني دخيلك
يسكرك قلبي لكن أخاف لا فاق=يتوب كثرك دام يسكر قليلك

[الجازي]

الله ..
جميلة الفكرة .. واستجداء العاشق بأسلوب عذب ..
كل رمضان وانت وشعرك بخير ..

[سالم بن جلعان]

الله الله
جميل هذا الحضور
وهذا النص الرقيق

وش مشغلك عني ترى خاطري ضاق إما تجي والأ أنا اللـيّ بأجـي لـك

يسكرك قلب ّ ليته امن الهوى فـاق كثـرك (حرام) دام يسكـر قليلـك تمنيتها (حلال )

سرني جدا مروي
وتسجيل حضوري

[محمد بن دوحان]

الرسالة الأصلية كتبت بواسطة الجازي

الله ..
جميلة الفكرة .. واستجداء العاشق بأسلوب عذب ..
كل رمضان وانت وشعرك بخير ..

الجميل مرورك العذب

شكرا من الأعماق وكل عام وأنت بخير

[محمد الدحيمي]

وجدانية ولا اروع يامحمد شعرأ واحساساَ

[أحمدعلي الويمني]

وش عذر ليلك قبل ينبان الإشـراقوأنا ونجـم الليـل نتبـع دليلـك
كنت الشتا و أشب الأضلاع مشتاقو أحطب معاليقي و أدّفي شليلـك
ألقاك ضامي و أهتني بـل الأريـاقمن شط حبك من فراتك و نيلـك

مبدع يامحمد .. لا أدعي ملكوت الشعر حتى أطرح الرؤى حول مايكتبه الآخرون .. لكن تذكر أني قلت لك في تلك المرة تشرفت بلقائك .. أنك عندما تكتب بهذا الفكر وبهذه المفردة البعيدة عن التقليدي . فإنك تبدع بما يجعل جيل قادم يقرأ لك
واصل على هذا المنوال وصدقني أنت رايع

[عبدالرحمن أبن عويض]

صح لسانك يامحمد ..

[محمد بن دوحان]

الرسالة الأصلية كتبت بواسطة سالم بن جلعان

الله الله
جميل هذا الحضور
وهذا النص الرقيق

سرني جدا مروي
وتسجيل حضوري

تحياتي

اخيك

سالم

صح بدنك وأنا كذلك تمنيتها حلالأ , ولكن حيل الله أقوى

شكرا من الأعماق لرقي مرورك وعذوبة تعليقك

لاهنت أخوي

[محمد بن دوحان]

الرسالة الأصلية كتبت بواسطة محمد الدحيمي

وجدانية ولا اروع يامحمد شعرأ واحساساَ

أبو بدر

الأروع مرورك العذب تشرفت أبياتي بعانقت ذائقتك

شكرا ولاهنت يالغالي

[بندر عبدالله]

صح لسااااانكك