آخر 10 مشاركات
|
 |
 |
 |
||||||||||||||
|
||||||||||||||||
 |
 |
|||||||||||||||
 |
|
|
أدوات الموضوع |
15-10-2002, 04:13
|
#1 |
|
عضو شعبيات
|
دار ٍ كرمها بين ( منتو) و ( يغمش) /// مافرّقّت بين الاجــاويـد واللاش
صبحكم الله بالخير يالربع  اكيد فقدتوني عندي لكم قصيدة بس شوفو اللي من اهل جده وبتاخذه الحميا والدلاخه ويزعل لايقراها حنا نمزح ترى والقصيده وقصتها ماعليكم من صاحبها --> اوخص ياتمويه  صاحبها هذا الله يسلمكم متفق هو وربعه يروحون للبر بالربع الخالي مقناص وفلة حجاج ولكن مامداه يخاويهم لأنه جاهم ضيوف ذاك اليوم شيبان من الديره جو يسلمون على شايبه المهم انه طلع يدور لمطعم مندي بيجيب لهم عشاء وكان حزتها بالليل عقب العشاء بجده وقطعو قلبه اخوياه كل شوي يكلمونه و يسولفون له عن الربيع والحيا والمقناص والمفاطيح والشحم والضحك والعلوم السفره الين المهبول كلت قلبه الغبينه وضاق صدره وجاكم زعلان بكل اخلاق تجارية تقليد ينشد راعي المطعم :  - اقول يالحبيب فيه عشاء ؟ < --- طبعا هويقصد عشاء سنع يجمّل - ايووه فيه اجل احناّ فتحنا المطعم بهلله وقلق ياوااااد - اقول ألبخ وتلايط ولايكثر ( طبعا راعي المطعم يحسبها اكلات )المهم وش عندك من عشاء؟ - فيه باقي عندنا واحد نفر لحم وفيه منتو ويغمش فلك ان تتخيل عزيزي القاريء ( بري حالي علي ياولد ماني سهل افت جاهلي )  فلكم ان تتخيلو شكل خوينا هذا وهو مقلط ضيوف ابوه شيبان بدو على منتو ويغمش؟؟؟؟ والواحد منهم يادافع المصيبة مايقدر يشوف رجلينه من كبر كرشه ولا عاد حتى يعرف يتنفس الين يتاغر ساعه من كثر ما فشخ من شحم سنام الحاشي  المهم خوينا ادنى ماضيق صدره وقام يسب ويلعن وهو يدور اي شي يحط حرته فيه المهم اخرها لقى عشا بمطعم ثاني وخذه وهو راجع جته القريحت الماخوذت اللي يقولون وقام يتوجد على ربعه وحط حرته في جده وجاكم يقول : يم النشاما سقت قافٍ مطرّش ................يحمل تحيّة قلبٍ ابيض من الشاش من خــاطر ٍ مايعرف الحقد والغش ................ يوصل قصور ٍ مانزل بينها اعشاش قافٍ يتلّه شــاعرٍ ينقـشه نقش ................سجيّته من منهل الطيب تعتاش وقلبي على لقيا النشاما تعطّـش ................خطلان الايدي مرقبٍ ناش ماناش عنهم حداني الحظّ في ديرة (الطرش) ................ماجمـّل الله لي بجيّه ومطراش دار ٍ كرمها بين ( منتو) و ( يغمش) ................مافرّقّت بين الاجــاويـد واللاش تدعي بطول العمر للميت بالنعش ................وتستجْدي الرحمه على كل من عاش دارٍ تشــوف الناس بريــال وبقرش ................واهلها تحسب النوق خرفان اكباش البحر فيها من يد المـوج للقـرش ................وانابدوي من زرقةالبحر ينحاش اعيــش فيها عيشــةٍ ما تعــوّش ................يقطعك حظٍّ ساقني يمّ الأطراش كِنْها تقول اظلم وتظفــر بكلش ................والاّ تعنّى لين تصفى على ماش امّا تجي ساطي تهـــش وتبـــلّش ................والاّ تموت بطيبتك بين الاحراش والشـــوكة اللي وسط لحمي تنهشّ ................ازريــت اطلّعها بعودٍ ومنقاش والعين لو جاها قــذاها تعمّش ................امّا انعمت والا غداشوفها عماش يالربع كنّ الوضع خيّــم وعـششّ ................على البشر من دون تصوير وفلاش والظاهر اني قمـت اخبص واخوش ................باسكت وخل السالفه طاش ماطاش وسلااااااااااااااااااااااااااااااااااااااااااااااا متكم |
|
|
|
15-10-2002, 04:53
|
#2 |
|
شاعر
|
ههههههههههههههههههههه
الله لايحطني بموقفك انشاء اللهبس اتصدق عااااد ؟؟؟؟؟؟؟؟؟؟؟؟؟؟؟؟؟ والله لو أدري انك بتطلع هالقصيد الزين كان كل سنة نشبت لك ولا خليتك تروح وياهم ........ <=== تراه منقهر انك ماكتبتها ببوح القوافي صح لسانك والله يكون بعونك وتصبر والله يعينك على شلل الجداويه اللي تدخل المنتدى ... لاأوصيك الله الله باللطمه ياخوك تراها زينة بالبرد <== يصرف لك تحياتي |
|
|
|
|
16-10-2002, 05:08
|
#3 |
|
عضو شعبيات
|
صح السانك ويعطيك العافيه........... لكن عندى سؤال بسيط؟ ايش المنتو ةاليغمش.............. |
|
|
|
|
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
