23-07-2012, 22:25 | #1 |
عضو شعبيات
|
يا الهاجس اللي تحن " وتجـرح اصـيامي !
" تجرح أصيامي " . لولا الغلا ما ذكرك القلب يا همه = يحلا سنين العمر يا روض الاحلامي . يمر طيفك علي بساع واضمه = ويرد يحيا زمانن مات قدامي . وتلقى المشاعر على ذكراك ملتمه = تارد وتروى على جالك من ألهامي . وش ذكرك ياقوي العزم والهمه = يا الهاجس اللي تحن ( وتجرح اصيامي ) . بعثرت هم السنين أتقول بالمه = ونقضت جرحن غدابه نزف الاقلامي . أصدور الايام من فرقاك مهتمه = في عين منهو نزف من جرحه الدامي . الجادل اللي تحفر القبر وتدمه = تدفن ( بقايا جنايز ) غالي أحلامي . تضما وتارد وهو يسقيك من دمه = وتقفي وتجحد بعد علّيت يا الضامي . كله على شان حفظ العهد والذمه = ولوما البخت كان ما أخطت رميت الرامي . ماعادلي في هجوسن جات من يمه = بحاول أسلى وأكمل باقي أصيامي . " فهد الثبيتي " |
24-07-2012, 15:19 | #2 |
شــاعر
|
رد : يا الهاجس اللي تحن " وتجـرح اصـيامي !
فهد الله يغفر لك .. أنا بدعي لك بالتراويح بس لاتحرمنا هالحضور الرايع . |
24-07-2012, 23:56 | #3 | |
عضو شعبيات
|
تجـرح اصـيامي !
إقتباس:
" ابو علي " ليس كل ما يكتب هنا واقع مَر به الشاعر ... بل هي مجرد هذيان قلم .. وعلى ما قيل ( رحوله ومشايتها ) .. من نسج الخيال وانا أيضاً سأدعي لك بالتهجد دمت ودام مرورك |
|
15-08-2012, 11:36 | #4 |
عضو شعبيات
|
رد : يا الهاجس اللي تحن " وتجـرح اصـيامي !
صح بدنك ولا هنت على مرورك |
31-08-2012, 06:32 | #5 |
متنبي الشعر الشعبي
|
رد : يا الهاجس اللي تحن " وتجـرح اصـيامي !
فهد الدقيس اسم يشق طريقة الى النجومية رغماً عن انف الاعلام في كل نص جديد يؤكد اننا لم نراهن عليه في شعبيات جزافا فووووووووووق ياشعرررررر |
01-09-2012, 15:43 | #6 |
شــاعر
|
رد : يا الهاجس اللي تحن " وتجـرح اصـيامي !
جميل جدا هذا الحضور يا فهد نص مميز من شاعر مميز من نص الى اخر .. للشعر معك طعم آخر سرني مروري هنا اخيك سالم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|