[عبدالكريم بن خزيم]

	هذي وصية لا لي مشاريه ٍ مع الأمس واليوم=وأصبر على ماصابني في حياتي وأحمد كريم ٍ زيّن الكون بنجوم= جل وتعالى فارض ٍ للصلاتي ياناصر الرجل الوفي يترك اللوم=وينحب مدامه كريم الصفاتي دامك صحيح ٍ بالبدن تقدر تقوم=نعمة إله الكون محي النباتي أحفظ صلاتك يارجل وأكثر الصوم=وأصدع بقول الحق نهج الدعاتي ولا لا تجامل كل خيّب ومنجوم=واللي يسب الناس بعده غناتي العمر يمضي والمنايا لها يوم=قدّم لنفسك كان تبغى النجاتي ياصاحبي بالكون طيّب ومحروم=واللي يريد الخير دل الجهاتي هذي وصية من رفيقك على الدوم=إحذر يخليك الأمل في سباتي تقديري للجميع ,,,,,,

[سعيد بن مقبل الأكلبي]

كلامٍ وافي ياعبدالكريم
لاعجمت ولاهفيت

[طالب الذبياني]

نص جزل من شاعر جزل

عبدالكريم صح لسانك وعلا شانك
نص شامخ بشموخ شاعره

[فهد اليامي]

عبدالكريم

صح لسانك ملااااااااااااااااااين

قصيده جزله من شاعر جزل

وكلام في الصميم

تقبل تحياتي واعجابي

[نايف الجابر]

صح لسانك يابن خزيم
وارفق علينا بالقصايد شوي شوي ..
نبي كل قصيده تاخذ حقها بالردود والقراءه
نص جميل ولا هنت صح لسانك
عندي ملاحظه بسيطه لا تصل إلى مرحلة النقد
ختمت قافيتك بـ " آتي "
البيت الأول انتهى بـ " حياتي "
البيت الثاني انتهى بـ " الصلاتي " والمقصود " الصلاه " لأن الياء زائده وأتوقع انها كسره وليست ياء
وهذا مما لا شك فيه عندي وفي نظري المتواضع يضعف من القصيده ..
وجهة نظر كما أخبرتك
وصح لسانك مره أخرى

[علي الأسمري]

صح لسانك ياغالي
بيض الله وجهك

احترااااااااااااااامي

[عبدالكريم بن خزيم]

أنت الوافي اخي سعيد ولاهنت على مرورك الكريم

تقديري ,,,,,