24-01-2003, 22:39 | #1 |
عــضـو فـعّـال
|
يوميات بعير مراهق "
البعير المحب مرحبا .. هذي قصه لخوينا الحاشي المكان : حايل الزمان : فصل الربيع . يكثر في فياض حايل الإبل لكبر المساحه وحسن المرعى وكثرة الربيع وقت الأمطار وايضا وجود الدحول ( الدحول : جمع دحل . وهي الحفر العميقه الملتوبه في الارض وتكون اماكن منخفضه من الأرض وتنحدر السيول فيها اثناء موسم الامطار ) . كان فيه بحايل إبل ومن هذي الابل حاشي مراهق ممشوق القوائم ابيض اللون كثيف الشعر على الرقبه والحلق والرأس وذروة السنام يمشي متبخترا بجماله ( ولا رامي عياش ) كل همه يتندح بين هالنياق الصغار خاصه ( البكار ) .. مرت الايام وهو على عالحال همه اكل وشرب وغزل في هالنياق .. يوم جا ذاك اليوم على عادته الى هالناقه واردة الماء وتبي تشرب وما درت قال هذي فرصتك وقم وافتح لها حنفيه الوايت كلها قال .. اشربي العن ابو الفقر لاتروحين للدحل وانا فيه على غير اهلها ماتجيب راس مالها شربت الين رويت ومسحت شفايفها بمنديل عشان مايتلعوط الروج وقالت الله يعطيك 1000 عافيه توني زمله من نزلت هالدحل !! وعلى هالخف الكعب يزلق . قال الحاشي : علشانك تحملت الصعايب *** اذوق المر لأجل رضاك حالي - ابتسمت الناقه وصكته بذيك النضرة اللي بغت تجيب اجله . - تنهد وقال : الله اكير كيف يجرحن العيون ** كيف مايبري صويب العين ابد احسب ان الرمش لا سلهم حنون ** واثر رمش العين ماياوي لأحد يوم روح لي نظر عينه بهون ** فزله قلبي وصفق وارتعد - ضحكت الناقه ودرت انها لعبت في قلبه .. عطته وراها ومشت على هونها وهي تومي بذيلها .. يمنه ويسرة يمنه ويسرة .. وقلبه يروح يمين ويسار . - قال : آه . وانعطف هاك الشعر المتون ** وانثنى عودة وقفى وابتعد . طال الليل على خوينا الحاشي متى يجي الصبح ؟؟ .. كل شوي يطالع في ساعته ماصدق انه يسمع الراعي يأذن .. طمر من محله وراح يدور عن الشبك وهو يطقق خفوقه .. ويروح ويجي الين جا النور وجا الراعي وفتحلهم .. ماصدق خبر وراح لم الوايت يحتريها تشرب إللا جا الراعي . قال الراعي : خير انشالله شجايبك انت وخشمك كل هذا ضما ؟؟ قال الحاشي : هاه لا ابد مافيه شي بس طاح الكبك امس هنا وجيت ادور عليه . قال الراعي : اقووووول بلا استهبال كبك وانت عليك ثوب ساده وبعد ماغيرته من يوم ماجابتك امك . يالله ضف وجهج مع البعارين لا احطك على صحن العيد . لقط خوينا وجهه وراح . قال الحاشي : زين انها ماسمعت كلام الراعي لو سمعت كان ماتعطيني وجهه . المهم وهو يكلم نفسه اللا هذي رفيقته قابلته وجه بوجه شهق( اما بعير يشهق كثرلي منها ) وقال : كفاني عذاب الله يجازيك بأفعالك ** جرحت الضمير ولا طرالك تداويني - ضحكت الناقه ذيك الضحكه اللي شغلت قلبه ( جوال ماهو قلب ) وقالت : ياعل قلب ماشكا الحب والتاع ** تنهار من فوقه محاني ضلوعه ياما نهيت القلب لاشك ماطاع ** ماطاع يدله والليالي تلوعه أثر المولع دمعته تجرح القاع ** واللي ذكر مافات هلت دموعه ايييييييييييييييه .. الحين تأكد الحاشي انها تبادله نفس الشعور .. ارتاح خاطرة واسفهل وماعاد خذته الدنيا .. مرت الايام وكبروا وكبر حبهم معهم وفي يوم من الايام وهو قاعدين على الطعس ذيك الناقه العفرا .. طير عيونه رفيقنا مشبهه عليها.. مهوب قصده شي انتبهت له الناقه خويته قالت : خلها تنفعك الله يمليك بركتها . وقال : وقفي اشرحلك الموضوع .. التفتت عليه وقالت : مدام قلبي لك شفوق وميلاف ** وراك ياخلي قليل المروفه قلي عسا مابه على الخاطر خلاف** عسى حبيبي ماقصر دون شوفه لا لا تعسر القلب في كل محراف ** واحذر يجي عقب الموده حسوفه دوك الدموع بحاجر العين وقاف ** لا انت بماسكها ولاهي ذروفه - تحسف ابو الشباب وقال : لك حق تزعل ثم لك حق نرضيك ** مااقوى زعل حبيب قلبي وعيني مادام قلبي ياريش العين مغليك ** اطلب ولك روحي وما في يديني يوم الله احسن صورتك خصني فيك ** فيك الجمال وصادق الحب فيني وقفت وتبسمت .. وارتاح خاطرها .. وهو تنهد قال هاه طاح الحطب ؟ قالت آه ياااااني لو كنت أأدر أسيبك (شويكار مهيب بناقه ) وعاشوا في سبات وثبات وخلفوا حواشي ونياق م ل ط و ش |
24-01-2003, 22:51 | #2 |
شـــاعــر
|
يسلموووووو على هالموضوع الملتووووش الله يعطيك العافيه ، سرد جميل تحياتي لكِ اخوك احمد بن ديهان. |
24-01-2003, 23:48 | #3 |
أطــلال
|
ليالي نجد بارجع لاني مستعجلة بس الموضوع شكله يهوس وهبال انتظريني الى اللكاء |
24-01-2003, 23:51 | #4 |
قلــم فعّــال
|
ههههههههههههههههههه مثل ما قال اللي فوق يسلمووو على موضوعك الملتووووش تشااااا و |
25-01-2003, 13:18 | #5 |
..
|
ههههههه الله لا يعافي عدوانك وتقولين ما نيب مشبوهه الا كلك شيبهه ما خليتي منتدى مالطشتيه تسلم يدينك وتطشين لنا كل حلو مثلك تحياتي لك |
25-01-2003, 14:03 | #6 |
عضو شعبيات
|
هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع ضحكتينن ياليالي موضوع حلو بس لونه ماهوب ملطوش كان أحلى |
25-01-2003, 14:20 | #7 |
Guest
|
|
25-01-2003, 20:24 | #8 |
رفيــق الحــزن
|
[c]ليالي نجد ههههههههههههههههههه يظرب الحب شو بيذل هههههههههههه يصلح مسلسل بدوي خخخخخخخخخخ مهوب عاقل هالحاشي ولا الزير سالم في زمانه ههههههههههههه صورة الحاشي المذكور وهو طالع رحلة مع خوياه العام الماضي [/c] |
25-01-2003, 20:54 | #9 |
عــضـو فـعّـال
|
تسلم احمد بن ديهان على مرورك لاهنت |
25-01-2003, 21:04 | #10 |
Banned
|
[c]هههههههههههههههههههههههههههههههههههههههههههههههههه هههههههههههههههههههههههههه اقول يا ليالي من يومك مهبوووووووولة وربي وش هالهبال يا دبة حلووووووووووووووووووووووة الله يحلي ايامك يا دبه :bozo: <=== عارفة نقطة ضعفها هههههههههههههههههههههه :? :": [/c] |
25-01-2003, 21:06 | #11 | |
Banned
|
إقتباس:
[c]هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه الدحمي نمبر تو الله يرجك على هالصورة بس الصراحة حيلووووووووووووووووووووووووووووووووووه [/c] |
|
25-01-2003, 21:11 | #12 |
عــضـو فـعّـال
|
جروح تسلمين عيوني ارجعي ايمتى مابدك هون كل شي جايز الى اللكاء مليون |
07-02-2003, 22:11 | #13 |
عــضـو فـعّـال
|
اهليين وسهلين عادل الضويان تسلم مليون على مرورك الرائع ولوانه ملتوش بس يالله يفداكم ههههههههههههههههه فاهمه غلط الاخت على بالها تمدح :bozo: |
07-02-2003, 22:14 | #14 |
عــضـو فـعّـال
|
ههههههههههه عبدالحمن اليحي :ton: ترا ابكي هااالاتهزأني بعدين ازعل :ton: بعدين من هي المشبوهه هااااااا:fire: :fire: استعدللحرب القااااادمه ياويلك مني تسلم والحقوق محفوظه هههههههههههه امحق وين محفوظه وانتي كل يوم لاطشه منتدى ههههههه:bozo: |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|