16-09-2002, 15:59
|
#1 |
|
موقوف
|
يوم في البيت
اريد ان اسرد لكم يومي في معهد الكمبيوتر بدا 00 الحكايه 00000000000000000 خرجت من المعهد الساعه 6 المغرب وجئت اتفرج على التلفزيون تقريبا ساعه وبعدين جلست على الكمبيوتر وادخل الايميل وادخل مواقع وحسيت في ملل كبيرالمهم ضاع الوقت الساعة عشره حسيت اني جوعان ناديت الهندي محمد محمد جاني ودار الحوار هذا انا: سو عشا الهندي: بابا مافي شي انا: كيف مافي الهندي: بابا ثلاجة فاضي ومافي خبز ومافي شي انا: طيب طيب روح خلاص الهندي: طيب لازم اروح للمطعم ولا بقالة اشتري اي شي جوعان طلعت وانا مدري وين رايح دخلت البقاله خذيت كيك والسوالف هذي وطلعت دخلت اكلت صارت الساعة 12 سكرت المحلات والاهل نامو وانا من عاداتي السهر ظليت سهران اتفرج على الفيديو لمسرحيه سمير غاني " انا وامراتي ومونيكا" وبعدين اتمشي في الحوش وملل ساحق وصعدت فوق اتفرج على التلفزيون حطيت المحطة المفضله لي " دريم" لكن شفت برنامج تافه وممل لي هاله سرحان كالعادة الساعه 2 نزلت تحت اشوف بقا شي من اللي اشتريته اكله لقيت فتافيت كليتها والمح في المطبخ ولاعه طرا على بالي ذاك الوقت اكثر من شي اطبخ شي بس مافي خبز طيب ادخن بعدين اتعوذ من الشيطان بس الملل كبير اخرتها اخذت من دخان اخوي زقاره ونزلت تحت في الخيمه وشغلت المكيف الصحراوي وولعت الزقاره وبديت ادخن وانا واقف عند الباب خايف يمكن احد يصحى من الاهل وبعد ان خلصت الزقاره على طول طفيت المكيف ورحت اغسل من الريحه وصعدت فوق الساعه 3 رديت شغلت الكمبيوتر واتسلى فيه ومن غير ما احس راح الوقت وبدت الدنيا تزورق الساعه 5 نزلت تحت اطقطق في الكرة شوي شوي 5 ونص طلعت للفوال طلبت فول وعدس وشكشوكة واثنين خبز ورديت البيت لقيت الباب مسكر طرا في بالي اسئله من سكر اكيد في احد جلس من اهلي بس كيف ادخل ما اقدر اطق الباب في ذاك الوقت الناس نايمه حطيت الفطور على الارض وصعدت بصعوبه فوق الباب ودخلت البيت 0000 واصعد فوق واسمع صوت التلفزيون عالي وصوت المكيف من جالس في هذا الوقت وادخل والقا عمي جالس وقال عمي: وين كنت انا :بالفوال عمي: بهذا الوقت انا: ايه شفت نفسي فاضي قلت اجيب فطور ارتسمت عليه ابتسامه جيت وحطيت الفطور وقلت العمي تفطر وجا وافطرنا وبعد رحت اجيب جرايد جبت الرياضيه والجزيرة والرياض وتقريبا 7 جرايد وقرينا مع بعض صارت الساعه 8 حسيت اني نعست رحت ابي انام لازم انام وراي معهد كمبيوتر ووصيت الهندي الساعه ثلاث ونص يجلسني علشان اروح الساعه اربع وانا اوصيه سمعت صوت باب الغرفه وطالع ولا هذا اخوي قلتله انا: صح النوم اخوي: اقول ضف وجهك انا: انت على طول زعلان قاعد من النوم ولا موقاعد اخوي: اقول مالي خلق لك وراح يغسل بس انا مابي ازعله لسبب لانه هو اللي يوديني المعهد واذا زعلته يمكن ما يوديني وتدهور المهم انا نمت نأأأأأأأأأأأأأأأأأأأأأأأأأأأأيم نأأأأأأأأأأأأأأأأأأأأأأأأأأأيم ما حسيت الا الهندي: بابا بابا ساعه 3 نص انا: طيب طيب انقلع عني الله لا يبارك فيك وقمت الصراحه كانت نومه محترمه 000 وباقي على المعهد نص ساعه واروح والقا اخوي نايم ولييييه شلي يجلسه الحين انا: نواف نواف اجلس الساعه اربعه يالله المعهد نواف: زين زين شوي شوي واروح للهندي محمد حط غدا الهندي: بابا غدا يخلص انا : طيب ول عني ول من شفتك ما شفت الخير الساعه 4 نواف جلس يالله شغل السياره واروح اشغل السياره واسمع نجوى كرم"اوعى تكون زعلت " على جيت اخوي