29-11-2001, 11:19 | #1 |
عضو شعبيات
|
نجد العذاب \\\ ديرة الحب والصبا والشعر \\
في بلاد بعيده عن نجد \\\ قالت لي انا من نجد وبعدين \\ حنا ما صدقنا نسينا نجد تذكريني فيه نجد العذاب \\\ ديرة الحب والصبا والشعر \\ نجد العذيه الخيال الي من القبله يلوح شوق القلب لذعاذيع الفياض خفت الرجل ونوا المغرم يروح يم نجد ونجد ما عنها عياض مدهل ن للناقه العفرا المسوح ربعت من عقب مصلاب المقاض يبشرون مدورينه بالصبوح بالبيوت المستطيلات العراض نجد ديرة من يعسفون الجموح ديرة التوحيد وسلومن بياض رحت عنها في ديار اهل الجنوح والله اني عقبها اشعر بمتعاض بذني رطن المريكي الطيوح يحسب اني يمه وقلبي نقاض وللقصيده بقيه |
29-11-2001, 11:48 | #2 |
شــاعر
|
اخوي ماجد: صح لسانك وبيض الله وجهك.....أأأأأأأأأأه ما اجمل نجد وما يقال في نجد...وما اجمل ما قلته واشهد انك صدقت... تقبل تحيات اخوك البدوي |
29-11-2001, 13:21 | #3 |
سيـــف الســـيــف
|
الاخ/ ماجد تراك لمست بقصيدتك هذي مشاعر بعض الاخوان واقصدي اخونا اللي بامريكا مشرفنا في هالصفحه وانا اعتقد لو كملتها تبي تهيض بدوي في امريكا ويجي ويخلي الدراسه والصراحه قصيده تلامس مشاعر كل مغترب عن نجد وعن الوطن واقصد مغترب عن نجد اللي ابعدتهم الظروف الحياتيه عن نجد 000لكن اللي اقوله صح لسانك وسلمت يداك يابن عاصم00 والقصيده الثالثه قدامي والله يستر يقولون الثالثه ثابته لك تحياتي |
30-11-2001, 23:47 | #4 |
عضو شعبيات
|
بدوي اشكرك جدا واهل نجد يحبون نجد وانا قريت انك مغترب ياخوك اسمح لي اذا هيضتك الابيات بس انتبه لاتخلى الدراسه مثل ما قال عكاشه عكاشه شكرا على رايك واعتز به والله |
01-12-2001, 00:01 | #5 |
ينتظر التفعيل
|
نجد ديرة من يعسفون الجموح ..........ديرة التوحيد وسلومن بياض رحت عنها في ديار اهل الجنوح ..........والله اني عقبها اشعر بمتعاض اخوي الغالي ماجد العصيمي عزالله ابداع وقصيدة متميزه وتحرك المشاعر صح لسانك وبيض الله وجهك وهلابك يالغالي |
01-12-2001, 00:29 | #6 |
شـــــاعــــــر
|
الأخ ماجد السلام عليكم تسلم على العذب من القول ونجد وصبا نجد والمرابع ومداهيل الأحباب وذكريات العمر كلها اعطتنا منك جميل الشعر بلحنه وانينه لك تحية عطرة ومنها هذا البيت المتواضع هوى نجد وذعاذيع الرياح وشرقة النوار @@@@@@ تجي من شرق لين تصافح الي زادت اشواقه من اخيك ابو نوت [ نوفمبر 30, 2001: تم تعديل الموضوع بواسطة : ابونوت ] |
03-12-2001, 06:58 | #7 |
عضو شعبيات
|
ابونوت سلمت وسلم ما قلت وشكرا على هالبيت الجميل وانت شاعر وصدور هالكلام منك فخر لاخوك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|