[خالد العروي]

لكم وحشة ما يكفيها قصيد
تقصر خطاه القصيد بوحشتي
والله ان عندكم في يوم عيد
لو رفعت الصوت عيت بحتي


إلا يا هجوس الشعر ودعتك وداعه
ترفع عن اهروجٍ تجي مالها داعي

لها ناس نقاله لها ناس سماعه
وتسعى لها يا خيبة السعي والساعي

أنا ما حسبت حساب من يطوي شراعه
يسوق القدم في كل طرقه تقل راعي

ترى الشعر له هيبه إلى زان مطلاعه
ما هو قافيه مع وزن وتحاول اقناعي

أنا ما كتبت الشعر للصيت وطمّاعه
لا مني بغيت ألويه ما يلوي ذراعي

ترى الشعر عندي لا حتمى القاف ولاعه
يشب بهشيم الشعر ويضّبط اوضاعي

صماصيم صخر يطوع الصعب ما طاعه
ماهو قدر زبد إلى قربه الدفا ماعي

ويوم ان كلا يحرث القاع مرباعه
على قفر ما جوه المطاريش مرباعي

يركد نموره مع ثعاليه وسباعه
ويفرد جناحه مثل حراً إلى جاعي

سلامي فلا تغتر والنفس طماعه
ولو يعتريها الكبر منزالها باعي

[محمد الطنيني]

كفو أيها الشاعر العذب ..
سجل إعجابي وامتناني .
لاهنت .

[بندر الذيابي]

صح لسانك اخوي خالد

كفو والله

كتبت فعبرت فأجدت

تقديري