وركب السياره وحرك في الطريق اقول لنفسي لازم اول ما ارجع انام علشان فيني النوم 10 دقايق وصلنا انا: نواف من اول ما ادق على جوالك تعالي اوكي نواف : طيب طيب بس انزل نزلت ورحت المعهد واحاول اكتب كلمات عقدتني الساعتين صارو سنتين وبعدين اسمع المدرس المصري يالله يا ابني الصلاة كولو يطفي الكمبيوتر وانا اتصل على نواف واقوله تعال واطلع برا اغني "سمي سمي يا العيون اللي تصيب ولا تسمي" على جيت نواف ورحنا البيت وكتبت هذي المقاله واتمنى انها ترضيكم وشكراا |
|
|
|
16-09-2002, 20:20
|
#2 |
|
عاشقة شعبيات
|
[poet font="Times New Roman,6,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] ههههههههههههه هههههههههه ههههههه ههههههههه روعه .. بصراحه حلوووووووه تهبل ... خلك على طوووول كـــــــذا .... اليوميات فكره رائعه واتمنى كل واحد يكتب يومياته بالطريقه هذي .. القائد . الله يعينك على محمد مثل لينا شغالتنا عله .. ههههههههههههههه ..... تحياتي لك .. واستمر .. أختـــــك .. [/poet]  [poet font="Times New Roman,7,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=red,offx=1,offy=2) glow(color=red,strength=6)"] سرووووبه [/poet] |
|
|
|
|
16-09-2002, 22:46
|
#3 |
|
موقوف
|
هذا من ذوقك
انا اشكرك على التشجيع وانا بصراحه ناوي اسويها حلقات كل يومين كذا اكتب حلقه وانا ممكن اسوي اي شي علشان ارضيكم وبالمناسبة انتي ذوق جدا على فكره انا كلمتك في موضوع ومارديتي على بخصوص كيف اكبر وصغر ولون الخط على كيفي زييييك كذاااا واكون شاكررر |
|
|
|
|
16-09-2002, 23:30
|
#4 |
|
عاشقة شعبيات
|
.... .......... القائد .... ..... هيه يالقائد ...  ..... انت وشفيك ابلشتنا .. وصجيتنا ... علموني علموني . .... خذ .. الله يصجك ماتشوف هالعواده ناااااايمين ويخوشرون <<< يشوخرون يالشيون والدلوخ .. والعواده اللي مايترجمون واهل اللغه السواحليه مثل بعض المشرفين اللي جنبنا ..خخخخخخخخخ ... تروح يالشاطر .. يم كلمة شعر وتضغط عليها وتستمتع بالطعم الرائع ..خخخخخخخخخخخخخخخخخخخخخخخخخخخخخخخخخ .. وبس .... .. يالله يالسنافي .... .. باااااااااااايو اللي منحرن منها العوووود ابوي . خخخخخخخخ . تراه هالحين يبي يقمز ليا اخذ شوي ثم كتب له كلمتين وراح يتوضى ويصلي ويرووووووح يم دوامه مدري نخله ومزرعته يفتش عليهن ويسقيهن . خخخخخخخخخخخخخخ العووووود الهرم بابا ... ... استلمو المدرس اللي من كبر حظه ماعنده الا عشر حصص اختي بغت تنهبل يوم درت قالت هذا الحظ والا بلاش .  .. وهالحين يخوشرررر ونايم .. ويبي يقوم يروح للمدرسه شوي بعد ساعتين . خخخخخخخخخخخخخخخخخخخخ اليا قمت رد يالعوووود يالهرم يالمدرس ياخالي ابو نووووت .. ... اما انا عواطليه ويقالي ابي اروح بكرا ادور وظيفه ورفيقتي كل يوم تزن علي وتقول يالله نبي نروح نسجل بالتوجيه وانا اقولها انا جايبه مقبول ماهم موظفيني . ومعي شهادت حاسب ست شهوور بدون مستكشف ..خخخخخخخخخخخ . وكل ماطلعتها لأحد قال ليش شهادة الكليه مقبول وشهادة الحاسب ممتاز .  امانه فيه احد ادلخ مني بالدنيا غير المنحاش ولد الهاص . وبس . خخخخخخخخخخخخخبااااااااااااااايو <<<<< رقم كم هذي ..  |
|
|
|
|
16-09-2002, 23:47
|
#5 |
|
عضو شعبيات
|
يوم اكثر من رائع يعطيك العافيه يا القائد بانتظار باقي الاجزاء تحياتي ،،، الريـــــــــــــــم  |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
